Trust in God

Prelude

Welcoming Hymn: 77 UMAY KAYO AMIN

Welcome, Joys, and Concerns

Call to Worship

Reader 1: Ay-ayatek ti Apo, ta ipangagnak;

Reader 2: denggenna dagiti kararagko.

Reader 1: Yallingagna kaniak dagiti lapayagna tunggal umawagak kenkuana.

Reader 2: Managparabur ken managayat ti Apo;

Reader 1: wen, manangngaasi ti Diostayo.

Both: O kararuak, agtalgedka, ta naimbag ti Apo kenka.

Invocation

Music Ministry

Prayer for Peace

O Apomi a namarsua,

Adtoykami ita iti sangwanam iti daytoy nasantoan a gundaway tapno umaymi iyebkas dagiti kalkalikaguman dagiti puspusomi. Lakkubannakami kadi babaen iti talnam iti ingkami panagbiag ditoy nariro a lubong. Iparakitam kadi kadakami iti kinapudno maipanpan iti kinaan-anay iti kappiam a mabalinmi nga ibingay kadagiti dadduma. Kadagitoy a gundaway adda iti dakkel a pakasapulan iti panangkita no kasano iti kusto a panangtrato kadagiti tattao, pampamilya wenno kadagiti indibiduwal. Sapay koma a mabalinmi a pillien dagiti kasayaatan a wagas iti panangsubat kadaytoy. Masarakanmi koma a masarakanmi dagiti kinasanto ti lubongmi ken kasta met dagiti pinarsuam. Ikkannakami iti gundaway a silulukat iti pannakaammo kadigi puspusomi. Isuronakami nga agibtor. Tulongannakami no kasano a kankanayon a silalagip kami iti kababalin ni Jesu-Kristo nga anakmo a babaen iti naganna isu iti ingkami pagkarkararaganmi. Amen.

Scripture Reader: 1 Peter 1:17-23

Hymn: 32 NI JESUS NAIMBAG A GAYYEM

DGR statements:

Mabalin nga awan iti mayat a mangted kenka iti pirak iti uneg ti simbaan, ngem ketdi sika iti namnamaen a mangipaay wenno mangibingay iti adda kenka tapno agtultuloy iti ministeryo nga agpaay kadagiti amin a parsua ditoy lubong. Babaen iti daytoy a wagas wenno aramid, maipatungpal iti misyon ti iglesia kadagiti naduma-duma a luglugar nga uray saan mo a madandanon wenno makitkita.

Ngarud ita, gundaway tayo manen a mangiyannatup kadagiti puspusotayo iti puso ti Dios ken kadagiti kayat tayo nga aramiden a maiyannurot koma iti pagayatanna. Kasta met a daytoy ti gundaway tayo tapno agyaman iti Dios gapu ta isuna iti bigbigbigen tayo a mangipapaay kadagiti amin nga adda kadatayo. Gapuna a dagiti daton tayo ket saan laeng a napateg tapno magun-od tayo iti budget a kasapulan iti pannakaipatungpal iti misyon ni Kristo, no di ket dagitoy ket maysa a simbolo iti intayo panagyaman kenkuana pagtataudan dagiti isu-amin nga adda kadatayo.

Blessing and Receiving of Mission Tithes

Closing Hymn: 636 I Have Called You by Your Name

Closing Prayer

Sending Forth

Trust in God to help you respond to need in the world, to feed the hungry, to restore the earth. Remember that we belong to God and to each other. Take your candle into the world. Be light for others. Go in peace.

Postlude

* H Y M N S * 

77 UMAY KAYO AMIN

(Come Ye That Love The Lord)

Umaycayo amin,

Nga agayat ti Dios,

Agkantatay’ agtutunos,

Panagdaydayaw ken Jesus,

Nagannat’natan-oc,

Trononat’ nalibnos.

Coro:

Agpagpagnatayo,

Dalan agturong ‘diay ngato,

Diay Sion ayan ti Dios Apo,

Pacasaran ti rag-o.

Adu a tattao,

Dida ammot’ Apo,

Ngem dacay a macaammo

Naganna iracuracyo,

Buyuganyot’ rag-o,

Buyuganyot’ rag-o.

Uray payen ita,

A ditay pay dimteng,

Idiay daga namayengmeng,

Mabalinen a say-upen

Ti ayamuomna,

Ti Gloria a taeng.

Ditay’ ngad’ mamingga,

A mangicancanta,

Nagan ni Jesus nangina,

Rigrigat lipaten ida,

Inton madamdama,

Sumrectay’ diay Gloria.

636 I Have Called You by Your Name

I have called you by your name, you are mine;

I have gifted you and ask you now to shine.

I will not abandon you;

all my promises are true.

You are gifted, called, and chosen; you are mine.

I will help you learn my name as you go;

read it written in my people, help them grow.

Pour the water in my name,

speak the word your soul can claim,

offer Jesus’ body given long ago.

I know you will need my touch as you go;

feel it pulsing in creation’s ebb and flow.

Like the woman reaching out,

choosing faith in spite of doubt,

hold the hem of Jesus’ robe, then let it go.

I have given you a name, it is mine;

I have given you my Spirit as a sign.

With my wonder in your soul,

make my wounded children whole;

go and tell my precious people they are mine. 

32 NI JESUS NAIMBAG A GAYYEM

(Oh, The Best Friend)

Ni Jesus naimbag a gayyem,

Rigat dinacanto baybay-an.

Ladingit punasenna,

Gracia, pigsa itdenna,

Caimbagan a gayyem ni Jesus.

Coro:

Ti caimbagan a gayyem,

Ni Jesus awan sabalin,

Tumulong no matuangca,

Dumngeg no umawagca,

Caimbagan a gayyem ni Jesus.

Nagsam-it a gayyem ni Jesus,

Liwliwa ken talna itdenna,

Agsanggirac Kencuana,

Ni buteng dinto cumna,

Caimbagan a gayyem ni Jesus.

Uray ladingit iti umay,

Ken dalluyon a casta unay,

Diacto pulos umamac,

Mannubbot adda caniac,

Caimbagan a gayyem ni Jesus.

No dumtengtayton idiay gloria,

Matalec cadduatayto ida,

Agcantatayto idiay,

Canta a pagdaydayaw,

Caimbagan a gayyem ni Jesus.

Sermon Helps 

Third Sunday of Easter

1 Peter 1:17-23

 17Awan idumduma ti Dios. Ukomenna dagiti tattao kas mayannurot iti aramidda. Kunayo, “Amami” no agkararagkayo iti Dios. Ngarud, no kasta ti awagyo, masapul nga agbuteng ken agraemkayo kenkuana bayat ti panagbiagyo ditoy daga. 18Ta ammoyo no ania ti naibayad tapno mawayawayaankay iti awan serserbina a panagbiag a tinawidyo kadagiti kapuonanyo. Saankayo a nagatang babaen iti banag a madadael, kas iti pirak wenno balitok. 19Nawayawayaankayo ketdi babaen iti pannakaidaton iti napateg a dara ni Cristo a mayarig iti kordero nga awan mulit ken tulawna. 20Sakbay a pinarsua ti Dios ti lubong, pinilina ni Cristo ket naiparangarang kadagitoy maudi nga aldaw tapno maisalakankayo. 21Gapu ta namatikayo kenkuana, nagtalekkay iti Dios a namagungar ken namagbalin kenkuana a mannakabalin unay. Naiturong iti Dios ti pammati ken namnamayo.

22Babaen iti panagtungpalyo iti kinapudno, napakawan dagiti basbasolyo ket nadalusankayo. Gapu ta addan pudno a panagayatyo kadagiti kakabsatyo iti pammati, agiinnayatkayo ngarud iti amin a pusoyo. 23Naipasngaykayo manen saan a babaen iti agrupsa a bukel no di ket babaen iti sibibiag ken agnanayon a sao ti Dios.

Exploring the Scripture 

Daytoy a paset ti nasantoan a surat a ditoy 1 Pedro ket maysa a pastoral letter a mabalin a nairanta kadagiti Hentil nga naaddaan iti panamati iti Dios, a dagitoy ket dati nga awananda iti panamati gapu ta isuda ket maidumada kadagiti Judio. Insurat daytoy ni Pedro tapno ipaayanna ida iti inanama ken suporta iti baro a pammatida. 

Iti panagbiag dagiti Hentil nga adayo kadagiti bukodda a pagtaengan ket kasla saan a maiduma iti panagbiag iti maysa a Kristiyano. Apay? 

Gapu ta kadatayo a Kristiano, daytoy daga ita a pagnanaedan tayo ket saan nga isu iti pudpudno a pagtaengan tayo, gapu ta idiay langit iti pudpudno a pagtaengan tayo. 

Maysa pay daytoy a balakad no kasano iti pannakipagbiag ken relasyon tayo iti tunggal maysa, ken maysa a palagip maipapan kenni Jesus a  natay gapu kadatayo, ken no kasano iti panagtalektayo kadagiti sasao ti Dios.

• Kanyatayo, kasano met iti panagtalek tayo iti Dios? Ania dagiti gundaway a ma-testing iti panagtalek tayo kenkuana?
• Ania dagiti banbanag mangmangted kadatayo iti rason no apay a mabalin tayo a pagtalkan dagiti sasao ti Dios?

Ipalpalagip ni Pedro kadagiti Heltil no ania iti naibayad tapno mawaya-wayaanda manipud iti awan serserbina a panagbiag a tinawidda manipud kadagiti kapuonanda. 

Saan a balitok wenno pirak iti naigatang tapno mawaya-wayaanda. Gapu ta kadagiti a panawen, ti siasinoman a tagabu ket masapul nga agbayad iti pirak wenno balitok tapno mawaya-wayaan manipud iti amongna.

• Ngem ania iti naibayad tapno mawaya-wayaan dagitoy a Heltil? No dagiti Hentil idi ket nawaya-wayaanda a kas tagapu, maiduma da kadi met kadatayo ita?
• Ania tagiti mang-tag-tagabo kadatayo kadagitoy a panawen iti panagbiag tayo?
• Kayat tayo kadi a mawaya-wayaan tayo? Kasano a mawaya-wayaan tayo?
• • Masapul nga agtalek tayo iti bileg ti dara ni Kristo nga isu iti mangwaya-waya kadatayo manipud kadagiti pannakatagtagabo tayo?
  • Ammotayo a no patientayo a nawaya-wayaan tayo babaen iti dara ni Jesus, mabalin tayo ti agbiag a mangabaroanan. 
• Apay ngata awan serserbina iti panagbiag a tinawidda manipud kadagiti kapuonanda?
• Gapu ta iti panagbiagda ket awan pammatida iti Dios. Ket mabalin a gapu ta awan pammatida iti Dios, awan iti sursurotenda tapno agbiagda a nasayaat. Mabalin a saan napateg iti relasyonda iti padada a tattao. Mabalin nga awan iti pannakibiangda iti pagsayaatanda iti tunggal maysa.

No patientayo a sinubbotnatayo ni Kristo, ania met iti mabalin a sungbat tayo iti daytoy? 

• Masapul nga intayo padayawan daytoy nga inaramidna. 

Ipalpalagip ni Pedro a gapu iti panagtalek ken inanamatayo iti Dios kasat met gapu iti panagtulnog tayo kenkuana, addaan tayo iti pudpudno a panagayat iti tunggal maysa manipud kadagiti kaunggan iti puspusotayo.
Kas iti panagayat ti Dios kadatayo, ayaten tayo koma met iti tunggal maysa. Patalgedan tayo a saan tayo nga agmaymaysa ket agsisinnoporta tayo.

Central Ideas 

• Nasubbot tayo babaen iti dara ni Kristo.
• Agtalek iti Dios; maiyanak ken mapabaro babaen iti sibibiag a sasao ti Dios. Ibiag iti naisang-sangayan a mensahe ken naibag a damag.