Prelude
Welcome
Announcements, Sharing of Joys and Prayer Needs
Call to Worship
O Apo nga Apomi, iti sangalubongan, makita ti kinatan-okmo! Dumanon sadi langit ti pannakaidaydayawmo No tangadek ti langit nga inaramidmo, ti bulan ken dagiti bituen nga insaadmo ania ti tao tapno isut' panunotem? Tao laeng ngem isut' asikasoem. 5Pinarsuam ti tao a nababbaba ngem sika ket ti dayag ken dayaw kenkuana imbalangatmo. Pinagturaymo iti amin a parsua. Insaadmo amin a banag iti sakaananna: dagiti karnero ken baka, ken uray dagiti atap nga animal, dagiti tumatayab, dagiti ikan ken amin a parsua iti taaw. O Apo nga Apomi, makita ti kinadayagmo iti sangalubongan!
Hymn of Praise: "Great and Marvelous Are Thy Works" CCS 118
Invocation
Response/Music Ministry
Scripture Reading: 2 Corinthians 13:11-13
Message Based on 2 Corinthians 13:11-13
Prayer for Peace
Light the Peace Candle
Prayer
Apomi O Dios A Nasantoan,
Tunggal maysa kadakami iti daytoy a komunity ket addaan iti ministry a kabaelanmi nga ipaay.
Idawdawatmi kenka O Dios a balbaliwam koma dagiti puspuso dagiti leader mi manipud iti panagbutbuteng ken kadagiti gandat iti panagibales tapno mabalinda koma iti makipagtrabaho iti ayat ken kinakappia.
Sika O Apomi Jesus iti nangisuro kadakami ti dalan.
O Santo Espiritu, papigsaennakami ken pabilgennakami tapno agtrabaho iti kinakappia.
Amen.
Sacrament of the Lord's Supper
Invitation to Communion
Maawistayo amin iti daytoy a lamisaan ni Kristo. Ti Komunyon ket maysa a sakramento tapno intayo laglagipen ti biag, ipapatay, panagungar ken agtultuloy a presensiya ni Jesu-Kristo. Iti Community of Christ, maysa met daytoy a gundaway tapno intayo pabarroen dagiti bautisar ken pannakitulag tayo kenkuana kas maysa nga adalanna. Maawis tayo a makipaset iti daytoy babaen iti ayat ken kappia ni Jesu-Kristo.
Scritpure Reading: 1 Corinthians 11:23-26
Hymn of Preparation: 141 ITI DAYDI A RABII
Blessing and Serving of the Bread
Blessing and Serving of the Wine
Pastoral Prayer
Disciples' Generous Response
Statement
Iti daytoy a paset ti disciples generous response tayo, intayo manen nangnangruna a lagipen dagiti kakabsat tayo nga adda nga agsagsagaba iti nakaro a kinarigat. Gundaway tayo tapno mabalin tayo iti mangipaay iti tulong nga agpaay kadakuada. Maysa daytoy a gundaway tapno mabalintayo iti makipaset iti Mission Initiative ti Iglesia tayo nga Abolish Poverty, End Suffering a pakairamanan ti Oblation Ministry. Dagiti daton tayo ket napategda a saan laeng tapno magun-od ti budget nga agpaay iti misyon ti Iglesia ngem ketdi dagitoy ket maysa a simbolo iti namateryalan a panagyamantayo ti Dios nga isu iti mangipapaay kadagiti amin nga adda kadatayo.
Iti intayo panangipaay kadagiti daton tayo, usarentayo daytoy a gundaway tapno iyannatup tayo dagiti puspusotayo iti puso ti Apo. Ammotayo a rumangrang-ay dagiti puspusotayo no addatayo a siyayaman iti 'yaawattayo kadagiti parabur ti Apo.
Blessing and Receiving of Local and Worldwide Mission Tithes
Hymn of Celebration: "Praise God from Whom All Blessings Flow" CCS 53
Sending Forth Responsive Reading
Leader: Kas makita iti maudi a paset ti surat ni Apostol Pablo kadagiti taga Corinto, nangipaay kadagiti napipintas a sasao a pammakadana. Ngem uray pay inna panagpakada, adda latta kenkuana iti inanama. Uray pay iti maudi a balakadna, awan kenkuana iti panangigunamgunam kadagiti napalabas ngem ketdi nangipaay kadagiti balakad para iti masakbayan. Dagitoy ket nangngegantayo iti daytoy nga aldaw a nangipaay kadatayo iti inspirasyon ken motibasyon babaen kadagitoy a sasao manipud kenni Apostol Pablo:
Reader: 2 Corinthians 13:11-13
Kamaudiananna, kakabsat, agpakadaakon! Ikagumaanyo ti agbalin a naan-anay. Denggenyo ti dawatko: Agtutunoskayo ken agbiagkayo a sitatalna ket addanto kadakayo ti Dios ti ayat ken talna. Agkikinnablaawkayo babaen iti nainkabsatan nga agek. Pakomustaandakayo dagiti amin a tattao ti Dios. Sapay koma ta adda kadakayo amin ti parabur ni Apo Jesu-Cristo, ti ayat ti Dios, ken ti pannakikadua ti Espiritu Santo.
Congregation: Ket kasta koma met kenka.
Amen.
Postlude
(The Last Supper)
Iti daydi rabii,
Panangtiliwda kencuana,
Anac ti Dios naasi,
Nga inyawat di gayyemna.
Casangoananna la unay,
Nangala iti tinapay,
Nagyaman ket pinisina,
Ket castoy ti insawangna.
Datoy ti bagic canenyo,
Napisi gaput’ basolyo,
Toy darac met bingbingayenyo,
Tanda’t tulag a baro.
Ket daytoy aramidenyo,
Ta pataycot’ lagipenyo,
Iti gimong isipenyo,
Ti ayatco cadacayo.
Jesus, fiestam rambacanmi,
Naganmo icancantami,
Aginggat dica agsubli,
A mangala cadacami.
SERMON/STUDY GUIDE
2 Corinthians 13:11-13
11Kamaudiananna, kakabsat, agpakadaakon! Ikagumaanyo ti agbalin a naan-anay. Denggenyo ti dawatko: Agtutunoskayo ken agbiagkayo a sitatalna ket addanto kadakayo ti Dios ti ayat ken talna. 12Agkikinnablaawkayo babaen iti nainkabsatan nga agek. Pakomustaandakayo dagiti amin a tattao ti Dios. 13Sapay koma ta adda kadakayo amin ti parabur ni Apo Jesu-Cristo, ti ayat ti Dios, ken ti pannakikadua ti Espiritu Santo.
Exploring the Scripture:
Addaan iti naisangsangan a relasyon ni Pablo kadagiti taga Corinto. Mabalin a kadagiti napalabas, nakipagbibiag isuna kadakuada. Ket masansan iti panagsuratna kadakuada gapu kadagiti naduma-duma a problemada. Babaen kadagitoy a sursurat, maipalagip met kadatayo nga dagiti problematayo kadagiti kongregasyon tayo ita a panawen saan laeng a napaadda wenno imbensiyon gapu iti moderno a panawen.
- Ania iti mabalin a kasasaad wenno kababalin dagiti taga Corinton a sinuratan ni Apostol Pablo kas mabasa iti daytoy a teksto?
Iti daytoy a surat ni Apostol Pablo, ket makita iti concern na maipapan kadagiti nalalaing a sumarita a mabalin a mang-implwensiya iti simbaan kabayatan iti kaawanna. Kayatna a ballaagan ida iti mabalin a pannaka-sina-sinada. Ipak-pakaawatna a mabalin nga adda dagiti nalaing a sumarita ngem addaanda iti sabali a Kristo.
- Ania dagiti mabalin a banbanag wenno sasao a mabalin a mangsina-sina kadagiti tattao wenno ti iglesia?
- Ania ti mabalin nga aramiden tapno maliklikan dagitoy.
- Kadagiti napalpalabas a panawen, adda kadi met dagiti gundaway a nasinasina iti kongregasyon. Ania dagiti mabalin a makagapu? Kasano a napagballigian ti kongregasyon daytoy?
Idawdawat ni Apostol Pablo iti panangisublida koma iti kinaimbag iti panagbiagda ken kinatulnogda. Ikalkalikagumna kadakuada iti panangbirukda koma iti panagkaykaysada manipud kadagiti sursuro nga inawatda. Idawdawatna nga agbiagda koma a sitatalna ken sangsangkamaysa. Ket no abibiagda koma iti kinakappia, adda met kadakuada iti ayat ti Dios. Kayatna a sawen nga iti Dios ti ayat ken kappia ket adda kadakuada ket isu ti tumulong tapno agbiagda iti kinakappia.
Kadagiti maud-udi a paset ti sursurat ni Pablo a masansan a dak-dakamatenna iti maipapan kadagiti bendisyon maipapan ken Jesu-Kristo, iti daytoy a suratna impagunam-gunamna iti maipapan iti Trinity a daytoy iti wagasna tapno maballaaganna dagiti taga Corinto. Babaen iti Trininity, makitatayo iti kinaurnos iti kababalin ti Dios, kinakappia, ken iti naayat a pannakireslasyonna kadagiti amin a makaawat kenkuana. Saan laeng a dagitoy a sarsarita a makaallukoy ket nagtaud kenni Pablo, ngem ketdi dagitoy ket nagtauda iti Dios. Dagitoy a sasao ket saan laeng a kas sasao a nagtaud iti Dios, no di ket dagitoy a sasao ket ipakpakitana iti kababalin ti Dios.
- Masapul a makita iti kinaurnos, panagdadanggay ken kinatalna kadagiti kong-kongregasyon ti Iglesia.
- Uray kadagiti immun-una a panawen, adda dagiti saan pakikinnaawatanen iti uneg ti iglesia.
- Babaen kadagiti simbolo ken sakramento, dagitoy ket makatulongda a mangipalagip iti nagkaykaysaan ti iglesia a kas maymaysa a pamilya babaen iti Santo Espiritu.
- Birbiruken ti Iglesia ti kinaurnos wenno panagtutunos ken kappia a mangipakita iti kababalin ti Dios a mabalin nga maawatan babaen ti Trinity.
