Nagasat ti umay iti nagan ti Apo!

March 28, 2021

Palm Sunday

Ammoen Ti Dios

Prelude

Welcome and Statement on Lent

Ti kuaresma ket gundaway iti panagsagana. Gundaway iti panagturong iti ipapatay ni Jesus idiay krus ken iti panagungarna. May nga intensiyunal a gundaway nga agturong ken umasideg iti Dios, gundaway a mangway-waya kadagiti bagbagi tayo manipud kadagiti makasinga ken makaiyaw-awan kadatayo iti relasyon tayo iti Dios a datayo met laeng iti makin-aramid. Tu kuaresma ket isu iti pannakaawag tayo a sumungbat babaen iti radikal a kinaparabur ken addaan naispirituan a disiplina iti panangaramid iti tulag tayo iti Dios nga umasideg kenkuana.

Hymn of Lent

169  TI PUSO A NABURAC GAPU CANIAC

Invocation

Response

Spiritual Practice: Reflection on the World

        Read Jeremiah 31:31-34

Sungbatan dagiti sumaganad a salud-sud kadagiti bagbagi tayo. Mapalubusan tayo met nga ibingay dagiti sungbat tayo nu kayat tayo.

1.   Ania dagiti banbanag a mabalin nga intulag mo iti Dios?

2.   Adda kadi gundaway a sinalungasing mo dagitoyen, a kas iti panagsalungasing dagiti tattao nga inruar ti Dios manipud idiay Ehipto?

3.   Ania dagiti naisurat dita pusom?

4.   Ammom kadi iti Dios?

Read Jeremiah 31:31-34 a second time.

Hymn of Presence

10 How Shall We Find You

Focus Moment – Written on My Heart

Ania iti kayat a sawen iti pannakaammo babaen iti puso?

Adda kadi banag nga ammom babaen iti puso?

        Mabalin a kararag, maysa nga anthem, pledge, motto, tula, lyrics ti maysa a kanta ken dadduma pay.

Kasano iti pannakasursurom babaen iti puso?

Ti teksto tayo iti daytoy nga aldaw ket maipapan iti linteg wenno tulag ti Dios kadagiti tattao na nga insuratna kadagiti puspusoda. Iti pannakaisurat iti maysa a banag iti pusotayo ket adda dagiti banbanag a mabalbaliwan iti panangkita tayo iti aglawlaw tayo.

Adda kadi dagiti paborito tayo a pagsasao? Siasino iti adda paborito na? Ania daytoy ken ania iti kayatna a sawen?

Maysa a pagsasao iti intayo sursuroen manipud kenni Mother Teresa.

“Amin nga aramid iti Ayat ket aramid iti Kappia” - Mother Teresa.

Prayer for Peace

Light the peace candle.

Prayer

Naindaklan a Dios,

Sika iti Dios a saan a matukod iti pannakaawatmi, ngem tulungannakami kadi a maam-ammodaka a nasayaat – nga maam-ammodaka babaen kadagiti kakabsatmi; maam-ammodaka kadagiti agpalpalama kadagiti daldalan a saan unay mapanpansin; kadagiti nagubing iti panagbalin da a nanang ket addada a maum-umsi ket awan man lang iti mangaasi kadakuada; kadagiti gangannaet kadagiti sabali a lugar keta wan makaawat a masapulda iti tulong.

Ammomi nga amin nga aramid iti ayat ket aramid met iti kappia, ket tulungannakami koma ngarud nga agbalina mangagkakappia. Ikkannakami iti tured a mangipakita iti ayat kadagiti saan mi nga am-ammo ken mangipakita iti asi, mangpadagus, ken mangipaay iti dignidad kadagiti agkasapulan ken awan kabaelanda.

Sapay koma a sisasagana kami a sumungbat kadagitoy a panangitrabaho iti kappia, iti nagan ni Apo mi a Hesu-Kristo. Amen.

Hymn of Peace

Message

        Based on Jeremiah 31:31-34

Disciples’ Generous Response

        Statement

        Ti kinaparabur ket isu puso iti relasyon tayo iti Dios. Ti Dios mangipapaay kadatayo a naan-anay babaen iti biag ni Kristo ket awan iti impaidamna. Ti kuaresma ket gundaway tayo tapno panunuten tayo iti kinaparabur ti Dios kadatayo, ket gundaway met kadatayo nu kasano a sursuroentayo iti mangipaay a naan-anay babaen iti panangidaton tayo iti bagi tayo iti Dios, a daytoy ket isu koma iti bagibasaran iti masangwanan.

Maysa a pagpanpanutan tayo daytoy a sinao iti maysa nga         adalan ti Dios:

                Ti Dios ket kankanayon a kayat na nga ited dagiti nasasayaat a banbanag kadatayo,

            ngem napnapno dagiti im-imatayo nga umawat koma kadagitoy banbanag.

Ti kuaresma ket isu koma iti gundaway a mangaramid tayo iti paset kadagiti bibiag tayo, a mabalin tayo koma iti mangikkat kadagiti sabali banbanag ket mawayaan dagiti im-imatayo ket makita tayo dagiti kayat nga ipaay Dios kadatayo. Ket babaen iti kinapakumbaba ken panagyaman, mabalin tayo iti sumungbat babaen iti panangibingay kadagiti sabsabali.

Blessing and Receiving of Mission Tithes

Hymn of Sending Forth

Prayer and Benediction

Postlude

HYMNS

180  TALNA
(Sweet Peace)

Toy pusoc inna maricna,
Ti ingget sam-it a talna,
Ul-ulitec nga icancanta,
Ayat Dios a namarsua.

Coro:
Talna, talna,
Sagut’ naggaput’ Gloria,
O’ nagsam-iten a talna,
Ti sagut ti Dios Ama.

Ni Cristo idiay calvario,
Ti utang binayadanna,
Gaput’ patayna idiay cruz,
Ispalco ti intedna.

Idi isut’ inawatco,
Ni Jesus a casco Apo,
Toy pusoc napno ti rag-o,
Ken talna di masao,

Ken Kristo intay masarac,
Ti talna a di mayebcas,
No isut’ ditay sinaan,
Ingganat’ panungpalan.

169  TI PUSO A NABURAC GAPU CANIAC
 (The heart was broken for me)

Ti anac ti Dios ditoy lubong immay,
Gaput’ basbasol a naruay,
Dida impateg dida binigbig.
Sagot nga inted ti langit.

Coro:
Tinutuocda, siit balangatna,
Cruz ti nacailansaanna (wen pudno)
Naburac pusona gaput’ basol parsua,
Natay, natay gapu kenca.

Immay ditoy daga ta sinapulna,
Napucaw a carnerna,
Kinagurada dida ingingina,
Pastor nga ingget ayatna.

Billit ken sora adda pay balayda,
Ngem isu awan taenganna.
Bato a maysa ti nagpungananna,
Diay bantay nagin-inana.

Itan awatec isut’ mannubbotco,
Agnanayon dayawecto,
Innac kencuana aglinong ayatna,
Caasinto ti itedna.

10 How Shall We Find You

How shall we find you,
God who is Holy,
captured by gender,
color, and code?
How shall we worship,
God of the Presence,
action and essence,
meaning and mode?

How shall we know you,
God who is Wisdom,
argued by scholars,
proofed on a page:
how to imagine,
God of Creation,
worlds beyond thinking,
here on our stage?

How shall we trust you,
God in the scriptures,
filtered through lenses
biased and blurred:
how to revere you,
God of Tradition,
cased in our churches,
Word bound to word?

How shall we see you
if not in people
knit to your nature,
focused in sight—
angels and artists,
teachers and healers,
heart-and-soul people,
children of light.

How shall we love you
if not as human,
loving us wholly,
fleshed on our frame,
known in our hunger,
known in the meeting
spirit to Spirit,
naming our name.

 

Jeremias 31:31-34

³¹Kuna ni Yahweh, “Dumtengen ti tiempo a mangaramidak iti baro a katulagak kadagiti Israelita ken kadagiti tattao ti Juda. ³²Saanto a kas iti pannakitulagko kadagidi kapuonanda idi iruarko ida idiay Egipto. Uray no arigko iti maysa nga asawa kadakuada, sinalungasingda ti katulaganmi. ³³Inton dumteng dayta a tiempo, kastoyto ti pagtutulaganmi kadagiti Israelita: Ikabilkonto ti lintegko iti panunotda ket isuratkonto iti pusoda. Siakto ti Diosda ket isudanto dagiti tattaok. ³⁴Saanton a masapul nga isuroda dagiti kaarruba ken kailianda a mangammo ken ni Yahweh. Ammodakto amin a tattao, natan-ok man wenno nanumo. Pakawanekto dagiti basolda, ket lipatekton dagiti dakes nga inaramidda. Siak, ni Yahweh, ti nagsao iti daytoy.”

Exploring the Scripture

Ti texto iti daytoy nga aldaw ket maipapan iti mensahe ti Dios iti pannakapasubli ken inanama nga isu iti impaay ti Dios kadagiti Israelita babaen iti pannakatulagna kadakuada.

Tapno nalawlawag iti pannakaawat iti daytoy a mensahe, napateg a daytoy ket maadal babaen kadagiti pakasaritaan nga isu iti panangibasaran iti daytoy.

Dagiti tattao idi manipud iti pagarian iti Israel ken Juda ket innala dagiti Aserian ken kasta dagiti Babilonian ket napagtalawda manipud iti bukodda a daga. Ti mensahe ni Jeremias ket naipaay idi addada iti katengngaan iti panagsagsagabada ken pannakawara-warada. Iti inaldaw-aldaw a panagbiagda ket napnoda iti ladingit gapu kadagiti napukaw kadakuada a kas kadagiti pamilyada, pagtaengan, sanikua ken pakabigbigan wenno kinasiasinoda, ket damdamagenda kadagiti bagbagida nu apay a pinanawan ida iti Dios.

Kadagiti umuna a paset iti istorya iti daytoy nga aldaw ket nairugi manipud iti kapitulo 30, nga ipalpalagip ti Dios iti daytoy a saanna a nilipat dagiti tattaona. Iti kapitulo 31, iladladawan ti Dios nu kasano iti panangisublina iti napukaw.

“Maysa a baro a pannakitulag”, ti sinarita ti Dios, ket isu iti aramiden ti Dios kadagiti Israelita ken Juda. Daytoy a pannakitulag ti Dios ket maiduma iti pannakitulagna kadagiti im-mun-una a kapuunanda nga inruarna ida manipud idiay Egipto.

Ti sarita a pannakitulag, ket adda a naus-usar iti daan a tulag, ngem daytoy ket saan a maipatarus a kas iti kainget iti tulag iti dua a tao. Iti iti pannakitulag ket maus-usar iti Dios, daytoy maysa a wagas iti pannakailadawan iti napintas a relasyon ti Dios kadagiti tattao.

Idi sinarita ti Dios a mangaramid iti baro a pannakitulagna kadagiti napagtalaw kadagiti dagdagada, panpaneknekan ti Dios iti maysa a naisangsangayan ken baro a pannakirelasyonna kadagiti tattao. Daytoy a pannakitulag ti Dios ket saanen a maisurat iti bato kas iti tulag kadagiti kapuunanda babaen iti pannakikadduada kenni Moses. Daytoy a tulag ket ikabil ti Dios iti puso dagiti tattao. Manipud kadagiti bilbilin iti ruar ket ita isaad ti Dios kadagiti kaungganda, isaadna kadagiti puspusoda, maysa a baro a pannakirelasyon ti Dios iti maaramid kadakuada a kas maysa a nasyon ken tattao ti Dios.

Iti daytoy uppat laeng a bersikula, maimatangan tayo iti nauneg unay a panagayat ti Dios kadagiti tattao. Daytoy iti kankanayon a panangidiaya ti Dios iti ayatna, parabur, pamakawan ken panangisublina iti relasyona kadagiti tattao babaen iti pannakitulagna. Daytoy a relasyon ket saan a mapataud babaen iti panagbuteng ken bulsek a panagtulnog. Ngem ketdi daytoy a pannakirelasyon ti Dios ket yaw-awisna kadagiti tattao babaen iti puso ken ayat nga isaadna kadakuada. Babaen iti dayta a relasyon ken ayat ti Dios, itden ti Dios iti pannakaisalakan babaen kadagiti adu a banbanag iti masangwanan.

Iti daytoy a teksto, makita tayo iti maysa nga ayab ti Dios kadatayo babaen iti baro a pannakitulag iti ayatna a mangwaya-waya kadatayo tapno agbiag a narang-ay ken napno ti parabur nga inaramid ti Dios kadatayo. Ad-adda ngarud iti pannaka-karit kadatayo nu kasano met sumungbat tayo iti dayta a pannakitulag ti Dios kadatayo babaen iti intayo koma panangibingay iti pannakaammo iti parabur ken ayat ti Dios nga intulagna kadagiti tattao. Ngem uray pay nu saan tayo a maaramid iti paset tayo iti pannakirelasyon ti Dios kadatayo, napudno latta nga agnanayon ti Dios babaen kadagiti agtultuloy a panangipaayna kadagiti opotunidad nu kasano a mapasublinatayo kenkuana.

Central Ideas

1.   Sapsapulen a kankanayon ti Dios nu kasano a maipaayna iti pannakaagas, pannakapabaro ken pannakaisalakan babaen iti inaramidna a pannakitulag kadagiti amin a pinarsuana.

2.   Ti baro a pannakitulag ti Dios ket karitenna tayo tapno ad-adda pay koma a naun-uneg iti isusungbat tayo iti pannakirelasyonna kadatayo babaen iti panangibiag tayo iti maysa a napintas a relasyon tayo iti tunggal maysa ken iti Dios.

3.   Iti panangisaad iti baro a pannakitulag ti Dios kadagiti puspuso tayo, dayta a tulag ket napno iti ayat, parabur, pamakawan, ken pannakapasubli nga isu iti mangted iti rag-o, namnama, ayat, ken kappia iti panagbiag tayo ken nu kasano iti panagpili tayo tapno agpaay tayo kadagiti sabsabali.

 

HYMNS

KAYBUTI BUTI MO PANGINOON

Kaybuti buti Mo Panginoon
Sa lahat ng oras, sa bawat araw
Ika’y laging tapat kung magmahal
Ang Iyong kaawa ay magpawalang hanggan

Pinupuri’t sinasamba Kita
Dakilang Diyos at Panginoon
Tunay nga Ika’y Walang katulad
Tunay nga Ika’y Di nagbabago
Mabuting Diyos na sa aki’y nagmamahal.

AWATEN TI SILA TI LUBONG

Prelude

Welcome and Statement on Lent

Ti kuaresma ket gundaway iti panagsagana. Gundaway iti panagturong iti ipapatay ni Jesus idiay krus ken iti panagungarna. May nga intensiyunal a gundaway nga agturong ken umasideg iti Dios, gundaway a mangway-waya kadagiti bagbagi tayo manipud kadagiti makasinga ken makaiyaw-awan kadatayo iti relasyon tayo iti Dios a datayo met laeng iti makin-aramid. Tu kuaresma ket isu iti pannakaawag tayo a sumungbat babaen iti radikal a kinaparabur ken addaan naispirituan a disiplina iti panangaramid iti tulag tayo iti Dios nga umasideg kenkuana.

Hymn of Lent

        “Jesus Walked This Lonesome Valley” CCS 452

Invocation

Response

Scripture Reading: John 3:14-21

Prayer for Peace

        Light the Peace Candle.

        Prayer

        Managayat a Dios,

Iti ingkami panagtultuloy nga agdalyasat iti daytoy panawen iti kuaresma, agyaman kami iti ‘yaay ni Jesus kadakami. Ipaayna kadakami iti lawag, a nangidalan ken nagbalin nga ehemplo kadakami iti ingkami panagbiag.

Kas iti panangipakitana kadakami iti lawag a nagpaay kadagiti kinaawan hustisiya ken panangidadanes, tulungannakami koma a mangaramid iti kas kadagiti inaramidna. Nu adda kadakami iti panagbutbuteng, tulungannakami a makita iti kinapudno kadagiti sitwasyon iti panagbiagmi ket mabalin mi koma iti agtultuloy iti panagdalyasat mi. Tulungannakami nga agbalin a lawag kadagiti dadduma.

Iti nagan iti pagtataudan iti lawagmi. Amen.

Message

        Based on John 3:14-21

Hymn of Faith

        “What a Friend We Have in Jesus” CCS 253

Disciples’ Generous Response

        Statement

        Awan iti aniaman a klase ti kinaparabur a

Dumngeg Ti Pannarabay Ti Dios

 

Communion Service
March 7, 2021

Prelude

Welcome Statement on Lent

Ti Lent wenno kuaresma ket maysa a gundaway iti panagsagana. Daytoy iti gundaway iti papan tayo iti pannakailansa ken panagungar ni Kristo. Maysa a gundaway kadatayo tapno umasideg iti Dios a naimpuswan manipud kadagiti nakaad-adu a mangsing-singa kadatayo a datayo met laeng iti nangaramid tapno malapedan iti napintas a relasyon tayo iti Dios. Ti kuaresma ket isu iti gundaway iti pannakaayab tayo tapno sumungbat iti ayab ti Dios kadatayo kas maysa nga adalan tapno kitaen tayo dagiti naespirituan nga ar-aramid tayo a intulag ti Dios kadatayo, a tapno maiyasideg tayo koma kenkuana.

Hymn of Lent

        101 ADTOY UMAYAK ITI MADARAS

Prayer for Peace

        Light the peace candle.

        Prayer

        God of All Creation,

Iti ingkami panangikararag iti kappia iti daytoy nga aldaw, ikarkararagmi dagiti adda iti panagbisin. Maysa iti tunggal siam a tattao ket adda iti panagbisin iti tunggal aldaw, ket masansan nga adda kadakami iti kinabulsek iti daytoy a reyalidad iti agdama. Mabalin ngata a sabali iti pannakakitami iti kastoy a situwasyon nu iti agbisin ket ni Amami, wenno Inami, wenno mabalin nga anakmi? Luktam kadi dagiti matami O Apo. Adu dagiti banbanag a makagapu nu apay nga adda iti panagbisin ditoy lubong. Mabalin a gapu iti kinakurapay, panagkurang iti taraon, gubgubat, panagbalbaliw iti panawen, wenno iti saan nga umno a pannakaiwaras kadagiti masapsapul, dagitoy dagiti sumagmamano a mabalin a makagapu. Tulungannakami kadi a malappedan iti panagtultuloy iti biag ken kapututan iti kinakurapay ken kinaawan iti hustisiya nga isu iti pakaigappuan iti kinarigat ditoy lubong.

Sapay koma nga adda kadakami iti nadaras nga isusungbat kadagitoy a problema nu addaan kami iti opurtunidad wenno gundaway. Iti nagan ti prinsipe iti kappia. Amen.

Hymn of Peace

        “Teach Me, God, to Wonder” CCS 176

Scripture Reading: Exodus 20:1-17

Hymn of Discernment

        “Open My Heart” CCS 171

Sacrament of the Lord Supper

        Message

                Based on Exodus 20:1-17 and Communion

        Communion Scripture Reading: 1 Corinthians 11:23-26

²³Ta inawatko iti Apo ti pannursuro nga inyawatko met kadakayo: Iti rabii a pannakaliput ni Apo Jesus, innalana ti tinapay. ²⁴Kalpasan ti panagyamanna iti Dios, pinispisina ti tinapay ket kinunana, “Daytoy ti bagik nga agpaay kadakayo. Aramidenyo daytoy a panglaglagipyo kaniak.”

²⁵Kasta met a kalpasan ti pangrabii, innala ni Jesus ti kopa ket kinunana, “Daytoy ti kopa ti baro a tulag a napatalgedan babaen iti darak. Tunggal uminumkayo iti daytoy, aramidenyo a panglagip kaniak.” ²⁶Kaipapananna daytoy a tunggal mangankayo iti daytoy a tinapay ken uminumkayo iti daytoy a kopa, ipakaammoyo ti ipapatay ti Apo agingga iti panagsublina.

        Communion Hymn

                “Is There One Who Feels Unworthy?” CCS 526

        Invitation to Communion

        Blessing and Serving of the Bread and Wine

Disciples’ Generous and Response

        Scripture Reading: Alma 16:119

        Statement of Challenge

Dua a dominggo iti tunggal tawen ket adda nga maipapaay iti focus tayo  iti World Hunger. Ti World Hunger ket isu iti mangbirbiruk iti pamay-an nu kasano nga maadda iti pannakabalbaliw kadagiti nakaad-adu unay panagbisbisin ditoy lubong. Ipapaay iti World Hunger iti supportana kadagiti programa a manggibus koma iti panagbisbisin ken addaan kadadigiti panangisursurona kadagiti isyu nga adda pakainaiganna iti panagbisin ken iyaw-awisna kadagiti tattao iti pannakaadda koma kadakuada iti adbukasiya laban iti panagbisin. Maysa kadagiti nakadkadlaw unay nga isyu ket isu iti saan a pantay nga distribusyon kadagiti pagtaraon ken masapsapul. Daytoy iti makaigapu nga adda iti panagbisin ditoy iti sangalubungan ken adda iti kinakurapay.

Iti intayo panangibingay kadagiti daton tayo nga agpaay iti World Hunger Ministries, mabalin dagitoy a mangsulnit kadagiti panagkurkurangan iti pagtaraon, ngem kasta met a mabalin tayo pay iti mangipaay iti intensiyunal a suporta nga agpaay iti pannakagibus iti kinakurapay, ken panagpatengga iti panagrigrigat. Dagitoy ket makatulong tapno adda koma pagtaraon iti am-amin. Ti Oblation ket naisaad tapno makatulong iti uneg iti iglesia kadagiti agkasapulan.

Babaen iti Disciples’ Generous Response, ipaay tayo iti focus tayo iti panangiyannatup tayo kadagit puspuso ken panggep tayo iti puso ken panggep ti Dios. Dagiti daton ket addaan iti dakdakkel pay a kaipapanan a saan laeng a tapno mabukel iti  budget wenno pundo nga agpaay iti misyon. Babaen kadagiti daton tayo, dagitoy ket agserbi a kas panagyaman tayo iti Dios nga isu met laeng iti mangipapaay kadagiti isu-amin.

Usaren tayo koma ngarud daytoy a gundaway tapno ipaay tayo iti naimpuswan a panagyaman tayo iti Dios kadagiti adu sagsagotna kadatayo. Ad-adda a rumangrang-ay dagiti puspuso tayo nu adda tayo a siyayaman iti Dios ken sipupudno tayo iti pannakipaset tayo iti misyon ni Kristo.

Blessing and Receiving of Mission Tithes

Hymn of Sending Forth

        168  TA ADDAN NI HESU CANIAC

Prayer and Benediction

Response

Postlude

NAPARABURAN

 

Preparation

Mangisagana kadagiti papel ken pagsurat a mausar iti paset iti DGR. Ited dagitoy bayat iti panagsagsagana iti serbisiyo.

Prelude

Welcome and Statement of Lent

Ti Kuaresma ket isu iti gundaway iti intayo panagsagana. Gundaway tayo nga agturong iti pannakailansa ken panagungar ni Kristo. Maysa nga intesyunal a gundaway kadatayo tapno umasideg tayo iti Dios, panangikkat wenno panangiyadayo kadagiti bagbagi tayo manipud kadagiti makasinga iti relasyon tayo iti Dios. Ti kuaresma ket isu iti intayo pannakaawag tapno agbalin a radikal iti kinaparabur tayo ken addaan disiplina a naespirituan iti intayo pannakitulag iti Dios, a maiyasideg tayo koma kenkuana iti unos iti maysa a dominggo.

Hymn of Lent

        39 ITULOYCO LAT’ PANNAGNAC

Invocation

Response

Focus Moment

Maawis iti siasinoman tapno mangibingay iti maysa ng istorya wenno testimonyo maipapan iti kinaanus a mangaramid iti maysa a banag a kasla imposible koma a maaramid ngem gapu iti kinaanus naaramidna daytoy ket nagun-od na iti balligi.

Kalpasan iti testimonyo wenno istorya, mabalin a sungbatan dagiti sumaganad a salud-sud:

·       Nu dadduma adda dagiti banag a kasla imposible wenno narigat unay a maaramid ket kasapulan iti panagan-anus, kaano a pannakaaramid mo iti maysa a banag a kastoy, nga uray iti panangirugi koma ket kasla saan nga maaramid?

·       Kasano a matulungannatayo iti Dios kadagiti kakastoy a gundaway?

Prayer for Peace

Light the peace candle

Prayer

Diosmi,

Adtoy kami, ket umanges kami ita a gundaway. Pause.

Masansan nga adu dagiti banbanag iti panagbiagmi a saanmi a madmadlaw gapu kadagiti adu pakakumikuman ken panagap-apura mi iti panagbiag, nga uray dagiti pakasapulan dagiti padami a kabaelan mi koma nga ipaay ket saan idan a mapanpansin. Ket ita, adtoy kami ket umanges kami man.

Saan mi nga ammo O Dios nu kasano iti pannakaaramid dagiti karkararagmi Kenka, ngem adtoy kami a sipapakumbaba tapno itag-ay mi dagiti puspusomi, itag-ay mi dagiti kakabsat mi nga abibiag iti kinariribuk, kadagiti agbibiag iti panagbutbuteng tapno mabal-baliwan koma dagiti ban-banag iti panagbiagda. Ikar-kararagmi a mariknami koma iti kappia kadakami, a makita mi koma iti inanama Kenka.

Wen O Dios agtaengka kadi kadakami. Ammomi a pasetnakami iti pannakaaramid dagitoy a kar-kararag. Ikkannakami kadi iti tured a sumungbat kadagitoy ket mabalinmi nga ipaayan iti paset dagitoy kadagiti bibiagmi. Ket adtoykami tapno umanges kami iti daytoy a gundaway.

Iti nagan ti anak Mo. Amen.

Hymn of Peace or Ministry of Music

        “Come and Bring Light” CCS 287

Scripture Drama or Scripture Reading

        Genesis 17:1-17,15-16

Message

        Based on Genesis 17:1-7,15-16

Disciples’ Generous Response

        Spiritual Practice – Count your blessings.

Iti panagbalin a siyayaman ken napakumbaba ket napaneknekan a dagitoy ket makaipaay iti pannakapasayaat a kasasaad iti biag ti maysa a tao, babaen kadagiti panagrang-ay iti bagbagi wenno salun-at, pannaturog, ken napinpintas a pannakigayyem. Daytoy ket matulungannatayo pannakaadda iti ayat kadagiti bibiag tayo ken kasta met iti pannakarikna tayo manipud iti aglawlaw tayo. Ikkannatayo daytoy iti gundaway tapno makapagyaman tayo iti Dios gapu kadagiti bendisyuna ken tapno mabigbig tayo dagitoy a paraburna kadatayo. Itden tayo iti gundaway tapno panunuten tayo dagiti bendisyon ti Dios kadatayo. Mabalin tayo iti mangisurat iti uray agingga iti lima a banag a pagyam-yamanan tayo iti Dios.

Scripture Reading: Doctrine and Covenants 163:9

Ti napudno nga adalan ket sumungbat iti rumangrang-ay pannakaammona iti kinaparabur ti Dios kenkuana babaen iti panangibingayna manipud iti tarigagay iti pusona; saan a gapu ta daytoy ket maysa a bilin. Mawaya-wayaan tayo koma manipud kadagiti kawar iti nabangonan tayo a pannakaawat nga addaan iti panaginbubukod. Mangipaay a sipaparabur manipud iti pudpudno a kabaelanyo. Ti agnanayon a kappia ken rag-o agur-uray kadagiti adda a rumangrang-ay iti kinaparaburda manipud kadagiti naasi a puso nga awan iti aniaman a kasukatna. Adda kadi pay sabali a kaipapanan iti pagarian ti Dios, kadagiti agnanayon iti panangipaayda gapu kadagiti amin a pinarsua ti Dios?

Iti itayo panangipaay kadagiti daton tayo, usaren tayo koma daytoy a gundaway tapno agyaman tayo iti Dios kadagiti paraburna kadatayo. Agyaman tayo gapud kadagiti sagsagotna nga inawat tayo kadagiti bibiag tayo. Ket dagiti puspusotayo addada a maiyannatup iti Dios nu addatayo a siyayaman Kenkuana ken sipupudno tayo a sumungbat ken mangibiag iti misyon ni Kristo.

Blessing and Receiving of Mission Tithes

Disciples’ Generous Response Hymn

        108  BENDICIONNA INCA BILANGEN

Prayer and Bendiction

Postlude

Ti Agnanayon A Tulag

 

Ti Agnanayon a Tulag

Prelude

Gathering Hymn

        Sing of Colors 332

Welcome and Statement on Lent

Ti Lent wenno kuaresma ket maysa a gundaway iti panagsagana. Daytoy iti gundaway iti papan tayo iti pannakailansa ken panagungar ni Kristo. Maysa a gundaway kadatayo tapno umasideg iti Dios a naimpuswan manipud kadagiti nakaad-adu a mangsing-singa kadatayo a datayo met laeng iti nangaramid tapno malapedan iti napintas a relasyon tayo iti Dios. Ti kuaresma ket isu iti gundaway iti pannakaayab tayo tapno sumungbat iti ayab ti Dios kadatayo kas maysa nga adalan tapno kitaen tayo dagiti naespirituan nga ar-aramid tayo a intulag ti Dios kadatayo, a tapno maiyasideg tayo koma kenkuana.

Hymn of Lent

        “Come Away from Rush and Hurry” CCS 452

Invocation

Response

Call to Worship

        Scripture Reading: Psalm 25:1-10

Spiritual Practice – fasting

Ti panagayunar ket maysa nga aramid a panangipaay iti maysa nga intensyunal a panangaramid iti paset ti Dios kadagiti bibiag tayo babaen iti panangikkat kadagiti dadduma a banag nga adda kadatayo. Iti panawen iti kuaresma ket gundaway tayo a manglagip iti panagayunar ni Jesus iti uneg ti 40 nga aldaw idiay let-ang. Daytoy a gundaway ket isu iti panangited tayo iti pokus kadagiti kangrunaan iti panagbiag tayo nga isu iti relasyon tayo iti Dios. Ti panagayunar ket maysa nga aramid a panangipaay iti paset ti Dios iti biag tayo.

Umuna, kitaen tayo dagiti banbanag a maliw-liwayan tayo iti inaldaw. Isu kadi ti taraon wenno iti panagtaraon mismo, dagiti banbanag nga paga-ayat tayo, wenno dagiti babanag a gatgatangen tayo a kanayon nga uray saan tayo a maus-usar, wenno aniaman a banag nga agsubsubra kadatayo. Mabalin a daytoy ket iti ntensyunal a panangurnos tayo iti inaldaw-aldaw nga aramid tayo.

Ket ita panunuten tayo met nu anya kadi iti mabalin tayo nga isukat ken ipaset tayo iti biag tayo. Anya iti aramidem kadagiti sinukatam a paset iti biag mo?

Prayer for Peace

        Light the peace candle.

        Prayer

        Naidaklan a Dios ken Managparabor,

Idatag ko Kenka dagiti pagkurkurangag. Marigatanak a mangbiruk iti kappia manipud Kenka. Adu unay dagiti makasinga ken makaiyaw-awan kaniak ditoy lubong. Makit-kitak dagiti agsapsapul iti pagkamanganda mangiyaw-awag kadagiti kasapulanda ken panagbut-butengda. Ngem awan man laeng iti panangitaltalek kadakuada. Adda dagiti pannakaaramid iti gub-gubat ken saan a pagkikinnaawatan ket saan ko ammo iti aramidek. Dakkel unay dagiti problema a partuaten dagitoy a paspasamak, ket ania kadi iti mabalin ko nga aramiden?

Nu marikna iti pannakatignay, tulungannak kadi nga maaddaan iti pokus kadagiti kabaelak nga aramiden. Ipalagip mo kadi kaniak ti pannakaadda iti panagpili kadagiti ummo a mabalin ko suportaan. Mabalin ko a pillien iti panangipaay kadagiti mabalin a masapul iti komunidad nga ayan ko.

Tulungannak a tapno mailasin ko koma iti pateg iti boses ko, ket mabalin ko usaren a makaited iti pagsayaatan iti tattao ditoy lubong. Tulungannak a mangusar iti boses ko a maiyannatup iti ehemplo iti anak Mo. Kas iti pangitag-ay ni Jesus kadagiti maidaddadanes, kadagiti maparparaigat, kadagiti maum-umsi, ipalagip mo koma kaniak a maaramid ko koma met iti kastoy.

Apo, tulungannak kadi nga maaddaan iti pokus kadagiti babassit a mabalin ko nga maaramidan nga agpaay iti kappia, ket makitak nga amin dagitoy ket adda maaramidanna iti pannakaipaay iti kinahustisiya ken kappia iti aglaw-law.

Iti nagan ti anakMo. Amen.

Hymn of Peace

        “Who Is My Mother, Who Is My Brother?” CCS 336

Scripture Reading: Genesis 9:8-17

Message based on Genesis 9:8-17

Focus Moment and Disciples’ Generous Response

        Palubusan a dagiti ub-ubbing iti umuna sumungbat kadagiti saludsud.

        Ammoyo kadi nu kasano a maaramid iti bulalayaw? *

        Time to hear answers.

Ti silnag nga aggapu iti init a makitkita tayo ket addaan iti agduduma a maris. Nu iti silnag ti init tumama kadagiti arimukamuk iti danum, adda iti panagsisina dagiti agduduma a maris ti silnag ti init nga isu met iti pannakabalin tayo a makita dagitoy. Daytoy iti mapaspasamak nu makitkita tayo iti bulalayaw iti tangatang. Ti silnag ti init tumamtama kadagiti arimukamuk iti danum iti tangatang. Kadagitoy a panawen, adun dagiti wagas a mabalin tayo nga aramiden tapno makita tayo iti rainbow wenno bulalayaw.

Ania ngata dagitoy a wagas a mabalin tayo nga aramiden? *

Time to hear answers.

Mabalin tayo iti mangusar iti kristal, wenno uray iti danum iti baso. Mabalin met mangusar tayo iti agduduma a maris ti papel wen pagsurat wenno chalk. Mabalin nga adda pay dagiti pagkulay iti makan.

Adu dagiti mabalin a wagas iti pannakaaramid iti agduduma a maris a kas iti kaadu iti mabalin tayo nga aramiden kas maysa nga adalan tapno mabalin tayo iti sumungbat kadagiti parabur ti Dios kadatayo. Mabalin nga iti panangibingay tayo kadagiti naduma-duma a talento tayo nga impaay met laeng ti Dios kadatayo. Mabalin nga iti panangipaay iti gundaway kadagiti kakabsat tayo iti panangkadkaddua tayo kadakuada. Wenno mabalin nga iti panangibingay tayo kadagiti mabalin nga adda kadatayo. Ken uray iti panangibingay tayo kadagiti testimonyo tayo ken pakasaritaan tayo maipapan iti relasyon tayo iti Dios ken nu ania iti kaipapanan daytoy kadatayo.

Iti intayo panangibingay kadagiti daton tayo, usaren tayo daytoy a gundaway iti panagyaman tayo iti Dios gapu kadagiti paraburna kadatayo. Laglagipen tayo a rumangrang-ay dagiti puspuso tayo babaen iti panangiyannatup tayo iti puso ken pagayatan tayo iti puso ken pagayatan ti Dios tayo. Umawat tayo a siyayaman ken sumungbat tayo a sipupudno babaen iti panangibiag tayo iti misyon ni Kristo.

Blessing and Receiving of Mission Tithes

DGR Hymn

                “Take My Life and Let It Be” CCS 608

Prayer and Benediction

Postlude