Come into God’s Presence

 

UMAYKA ITI PRESENSIYA TI DIOS
Additional Scriptures
Psalm 139:1-12, 23-24; Matthew 13:24-30, 36-43; Romans 8:12-25

Prelude 

Welcome 

Sung Call to Worship:“Santo, Santo, Santo/Holy, Holy, Holy”

Praying the Psalm: Psalm 139:1-12, 23-24 
Read slowly, allowing time for reflection. Add an “Amen” to the final verse.  

Sung Response 23 NAPNOAN RAGSAC TOY PUSOC ITA

Scripture Dialog: based on Genesis 28:10-19a 

Narrator: ¹⁰Umalis si Jacob sa Beer-seba at lumakad papuntang Haran. ¹¹Nang lumubog na ang araw, nakarating siya sa isang lugar at doon nanatili nang gabing iyon. Kumuha siya ng isang bato at ginawa niyang unan sa pagtulog niya. ¹²Ngayon, nanaginip siya na may isang hagdan na nakatayo sa lupa na abot hanggang langit. Nakita niya na akyat-baba ang mga anghel ng Diyos sa hagdan. ¹³Nakita rin niya ang Panginoon na nakatayo sa itaas ng hagdan at sinabi sa kanya,

The Lord: “Ako ang Panginoon, ang Diyos ni Abraham at ni Isaac. Ibibigay ko sa iyo at sa mga lahi mo ang lupaing ito na iyong hinihigaan. ¹⁴Ang mga lahi mo ay magiging kasindami ng alikabok sa lupa. Mangangalat sila sa ibaʼt ibang bahagi ng lupa. Sa pamamagitan mo at ng mga lahi mo, pagpapalain ko ang lahat ng tao sa mundo. ¹⁵Alalahanin mo palagi na kasama mo ako at iingatan kita kahit saan ka pumunta. Pababalikin kita sa lupaing ito at hindi kita pababayaan hanggang sa matupad ko ang aking ipinangako sa iyo.”

Narrator: ¹⁶Biglang nagising si Jacob at sinabi niya sa kanyang sarili, Jacob: “Hindi ko alam na nandito pala ang Panginoon sa lugar na ito.” 

Narrator: ¹⁷Natakot siya at sinabi,

Jacob: “Kakila-kilabot ang lugar na ito! Tiyak na tahanan ito ng Diyos at ito ang pintuan ng langit.”

Narrator: ¹⁸Maagang bumangon si Jacob. Kinuha niya ang batong inunan niya noong gabi at itinayo bilang isang alaala. Pagkatapos, binuhusan niya ito ng langis. ¹⁹Pinangalanan ni Jacob ang lugar na iyon na Betel.

Focus Activity and Community Sharing 

·         Base sa ating karanasan, saang lugar natin maaaring nakatagpo ang Diyos?

·         Ito ba’y hindi natin inaasahan, o hinahanap natin noon ang Diyos at gusto nating makatagpo?

·         Sa papaanong paraan nakaapekto ito sa buhay mo?

Prayer for Peace 

Light the peace candle 

Statement 

Saan man tayo nakatira o anuman ang pinagdadaanan natin sa buhay, may mga pagkakataong pakiramdam natin ay nawawala tayo at hindi alam ang gagawin. Kung minsan, parang napakahirap marating ng kapayapaan.

Pero kung nakasali ka na sa mga church family camp, youth camp, retreat, o iba pang mga katulad na pagtitipon, malamang naramdaman mo doon—kahit sandali lang—ang kapayapaang hatid ng Diyos. Minsan, galing ito sa pakikipag-bonding sa iba, minsan sa mismong oras ng pagsamba, at minsan naman dahil lang nasa isang lugar ka na nakatutulong para makapagrelax at magbagong-sigla ang iyong sarili.

Kung naramdaman mo na ang presensya ng Diyos na nagbigay sa'yo ng kapayapaan noong panahong kailangang-kailangan mo ito, huwag mo sanang kakalimutan ang pakiramdam na 'yan. Ipangako mo sa sarili mo na tutulong ka para gumawa ng mga paraan na maranasan din 'yan ng iba.

Prayer 

Dakilang Diyos,

Maraming-maraming salamat po sa mga pagkakataong naramdaman o nasilayan namin kung gaano kasaya at kapayapa ang Iyong kaharian, at sa mga sandaling ipinaramdam Mo sa amin ang Iyong pagmamahal at pag-aalaga.

Ngayong araw po, ipinapanalangin namin ang lahat ng tao sa buong mundo. Sana po ang pakiramdam ng pagiging naliligaw, nag-iisa, kawalan ng pag-asa, at takot ay mapawi sa pamamagitan ng pagpaparamdam Mo na kasama Mo silang naglalakad tungo sa mas mapayapang buhay.

Gabayan Mo po kami patungo sa kinabukasang nais Mo para sa buong sangkatauhan at sa lahat ng Iyong nilikha. Tulungan Mo po kaming laging maalala na nasaan man kami, kasama Ka ng bawat tao sa lahat ng dako.

Amen.

Morning Message Based on Genesis 28:10-19a 

Disciples’ Generous Response 

Statement 

Kahit madalas ay hindi natin namamalayan—gaya na lang ni Jacob—laging kasama natin ang Diyos. Ang mga sandaling nararamdaman natin Siya ay tumutulong sa atin para mas maintindihan na ang Kanyang presensya ay isang katotohanang para sa lahat ng tao. Isa pang katotohanan ay ang pagiging bukas-palad ng Diyos sa pagbibigay ng pagmamahal at awa na hindi naman natin kailangang paghirapan o pagtrabahuhan—para sa atin at sa lahat ng tao, maging sa mga itinuturing nating kaaway.

Kailanman ay hindi natin mapapantayan ang pagiging bukas-palad ng Diyos sa atin. Pero pwede rin tayong maging bukas-palad sa iba sa pamamagitan ng pagmamahal, paggalang, pagmamalasakit, at pagbabahagi ng ating oras at mga biyaya sa anumang paraang kaya natin, upang suportahan ang misyon ng simbahan—na siya ring misyon ni Cristo.

Blessing and Receiving of Local and Worldwide Mission Tithes 

Closing Hymn “Into My Heart”  sing several times CCS 573 

Benediction 

Sending Forth 

Sapagkat batid ninyo na ako’y nasa sa inyo saan man kayo naroroon, hinding hindi ko kayo iiwan hangga’t hindi ko tinutupad ang aking pangako sa inyo.  —Genesis 28:15, adapted

Postlude 

Come and Listen

 

Umaykayo ket Dumngeg
Genesis 25:19-34; Psalm 119:105-112; Romans 8:1–11

SERMON GUIDE

Prelude 

Welcome and Sharing in Community 

"Ang pagbabahagi ng ating mga kagalakan at mga alalahanin sa bawat isa ay mahalagang bahagi ng ating komunidad. Kaya maglaan muna tayo ng konting oras para magkumustahan sa mga nangyari noong nakaraang linggo."

Pastoral Prayer over Joys and Concerns 

Hymn of Praise : 57 CAPINTASAN A LIRIO IDIAY TAY-AC

Invocation 

Response 

Scripture Reading: Matthew 13:1–9, 18–23 

Song of Planting : 155  ARAMID TAYTO LAt’ MALAGIPDA,

Focus Moment: Planting Wisely 

Supplies: seedlings, pot(s), potting mix, water 

"Magkakasama nating ililipat ang isang seedling sa bagong paso. Pwedeng maghanda ng tig-iisang paso para sa bawat participant, o kaya naman ay sabay-sabay kayong magtanim sa iisang malaking paso."

Ano nga ba ang alam natin tungkol sa mga halaman? Ano ba ang kailangan nila para mabuhay? Kailangan nila ng tubig, lupa, sikat ng araw, at space para lumaki ang mga ugat nila. Kailangan na nating ilipat ang mga seedlings na 'to sa mas malaking paso; ang ganda ng laki nila dito sa maliit, pero kailangan na nila ng mas malaking espasyo ngayon.

Ano naman ang dapat nating gawin para maging healthy ang bawat seedling sa bago nilang paso? Maglalagay tayo ng konting lupa sa paso, tapos isusunod ang halaman natin (baka kailangan ninyong maghukay ng maliit na butas depende sa dami ng lupang nailagay niyo), at pagkatapos, dahan-dahan nating pipitpitin o aayusin ang lupa sa paligid nito. Gagawin natin 'to para may suporta ang halaman at makakuha siya ng nutrients.

Kusa namang gumagawa ng sarili nilang pagkain ang mga halaman, kaya hindi natin sila kailangang pakainin na parang mga alagang hayop. Pero, may mga specific pa rin silang kailangan para makagawa sila ng pagkain na 'to. Ano kaya 'yon? Tama, sikat ng araw at tubig! Kaya didiligan natin nang konti ang mga halamang ito at ilalagay sa lugar na nasisikatan ng araw—pero tandaan natin na may mga halaman namang hindi naman kailangan ng sobrang init. Ang inililipat natin ngayon ay seedling na o nagsimula nang tumubo; mas mahirap kasi magpatubo kapag galing mismo sa buto. Pero parehong-pareho lang din ang kailangan ng mga buto.

May ikinuwento si Jesus noon tungkol sa isang magsasaka na nagtatanim ng mga buto. Habang naglalakad ang magsasaka, nagsasabog lang siya ng mga buto; ang iba ay nahulog sa tabi ng daan at mabilis na kinain ng mga ibon. Ang iba naman, nahulog sa may mga matitinik na damo kaya nasakal ang mga halaman. May mga nahulog din sa mababaw na lupa; mabilis silang tumubo pero kulang sa tubig at espasyo para sa mga ugat nila. At sa wakas, may mga buto namang nahulog sa magandang uri ng lupa.

Sa tingin ninyo, ano kayang meron sa magandang lupa kaya natulungan nitong lumaki ang mga buto? Kailangan ng mga buto ng espasyo, nutrients, tubig, sikat ng araw, at iba pa. Kaya kailangan nating magtanim nang tama at wais para masiguradong lalaking mabuti ang mga buto natin.

(Kung pwedeng iuwi, ipamahagi na ang mga paso para madala nila sa bahay).

Disciples’ Generous Response: Overflowing Bounty 

Scripture Reading: Psalm 65:9–13 

Discussion 

Sa paanong mga paraan nagtanim nang tama o "nagtanim nang may karunungan" ang Diyos sa buhay mo?

Paano mo naman "itinanim nang tama" ang mga pagpapala sa buhay ng ibang tao?

Paano mo naranasan 'yung sinasabing pinagpala ka para maging pagpapala rin sa iba (blessed to be a blessing)?

Ano ang kinalaman ng "tamang pagtatanim" sa pagiging mapagbigay?

Blessing and Receiving of Local and Worldwide Mission Tithes 

Ministry of Music or Community Hymn: “The Trees of the Field” CCS 645 

Message Based on Matthew 13:1–9, 18–23 

Prayer for Peace 

Light the peace candle 

Prayer 

Panginoon, lumalapit po kami sa Inyo ngayon, humihingi ng kapayapaan na Kayo lang ang makapagbibigay. Salamat dahil patuloy Niyong inihahasik ang Inyong mga salita at pagmamahal sa buhay namin.

Suriin Niyo po ang puso namin, Panginoon. Kung may mga bahagi man dito na naging parang matigas na daan—puno ng stress, pagdududa, o takot kaya madaling manakaw ng kaaway ang kapayapaan namin—pinalalambot po namin ito sa Inyo.

Sana rin po, hindi maging parang mabatong lupa ang puso namin. Huwag Mo pong hayaan na kapag dumatíng ang mga pagsubok, problema, at persecution sa buhay, ay madali kaming manghina o mawalan ng pag-asa. Bigyan Mo po kami ng malalim na ugat sa Inyo para kahit may bagyo, kalmado pa rin ang puso namin.

Linisin Mo rin po kami, Panginoon, sa mga matitinik na halaman—ang mga alalahanin sa buhay na ito, ang takot sa bukas, at ang panlilinlang ng yaman. Ang bilis po ng mundo ngayon, at madalas, nasasakal ng ingay nito ang kapayapaang galing sa Inyo. Tulungan Mo kaming bitawan ang mga bagay na hindi namin kontrolado.

Gawin Mo pong mabuting lupa ang aming puso. Tulungan Mo kaming makinig sa Inyo nang may pag-unawa, tanggapin ang Inyong kapayapaan, at mamuhay nang may pananampalataya. Gusto po naming magbunga ang buhay namin ng pag-ibig, kagalakan, at kapayapaan na mapapakinabangan din ng ibang tao.

Salamat, Hesus, dahil Kayo ang aming tapat na Magsasaka, at alam naming hindi Mo kami pababayaan. Amen.

Sending Forth Hymn: 204      GAGETAN TAY AGTRABAHO

Sending Forth: Isaiah 55:12 

Postlude 

Halika at Humanap ng Kapahingahan

  

"Come and Find Rest (Be)"
SERMON GUIDE

Prelude 

Welcome 

Call to Worship 

Leader: Napakabuti at mapagpatawad ng Panginoon, hindi Siya madaling magalit at puno Siya ng tapat na pagmamahal. Mabuti ang Panginoon sa lahat, at kinakahabagan Niya ang lahat ng Kanyang nilikha.

All: Pasasalamatan Ka ng lahat ng Iyong mga gawa, Panginoon, at pupurihin Ka ng lahat ng Iyong mga tapat na lingkod. Ibabalita nila ang kadakilaan ng Iyong kaharian, at ipapakita ang Iyong kapangyarihan,

Leader: Sapagkat ipapamalita sa lahat ng tao ang Iyong mga kahanga-hangang gawa, at ang dakilang kaningningan ng Iyong kaharian. Ang kaharian Mo ay walang hanggan, at ang Iyong pamumuno ay mananatili sa bawat henerasyon.

All: Tapat ang Panginoon sa lahat ng Kanyang pangako, at mabuti sa lahat ng Kanyang ginagawa. Inaalalayan ng Panginoon ang lahat ng nadadapa, at itinataas Niya ang lahat ng pinanghihinaan ng loob.
- Psalm 145:8–14 

Gathering Hymn 

Invocation 

Response 

Testimony and Spiritual Practice 

Bago magsimula ang meeting, magsabi ka na sa isang miyembro na magbahagi ng testimony tungkol sa isang spiritual practice na ginagawa niya para makahanap ng kapayapaan o pahinga para sa kanyang kaluluwa. Mas maganda kung medyo iba ito sa nakasanayan na nating pagbabasa ng Bible o pananalangin—halimbawa, pagsusulat ng tula, pagsasayaw, pag-gagarden, o kung ano pa man. Bakit niya ba ginagawa ang practice na ito? Paano ito nakatulong sa kanya para mas mapalapit siya sa Diyos? Kung pwede, pasimulan o iparanas din sa kanya ang practice na ito sa buong grupo.

Prayer for Peace 

Light the peace candle 

Lord,

Nandito po kami ngayon sa harap Mo, gustong-gusto lang pong naming  huminga nang malalim. Ang dami pong tumatakbo sa isipan namin, ang haba ng mga kailangan gawin, at pagod na pagod na po ang puso’t kaluluwa namin. Ang tagal na po naming sinusubukang pasanin ang lahat mag-isa, pero aminado po kami—hindi namin ito kaya.

Kaya ngayon po, inilalagay po namin na ang lahat sa paanan Mo. Lahat ng aming alalahanin, lahat ng takot sa kinabukasan, at lahat ng bigat na na aming dala-dala—Sayo na po muna ang mga ito.

Sabi Mo po, kapag lumapit kami Sayo, bibigyan Mo kami ng kapahingahan. Lord, kailangan po namin ng kapayapaan Mo ngayon. 'Yung kapayapaan na hindi kayang ibigay ng mundo, 'yung gigising sa puso ko na magiging okay din ang lahat kasi kasama Ka namin.

Nawa’y tumahimik ang ingay sa paligid at sa isip namin. Tulungan Mo po kaming huminto sandali at magtiwala lang sa presensya Mo. Ipaalala Mo po sa akin na ang halaga ko ay hindi nakadepende sa dami ng nagagawa ko, kundi sa katotohanang anak Mo ako.

Salamat po dahil alam naming hawak Mo ang bukas, kaya pwede akong mamahinga nang panatag ngayon. Sayo na po namin ipinapaubaya ang lahat.

Amen.

Scripture Reading: Matthew 11:16–19, 25–30 

Ministry of Music OR Community Hymn of Confession and Centering 

Communion Message Based on Matthew 11:16–19, 25–30 

Hymn of Preparation

Sacrament of Communion

Invitation to Communion 

Blessing and Serving of the Bread and Wine

Hymn of Response: “As the Wind Song through the Trees” CCS 42 

Disciples’ Generous Response 

Scripture Reading: Doctrine and Covenants 163:9 

Faithful disciples respond to an increasing awareness of the abundant generosity of God by sharing according to the desires of their hearts; not by commandment or constraint. Break free of the shackles of conventional culture that mainly promote self-serving interests. Give generously according to your true capacity. Eternal joy and peace await those who grow in the grace of generosity that flows from compassionate hearts without thought of return. Could it be otherwise in the domain of God, who eternally gives all for the sake of creation?

Statement 

Ang totoong pagiging mapagbigay ay hindi lang basta paglilipat ng pera mula sa isang bank account patungo sa isa pa. Bilang mga alagad na tapat sa misyon ni Kristo, nagbibigay tayo dahil sa patuloy nating nararanasang umaapaw na biyaya ng Diyos. Ang totoong sukatan ng pagiging mapagbigay ay makikita sa mismong pagnanais ng ating puso. —Pathway to Abundant Generosity, Day 12, 17. 

Blessing and Receiving of Local and Worldwide Mission Tithes 

Time of Community Prayer 

Hilingin sa kongregasyon na magbahagi ng kanilang mga personal na kagalakan at mga pinagdaraanan, pati na rin ang mga concern ng buong simbahan. Manalangin na magkakasama para sa mga bagay na ito. Siguraduhin ding kasali ang mga bata at kabataan sa pagbabahagi at pagdarasal na ito. I-encourage ang lahat na patuloy na ipag-pray ang mga concerns na ito sa buong linggo sa kanilang personal na oras ng pananalangin.

Sending Forth Hymn: “I Have Called You by Your Name” CCS 636 

Prayer

Benediction 

Response 

Postlude