NAPARABURAN

 

Preparation

Mangisagana kadagiti papel ken pagsurat a mausar iti paset iti DGR. Ited dagitoy bayat iti panagsagsagana iti serbisiyo.

Prelude

Welcome and Statement of Lent

Ti Kuaresma ket isu iti gundaway iti intayo panagsagana. Gundaway tayo nga agturong iti pannakailansa ken panagungar ni Kristo. Maysa nga intesyunal a gundaway kadatayo tapno umasideg tayo iti Dios, panangikkat wenno panangiyadayo kadagiti bagbagi tayo manipud kadagiti makasinga iti relasyon tayo iti Dios. Ti kuaresma ket isu iti intayo pannakaawag tapno agbalin a radikal iti kinaparabur tayo ken addaan disiplina a naespirituan iti intayo pannakitulag iti Dios, a maiyasideg tayo koma kenkuana iti unos iti maysa a dominggo.

Hymn of Lent

        39 ITULOYCO LAT’ PANNAGNAC

Invocation

Response

Focus Moment

Maawis iti siasinoman tapno mangibingay iti maysa ng istorya wenno testimonyo maipapan iti kinaanus a mangaramid iti maysa a banag a kasla imposible koma a maaramid ngem gapu iti kinaanus naaramidna daytoy ket nagun-od na iti balligi.

Kalpasan iti testimonyo wenno istorya, mabalin a sungbatan dagiti sumaganad a salud-sud:

·       Nu dadduma adda dagiti banag a kasla imposible wenno narigat unay a maaramid ket kasapulan iti panagan-anus, kaano a pannakaaramid mo iti maysa a banag a kastoy, nga uray iti panangirugi koma ket kasla saan nga maaramid?

·       Kasano a matulungannatayo iti Dios kadagiti kakastoy a gundaway?

Prayer for Peace

Light the peace candle

Prayer

Diosmi,

Adtoy kami, ket umanges kami ita a gundaway. Pause.

Masansan nga adu dagiti banbanag iti panagbiagmi a saanmi a madmadlaw gapu kadagiti adu pakakumikuman ken panagap-apura mi iti panagbiag, nga uray dagiti pakasapulan dagiti padami a kabaelan mi koma nga ipaay ket saan idan a mapanpansin. Ket ita, adtoy kami ket umanges kami man.

Saan mi nga ammo O Dios nu kasano iti pannakaaramid dagiti karkararagmi Kenka, ngem adtoy kami a sipapakumbaba tapno itag-ay mi dagiti puspusomi, itag-ay mi dagiti kakabsat mi nga abibiag iti kinariribuk, kadagiti agbibiag iti panagbutbuteng tapno mabal-baliwan koma dagiti ban-banag iti panagbiagda. Ikar-kararagmi a mariknami koma iti kappia kadakami, a makita mi koma iti inanama Kenka.

Wen O Dios agtaengka kadi kadakami. Ammomi a pasetnakami iti pannakaaramid dagitoy a kar-kararag. Ikkannakami kadi iti tured a sumungbat kadagitoy ket mabalinmi nga ipaayan iti paset dagitoy kadagiti bibiagmi. Ket adtoykami tapno umanges kami iti daytoy a gundaway.

Iti nagan ti anak Mo. Amen.

Hymn of Peace or Ministry of Music

        “Come and Bring Light” CCS 287

Scripture Drama or Scripture Reading

        Genesis 17:1-17,15-16

Message

        Based on Genesis 17:1-7,15-16

Disciples’ Generous Response

        Spiritual Practice – Count your blessings.

Iti panagbalin a siyayaman ken napakumbaba ket napaneknekan a dagitoy ket makaipaay iti pannakapasayaat a kasasaad iti biag ti maysa a tao, babaen kadagiti panagrang-ay iti bagbagi wenno salun-at, pannaturog, ken napinpintas a pannakigayyem. Daytoy ket matulungannatayo pannakaadda iti ayat kadagiti bibiag tayo ken kasta met iti pannakarikna tayo manipud iti aglawlaw tayo. Ikkannatayo daytoy iti gundaway tapno makapagyaman tayo iti Dios gapu kadagiti bendisyuna ken tapno mabigbig tayo dagitoy a paraburna kadatayo. Itden tayo iti gundaway tapno panunuten tayo dagiti bendisyon ti Dios kadatayo. Mabalin tayo iti mangisurat iti uray agingga iti lima a banag a pagyam-yamanan tayo iti Dios.

Scripture Reading: Doctrine and Covenants 163:9

Ti napudno nga adalan ket sumungbat iti rumangrang-ay pannakaammona iti kinaparabur ti Dios kenkuana babaen iti panangibingayna manipud iti tarigagay iti pusona; saan a gapu ta daytoy ket maysa a bilin. Mawaya-wayaan tayo koma manipud kadagiti kawar iti nabangonan tayo a pannakaawat nga addaan iti panaginbubukod. Mangipaay a sipaparabur manipud iti pudpudno a kabaelanyo. Ti agnanayon a kappia ken rag-o agur-uray kadagiti adda a rumangrang-ay iti kinaparaburda manipud kadagiti naasi a puso nga awan iti aniaman a kasukatna. Adda kadi pay sabali a kaipapanan iti pagarian ti Dios, kadagiti agnanayon iti panangipaayda gapu kadagiti amin a pinarsua ti Dios?

Iti itayo panangipaay kadagiti daton tayo, usaren tayo koma daytoy a gundaway tapno agyaman tayo iti Dios kadagiti paraburna kadatayo. Agyaman tayo gapud kadagiti sagsagotna nga inawat tayo kadagiti bibiag tayo. Ket dagiti puspusotayo addada a maiyannatup iti Dios nu addatayo a siyayaman Kenkuana ken sipupudno tayo a sumungbat ken mangibiag iti misyon ni Kristo.

Blessing and Receiving of Mission Tithes

Disciples’ Generous Response Hymn

        108  BENDICIONNA INCA BILANGEN

Prayer and Bendiction

Postlude

HYMNS

108  BENDICIONNA INCA BILANGEN
(Count Your Blessing)

No ta pangbiagmo mariribocca,
Ket ta panunot pacapsutennaca,
Bendicionna bilangem a saggaysa,
Agsiddaawcanto ti caaduda.

Coro:
Dayta bendicion mot’ bilangem,
Ayat ti Dios inca kitaen,
Bendicionna inca bilangem,
Adu nga ayatna inna inteden,

Maricnam unay dagsen ta awitmo,
Dayta cruzmo bantotnat’ napalalo,
No bilangem bendicionna nga adu,
Danag pumanaw ragsac sumucatto.

No dagiti dadduma nabacnangda,
Lagipen ti cari ni Cristo kenca,
Paraburna di magatadan kwarta,
Sanicuat’ diay Gloria awan servina.

No adda ka tengngat’ pagbabacalan,
Ti Dios ngad ‘ isu  ti inca camangan,
Ti paraburna angeles ammoda,
Ayat ken tulongna di agpatingga.

39 ITULOYCO LAT’ PANNAGNAC

Ituloyco lat’ pannagnac,
Inaldaw ngumatngatoac
Nupay casta umawagac,
Apo pakirdem sacsacac.

Coro:
Itag-aynac, pabilgennac,
Idanonnac dita arpad;
Nangatngato a taengac,
Apo pakirdem sacsacac.

Diac ayaten ti agtaeng,
Lugar yan duadua ken buteng;
Tarigagayac pagnaan,
Agturong gloria a dalan.

Ragragsac lubong licudac,
Uray diablo ngergerannac;
Gaput’ pammati magnaac,
Nagdalanan ti Dios Anac.

Inaldaw a ngumatoac,
Inggat gloria diac masirpat;
Ngem tuluyec agdawdawat:
“Apo pakirdem sacsacac.”

 287 Come and Bring Light

Come and bring light to a people in darkness.
Come, set us free from the chains we have made.
We are your people, the flock that you tend.
Lord, open our eyes once again.

To the ones brokenhearted: open our eyes.
To the plight of the poor: open our eyes.
To the innocent children: open our eyes.
Teach us compassion and love.

To the victims of violence: open our eyes.
To the ones who seek justice: open our eyes.
To those sitting in prison: open our eyes.
Teach us compassion and love. 

When a color divides us: open our eyes.
When the darkness surrounds us: open our eyes.
When we choose to look elsewhere: open our eyes.
Teach us compassion and love.

To those full of life’s sorrow: open our eyes.
To the needs of the lowly: open our eyes.
To the ones who seek peace: open our eyes.
Teach us compassion and love. 

To those suffering illness: open our eyes.
To those trapped by addiction: open our eyes.
To those lost or forgotten: open our eyes.

Teach us compassion and love.

Genesis 17:1–7, 15–16

Pannakakugit a kas Pagilasinan ti Tulag

¹Idi agtawen ni Abram iti 99, nagparang ni Yahweh kenkuana. Kinunana, “Siak ti Dios a Mannakabalin-amin. Agtulnogka kaniak ket aramidem a kanayon ti naimbag. ²Makitulagak kenka ket ikkankanto iti adu a kaputotam.”

³Idi nangngegna daytoy, nagpakleb ni Abram iti daga. Kinuna ti Dios, ⁴“Daytoy ti katulagak: Ikarik nga agbalinkanto a kapuonan ti adu a nasion. ⁵Saanen nga Abram ti naganmo no di ket Abraham agsipud ta pagbalinenka a kapuonan ti adu a nasion. ⁶Ikkankanto iti adu a kaputotan. Agbalinto nga ari ti sumagmamano kadakuada. Adunto unay ti kaputotam. Ket agbalindanto nga adu a nasion.

⁷“Agnanayon daytoy a tulag ket tungpalekto ti karik kenka ken kadagiti sumarsaruno a kaputotam. Siakto ti Diosmo ken ti Dios dagiti kaputotam.

 

¹⁵Kinuna ti Dios, “Saanen a Sarai ti pangawagmo iti asawam. Manipud ita, Sara ti nagannan. ¹⁶Bendisionakto ket paraburankanto iti anak a lalaki nga ipasngayna. Bendisionakto ket agbalinto nga ina dagiti nasion. Agbalinto nga ari ti sumagmamano kadagiti kaputotanna.”

Exploring the Scripture

Idi agtawen iti 99 ni Abram nagparang ti Dios kenkuana. Nangaramid ti tulag ti Dios ken Abram, ket agbalin nga a nakaad-adu iti kapututanna. Ngem uray iti kinalakayen ni Abram, agbalin pay laeng isuna nga amma dagiti adu a nasyon. Daytoy a tulag ket agpaay kadagiti amin a kapututan ni Abraham. Binaliwan pay ti Dios ti nagan ti asawa ni Abraham a ni Sarai iti Sara ket naikari kenkuana iti panangipasngayna iti maysa nga anak a lalaki.

Kadagiti katulagan iti Daan a Tulag iti Bilbia ken kasta met kadagiti kar-kari, dagitoy ket sagrado iti nagbaetan ti Dios ken dagiti tattao na. Dagitoy a pakasaritaan dagiti kapkapututan ket addada a pakasaritaan kadagiti naduma-duma a pannakitulag iti libro iti Genesis. Dagitoy a pakasaritaan iti pannakitulag ket naaramid kadagiti pam-pamilya, naipasa kadagiti simmaganad a henerasyon, ket dagitoy a kari kankanayon a laglagipenda.

Dagiti pakasaritaan iti pannakitulag ken kar-kari iti Dios iti Israel ket nangrugi iti libro iti Genesis 12:1-3 kas iti panangayab ti Dios ken Abram tapno panawanna iti balay ket agdalyasat iti daga kayat nga iparang ti Dios kenkuana. Ingkari ti Dios iti panangbuangayna iti maysa a nasyon manipud kenkuana nga isu iti pagtaudan dagiti am-amin a pam-pamilya ken iti pannakaparabur iti entero a daga. Mabasa daytoy a pannakitulag ti Dios uray iti Genesis 15:5-21 kas iti pannakaikari ken Abram a saan to a mabilang iti kaadu iti kapututanna kas iti bilang dagiti bituwin. Iti daytoy a teksto tayo iti Genesis 17, isu iti pannakaitultuloy iti pannakaisao ti tulag ken Abram a agbalin to a nas-nasyon iti kaadu iti kapututanna.

Daytoy istorya tayo ita ket nairugi babaen met laeng iti maysa a kari ken Abram ken Sarai idi agtawendan iti nasuruk a 90. Agarup 24 a twenen iti napalabas kalpasan daydi immuna a naitulag kadakuada. Iti daydi a gundaway, nabayagen a kalkalikagumanda iti maaddaan iti maysa nga anak. Patien ni Abram a Babaen ken Hagar natungpal dayta a kari nga ni Ismael ket isu iti anakda. Limaklakay garud ni Abram nga iti pannakaammo na ket natungpalen daydi a kari kenkuana a maaddaan iti anak. Nupay napnekken ni Abram iti adda a kasasaadna, adda pay dagiti kayat ti Dios nga ikari kekuana iti masakbayanna. Umawat to iti bendisyun ni Ismael, ket uray baket ken lakayen da Sarai ken Abram naikari kadakuada iti pannakaadda iti annakda.

Daytoyen iti maikatlo a katulagan ti Dios ken Abram ken kasta met iti maysa a kari kenkuana iti pannakaaddana iti annak iti masangwanan ken iti kaadun to iti nasyon manipud iti kapututanna. Kasta met a paset iti kari kenkuana nga iti kapututanna ket isun to ti mangtengngel iti daga ti Canaan iti agnanayon, ket iti kari a daytoy ket agnanayon a tulag iti kapututanna.

Kas simbolo kadagitoy a kari Dios, binal-baliwanna ti awagna kada Abram ken Sarai. Ni Abram ket Abraham ket ni Sarai ket Sara. Dagitoy baro naganda, ket kas mangirep-represeta iti pannakabalbaliw iti maysa a reyalidad kadakuada babaen iti panamatida iti maysa a baro a katulagan kadakuada. Ti baro a naganda ket isu iti mangbukel iti masakbayanda ken mangipakita iti pasetda iti katulagan.

Ti paset ti Dios iti katulagan ket agnanayon. Ti paset da Abraham ken Sara iti katulagan ket iti panagtalinaedda iti sidong ti Dios, ti panagtulnog ken ti kinapudno iti relasyonda kenkuana. Ti kinasanto iti katulagan ket isu iti kangrunaan ken kasta iti pammaneknek. Iti daytoy a kapitulo, naikkan met iti baro nga awag iti Dios nga isu ket maipatarus a “Dios a Kabilgan” manipud iti lengguwahe iti Hebreo, “El Shaddai”. Daytoy a baro a nagan ket mangirep-representa iti agtultuloy a pannakitulag ti Dios iti relasyon na kada  Abraham ken Sara, ken kasta met iti baro a panangrugi.

Ni Abraham ket isu iti Ama kadagiti agduduma a tradisyon: Judaism, Christianity, ken Islam. Kadagitoy ni Abragam ket kitkitaenda a kas maysa a modelo iti kinapudno, panagtalek, ken kinatulnog iti Dios. Iti Genesis, makita tayo iti kababalin da Abraham ken Sara kas maysa a tao nga addaan iti panagkamali, nga adda dagiti gundaway a kasla saan nga umno dagiti desisyon nga inaramidda. Ngem uray kadagiti panagkamali kadakuada nagtalinaed da iti kinatulnog da, nga isuda ket maysa a modelo iti kinapudno. Daytoy a pakasaritaan iti pamilyada ket kakuyugna iti kari iti kinapudno iti Dios kadakuada, kadagiti naduma-duma a panawen, generasyon, ken kadagiti tattao.