Find Wholeness

Saraken Ti Pannakaan-anay

1 Peter 2:19-25

Preparation

Prelude

Welcoming Hymn: 31 NI JESUS TI CAIMBAGAN

Welcome, Joys, and Concerns

Call to Worship

Leader:  Siasino ti makangngeg ti timekko?

Congregation: Dumdumngegak kenka.

Leader:  Ammok ti naganmo.

Congregation:  I know your voice.Ammok ti timekmo.

Leader:  Sika ti ay-ayatek.

Congregation: Dakami ti ay-ayatem.

Hymn: “I Have Called You by Your Name” 

Invocation

Response

Prayer for Peace

Hymn of Peace: 149 My Peace

Light the Peace Candle

Prayer 

Diosmi iti kinakappia, 

Sapay koma a masarakanmi iti kinakappiam iti aglawlawmi. 

Maipalagip kadakami iti nakasasaem nga ipapatay ni Kristo. Ngem nupay kasta masarakan met iti kappia iti likod daytoy. Wen masapulmi ti kaasi, kasta met iti ayatmo ken ti naun-uneg pay a pannakaammomi kenka. Iti panagdalyasatmi nga agturong iti kappia, masansan a magmagnakami iti kasipngitan. Mawawkami unay kenka. Babaen laeng iti sanga-tedted a sibibiag a danum, mapadasanmi iti maaddaan iti kinakappia. 

O Apo adtoykami ita. Sapay koma a bugguannakami babaen iti kappiam. Mariknami kadi iti kaaddami iti balaymo iti kinatalna iti inaldaw ken iti agnanayon. Ket kankanayon a sidedengngeg kami iti ayabmo. 

Patienmi nga ti ayab kadakami iti ingkami panagdalyasat iti kinakappia ket isu iti panangibingaymi ti kappia ni Jesu Kristo nga isu iti mannubbot ken manangisalakan ditoy lubong, wen daytoy lubong a kas maysa kataltalunan a nakasaganan nga annien. Ket panawanmi daytoy a lugar nga iti ipapanawmi ket mariknami koma iti pannakaiduronmi nga agturong iti lawagmo nga uraw adda dagiti makalapped wenno pannubok iti dalanmi. No man kasla kami laeng maysa a tuldok ditoy lubong, ikarkararag ken idawdawatmi iti kinakappia kadagiti amin a nasyon. 

Sapaykadi a maibiagmi iti panagkaykaysami nga addaan commitment a mangisayangkat iti kinakappia ken pannakapaimbag iti ispiritu. Daytoy iti ikarkararagmi iti nagan ni Jesus. Amen.  -Glenn Johnson, adapted

Scripture Reading: 1 Peter 2:19-25

Ministry of Music or Congregational Hymn

Sharing in the Spoken Word: Based on 1 Peter 2:19-25

Reflection (3 minutes)

Lagipem daydi gundaway a kasapulam unay iti tulong sabali kenka. Wenno daydi gundaway nga impaaymo iti tulong ti sabali. Nariknamkadi iti kaadda ti Dios ken panagtrabaho iti biagmo kadagidi a gundaway?

Sumangoka iti kaabaymo ket padasem nga ibingay daytoy a kapadasam. 

   

Disciples’ Generous Response

Statement

Iti daytoy a paset iti Disciples Generous Response, ipaayantayo manen iti gundaway a mangi-focus kadagiti puspusotayo iti puso ti Dios. Dagiti daton tayo ket napatpategda pay a saan laeng a tapno magun-od tayo iti budget nga agpaay iti misyon. Babaen kadagitoy a daton, mabalin tayo nga ‘yebkas iti namateryalan panagyaman tayo iti Dios nga isu iti mangipapaay kadatayo iti isu amin. 

Iti intayo panangibingay kadagiti mission tithes tayo, usaren tayo koma daytoy a gundaway tapno agyaman iti Dios kadagiti adu a sagsagotna iti panagbiag tayo. Ad-adda iti panagrang-ay dagiti puspusotayo no addatayo a siyayaman nga umaw-awat kadagiti paraburna ken no sipupudno tayo a sumungbat iti panangibiag iti misyon ni Kristo. 

Blessing and Receiving of Local and Worldwide Mission Tithes

Offertory Prayer: 

Apomi a namarsua, pangngaasim kadi a tulungannakami mangammo kadagiti pakasapulan dagiti tattaom ken dagiti pinarsuam. Kadagiti kasasaadmi, tulungannakami a mangpukaw iti kinarigat ken manggibus kadagiti saan a naikalintegan panagsagsagaba. Bendisyunam dagitoy a datonmi ita nga aldaw. Iti nagan ni Jesus. Amen. 

Hymn of Affirmation: 168  TA ADDAN NI HESUS CANIAC

Sending Forth

We pudno a ti kinaimbag ken kaasi ti Dios ket adda sumursurot kadagiti bibiag tayo, ken addatayo a kankanayon iti balay ti Apo agingga iti agnanayon. Ingkayo iti kappia. 

Postlude

* H Y M N S *

168  TA ADDAN NI HESUS CANIAC

(Since Jesus came into my heart)

Ti biagcon naragsac awan ti pumadpad,

Ta addan ni Jesus caniac,

Nasilawanen nasipnget a cararuac,

Ta addan ni Jesus caniac.

Coro:

Idi immayen ni Jesus,

A nangted ditoy pusoc,

Toy cararuac ragsacnat’ agburburayoc,

Ta addan caniac ni Jesus.

Awan caniacon pannacayaw awan,

Ta addan ni Jesus caniac,

Basolco naruayda ket inugasannac,

Ta addan ni Jesus caniac.

Maysa a namnama icutac wen pudno,

Ta addan ni Jesus caniac,

Ul-ulep ti duadua dalanco , awandan,

Ta addan ni Jesus caniac.

Ti tay-ac ni patay saannac maublag,

Ta addan ni Jesus caniac,

Ti ruangan ti ciudad makitac nalawag,

Ta addan ni Jesus caniac.

Innacto agtaeng idiay ciudad a naraniag,

Ta addan ni Jesus caniac,

Naragsac, wen naragsac ti pagnaac,

Ta addan ni Jesus caniac.

31 NI JESUS TI CAIMBAGAN

(What A Friend We Have In Jesus)

Ni Jesus ti caimbagan,

A gayyem masaracan,

Gaput’ basoltay a naruay,

Iddiay cruz naibartay.

Cumararagtay Kencuana,

Basoltay punasenna,

Di agcurang nga itedna,

Biag nga awan mulitna.

No sulisog ti umapay,

Buteng ken danag umay,

Ken Jesus intay cumamang,

Itdennantot’ saranay.

Adda aya capadana,

A gayyem mangliwliwa,

No capuytayo ti adda,

Datay ti badanganna.

No nadagsen awittayo,

Pacaringgoran adu,

Kencuana umawagtayo,

Ket tulong itdennanto.

No uyaw ti malac-aman,

Gagayyem pumanawdan,

Ni Jesus dinatay bay-an,

Ta gayyem caimbagan.

149 My Peace

My peace I give unto you.

It’s a peace that the world cannot give.

It’s a peace that the world cannot understand; 

peace to know, peace to live. 

My peace I give unto you. 

SHARING GUIDE

19Gunggonaannakayto ti Dios no maibturanyo ti agsagaba a saan a nainkalintegan ta ammoyo ti pagayatanna. 20Maidaydayawkayo aya no ituredyo ti dusa a kaikarianyo gapu iti dakes nga inaramidyo? Ngem no ibturanyo ti agsagaba idinto a naimbag ti aramidyo, bendisionannakayto ti Dios. 21Daytoy ti nangayaban ti Dios kadakayo, agsipud ta nagsagaba ni Cristo gapu kadakayo ket nangibati iti pagulidanan tapno surotenyo ti tugotna. 22Saan a nagbasol. Awan ti insawangna a kinaulbod. 23Idi nalalais, saan a nanglais. Idi nagsagaba, saan a namutbuteng. Nagtalek ketdi iti Dios, ti nalinteg nga Ukom. 24Inawit ni Cristo dagiti basbasoltayo iti krus tapno mawayawayaantay iti pannakabalin ti basol ket agbiagtay a nalinteg. Ta babaen kadagiti sugatna, naagasankayo. 25Mayarigkay idi kadagiti karnero a nayaw-awan. Ngem ita, naisublikayon a sumurot iti Pastor ken Agaywan kadagiti kararuayo.

Exploring the Scripture

• Kasanom nga iladawan ti agdama a kasasaadmo kas maysa nga adalan? Nalaka kadi kenka, apay? Wenno narigat, apay?
• Iti pannakaawatmo no ania ti kayatna a sawen iti "agsagaba a saan a naikalintegan"? Ania dagiti mabalin a pakayariganna daytoy? Sadino iti mabalin a pakakitaan wenno iti kakastoy a banbanag?
• Ania iti mabalin a riknam no sagabaen ti dusam kas bunga ti bukodmo a dakes nga aramid?

Iti mensahe manipud iti daytoy a teksto, ikalkalikagum ni Pedro ti wagas ti panagbiag a kas iti ihemplo nga impakita ni Jesus wenno kas iti nasursurotayo manipud kenkuana. Agsipud ta gapu iti panagsagaba ni Jesus datayo kas tagabu iti basol ket nawaya-wayaan tayo. 

Maipanamnama kadatayo nga ti Dios ket adda kadatayo no ikalikagum tayo iti agbiag babaen iti panangpili tayo iti nasayaat. 

Kas ipakaawat daytoy a teksto a saan a pulos a mapalubusan iti anyaman a wagas iti kinaranggas, pananggundaway ken saan a naikalintegan a panagsagaba iti siasinoman. Saanna met kayat a sawen a babaen laeng iti panagsagaba iti mabalin a wagas tapno awatennatayo ti Dios. 

Ngem panunuten tayo a daytoy ket maysa nga awis ken karit kadatayo no kasano iti panagpili wen panagdesisyon tayo iti panagbiagtayo nga addaan iti panangipangpangaruna no dagitoy ket maiyannatup kadi sursuro ni Kristo. 

• Ti maysa a saludsud kadatayo ket no ania iti maiparbeng nga aramiden wenno desisyon umay kadatayo dagiti kiranggas wenno mapadasan tayo iti agsagaba a saan naikalintegan?

Iti intayo panangkita a ni Jesus ket nagbiag a nagpaay kadagiti isu-amin, sarakentayo koma iti pamapigsa ken kappiana iti intayo isusurot kenkuana. 

Daytoy a teksto ket 'yaw-awisna kadatayo iti intayo panagbiag a kas pudpudno nga adalan ni Kristo. Palubusantayo kadi nga iti panagbutengtayo iti panang-reject ti sabali kadatayo gapu iti isusurottayo ken Kristo iti mabalin a mangadipen kadatayo?

Mabalin tayo iti agbiag a nasayaat ken sitatalna ken Kristo. Kas maysa a Community of Christ, agdalyasat tayo nga addaan panangitandudo ken panangiwaragawag iti kinaawan ti kinaranggas nga isu iti impakita ni Jesus a wagas iti panagbiag. 

• Ania iti mabalinmo wenno kabaelam nga aramiden tapno maipakitam nga adda kenka iti panagbiag a sikakappia kas maysa nga adalan ken kameng ti Community of Christ?
• Adda kadi kabaelam nga aramiden tapno mabalin a mapukaw iti kinaranggas ken kinaawan hustisiya? Kasano a mangrugi manipud kenka daytoy?

Central Ideas 

• Ti namnamatayo iti panagungar ket isu mangted kadatayo iti tured a mangibiag iti kappia ni Kristo iti likod ti rigrigat, panagsagab ken rag-o tayo. 
• Babaen iti panagbiag ken panagsagaba ni Jesus, makita iti ayat ti Dios. Naayaban tayo tapno ibiag dayta ng ayat ken kappia uray iti panagsagaba tayo gapu iti kinaawan iti hustisiya iti sangalubungan. 
• Ti sipupudno a panangibiag ti kappia ni Kristo ket isu pakakitaan iti karitayo a sumurot kenni Jesus.