Rumang-ay Kadagiti Oportunidad

 

Grow in Possibilities

Genesis 18:1–15, 21:1–7
(SERMON HELPS)

Prelude

Welcome

"Bukas ang tahanang ito para sa lahat. Kung paanong tinanggap nina Abraham at Sarah ang tatlong estranghero sa kanilang tolda, tinatanggap din natin ang lahat sa tahanan ng Panginoon. Kung ikaw ay napapagod, makakahanap ka rito ng kapahingahan. Kung ikaw ay nalulungkot, makakatagpo ka rito ng pagkakaibigan. Kung naghahanap ka ng isang espiritwal na tahanan, itinayo namin ang tahanang ito para sa iyo. Malugod na tinatanggap ang lahat sa ngalan ng Panginoon."

Hymn of Welcome: CCS 276 All Are Welcome

Scripture Reading: Genesis 18:6-8

Hymn of Celebration:

Invocation

Prayer for Peace

*Chime,  Scripture Reading:164:9b

*Chime, Light the peace candle

Diyos ng biyaya,

Tinatanggap ka namin sa aming puso tulad ng pagtanggap nina Sarah at Abraham sa mga estranghero. Sa tuwing tumitingin kami sa mga mata ng mga hindi namin kakilala, nakikilala ka namin bilang Panginoon na lumikha sa aming lahat. Nawa’y buong puso naming maibahagi ang mga biyayang tinatanggap namin mula sa iyo, at mamuhay nang may kapayapaan kasama ang bawat taong nakakasalamuha namin.

Sa mga estranghero, nawa’y makapagbigay kami ng mainit na pagtanggap. Sa mga lumikas at naghahanap ng kanlungan, nawa’y magbigay kami ng masisilungan. Sa mga ulila, nawa’y magbigay kami ng tahanan.

Sa iyong tahanan Panginoon, ang pagkupkop sa kapwa ang mismong puso ng kapayapaan. Nawa’y maging habambuhay kaming iyong lingkod, tagapagdala ng iyong pagpapala, at tagapagtupad ng iyong salita.

Sinasambit namin ang panalanging ito sa ngalan ng Prinsipe ng Kapayapaan, si Hesus na aming Kristo. Amen.

Hymn of Waiting: How Long Has It Been

Prayer of Examen

Pagkatapos ng bawat linya, maglaan ng oras para sa pagninilay at panalangin ng mga kasama.

O KAYA naman: Gawin itong aktibidad kung saan malayang masasabi ng lahat ang kanilang mga sagot nang malakas.

O Panginoon, nararamdaman ko ang Iyong presensya sa mga panahon ng…

O Panginoon, nagpapasalamat ako ngayong araw dahil sa…

O Panginoon, batid ko ang aking nararamdaman tungkol sa…

O Panginoon, bukod tangi kong ipinapanalangin si/ang…

At Panginoon, humihingi ako ng iyong gabay at liwanag para sa kinabukasan.

Amen.

Morning Message Based on Genesis 18:1–15, 21:1–7 OR Testimonies

Disciples’ Generous Response

Hymn of Generosity:

Leader: Sa pagpapatuloy sa mga hindi kilalang tao, tinanggap nina Abraham at Sarah ang Panginoon. Tinatawag tayo ng Diyos na mamuhay nang may Biyaya at Pagkabukas-palad, tulad ng ipinahayag ng Salmista.
*Chime Scripture Reading: Psalm 116:1–2, 12–14
Statement

Kapag naunawaan natin na ang pag-ibig at biyaya ng Diyos ay libreng ibinigay sa atin, tutugon tayo nang may pasasalamat at malaya tayong magbahagi rin nang buong-puso sa iba.

Blessing and Receiving of Local and Worldwide Mission Tithes

*Chime Statement of Commitment, Scripture Reading: Doctrine and Covenants 163:3b–4a

3 b. Above all else, strive to be faithful to Christ’s vision of the peaceable Kingdom of God on earth. Courageously challenge cultural, political, and religious trends that are contrary to the reconciling and restoring purposes of God. Pursue peace. c. There are subtle, yet powerful, influences in the world, some even claiming to represent Christ, that seek to divide people and nations to accomplish their destructive aims. That which seeks to harden one human heart against another by constructing walls of fear and prejudice is not of God. Be especially alert to these influences, lest they divide you or divert you from the mission to which you are called. 4 a. God, the Eternal Creator, weeps for the poor, displaced, mistreated, and diseased of the world because of their unnecessary suffering. Such conditions are not God’s will. Open your ears to hear the pleading of mothers and fathers in all nations who desperately seek a future of hope for their children. Do not turn away from them. For in their welfare resides your welfare.

Closing Payer

Closing Prayer

Benediction

Postlude

Grow in Faith (Grow)

 

Prelude

Gathering Song: 11 KENCA AGTALECAC

Welcome and Scripture of Invitation :

Gayunpaman, narinig ko ang inyong mga panalangin sa tuwing kayo ay tumatawag sa akin, at sinamahan ko kayo sa mga lugar kung nasaan kayo. Batid ko ang inyong hangarin na paglingkuran ako, at titiyakin ko sa inyo: habang kayo ay humahayo, ang inyong mga handog na pananampalataya at paglilingkod ay katanggap-tanggap sa akin.

Kaya naman, sa lahat ng inyong mga pagsisikap, patuloy kayong magtiwala sa aking biyaya at tumugon nang may pagmamahal sa mga gabay ng aking Espiritu. Kung lalapit kayo sa akin nang may pagkakaisa at pag-ibig, pagpapalain ko kayo ng isang masaganang buhos ng habag—para sa isa’t isa at para sa mundo kung saan Ko kayo isinugo. Amen.

Call to Worship Response Reading

Leader: Mapagkakatiwalaan Ka ba namin O Diyos sa gitna ng panlilinlang at katiwalian?

All: Panginoon, alam naming Ikaw ay mapagkakatiwalaan namin. Mahal Mo kami, kahit na hindi namin ito lubos na maunawaan.

Leader: Maaari ba kaming magtiwala sa Iyong biyaya, Panginoon?

All: Ang pagtitiwala namin sa Iyong biyaya ang naghahatid sa amin sa pag-asa.

Leader: Paano kami magkakaroon ng pag-asa kung mahirap ang buhay?

All: Ang aming pananampalataya ang nagsisilbing tulay sa pagitan ng magulong mundong ito at sa Iyo.

Leader: Ano ang maaari naming gawin upang tunay na maranasan ang Iyong biyaya?

All: Pipilitin naming maging matatag sa pananampalataya upang tunay naming makilala ang Iyong biyaya.

Leader: May pag-asa kami sa Iyo, Panginoon, dahil sa Iyong katuwiran na ipinakita sa pamamagitan ng pananalig ni Jesus, sa Kanyang buhay, sa Kanyang sakripisyo, at sa Kanyang muling pagkabuhay.

Opening Hymn: 102 DICA CUMAPOY URAY ANIA

Prayer for Peace

Light the peace candle.

Prayer of Examen

Ang Panalangin ng Pagsusuri (Prayer of Examine) ay isang paraan ng pagdarasal na binuo ni San Ignacio de Loyola (1491–1556). Kadalasan itong ginagawa sa pagtatapos ng araw, ngunit maaari ring gamitin anumang oras bilang paraan ng pagbabalik-tanaw kasama ang Diyos. Ang layunin nito ay kilalanin kung saan natin kailangan ng kapatawaran, paghilom, pakikipagkasundo, at muling pagtatalaga ng ating sarili.

Ang sumusunod ay isang halaw (adapted) na bersyon ng panalangin. Gabayan ang grupo sa bawat linya. Huwag magmadali; bigyan sila ng pagkakataong manalangin at magnilay sa bawat pahayag.

Salamat, O Diyos, sa regalo ng buhay at sa araw na ito.

Tulungan Mo kaming makita ang araw na ito kung papaano kami namuhay at ayon sa liwanag ng Inyong kalooban.

Nawa kami ay makapagnilay sa mga pangyayari, sa aming mga nakasalamuha, at ang mga emosyong naramdaman namin sa araw na ito.

Bigyan Ninyo kami ng pang-unawa sa mga pagkakataong ang aming naging tugon ay mabuti, nagbibigay-buhay, o nagdulot ng paghilom.

Bigyan Ninyo kami ng pang-unawa sa mga pagkakataong ang aming naging tugon ay maaaring naging manhid, kulang sa pagmamahal, o nakasama sa iba, sa kalikasan, o sa aming sarili.

Nawa’y matagpuan namin ang Inyong biyaya at habag, kapatawaran, paghilom, pakikipagkasundo, at paglaya.

Panginoon, ipinauubaya namin sa Inyo ang aming bukas. Nawa’y manatili Kayo sa aming isipan, kilos, at pakikipag-ugnayan habang kami ay humaharap sa bagong araw sa piling ni Kristo.

Kaming lahat, si Kristo ang aming kapayapaan. Amen.

Scripture Reading: Romans 4:13-25

Ministry of Music OR Community Hymn of Faith: CCS 7 God of the Ages

Homily based on Romans 4:13-25

Disciples’ Generous Response

Activity: Magbahagi ng mga panahong kung saan ang Iyong pananampalataya ay nagsilbi bilang iyong pag-asa. Maaari din itong isulat sa papel at ihulog sa lalagyan ng offerings na sumisimbolo sa pagpapala at pag-ibig ng Diyos.

Blessing and Receiving of Local and Worldwide Mission Tithes

Sacrament of the Lord’s Supper

Communion Scripture: Matthew 26:26-30

Invitation to Communion

Hymn of Preparation: 138 NAUGASAN DAGITI BASBASOL MO

Blessing and Serving of the Bread and Wine

Pastoral Prayer

Hymn: 241  FOR ME TO LIVE IS CHRIST

Sending Forth

Let us go into the world, trusting in God with new faith and hope. Go with God.

Postlude

Amplify Our Witness

 

Prelude

Welcome

Reader 1: Mga kaibigan at mga kapatid, makinig kayo!

Reader 2: Magalak kayo!

Reader 3: Maging inspirasyon kayo sa bawat isa!

Reader 4: Magkaisa kayo sa kapayapaan!

Reader 1: At ang Diyos ng pag-ibig at kapayapaan ay mananahan dito.

Reader 2: Magbatian kayo sa isa’t isa nang may kabanalan ng Diyos.

Reader 3: Magbatian kayo sa isa’t isa nang may pag-ibig ng Diyos.

Reader 4: Magbatian kayo sa isa’t isa nang may kapayapaan ng Diyos.

Reader 1: Ang kamangha-manghang biyaya ni Kristo,

Reader 2: ang nag-uumapaw na pag-ibig ng Diyos,

Reader 3: at ang malapit na pakikipagkaibigan ng Espiritu Santo ay sumasatinyong lahat!

Reader 4: Inanyayahan tayong lahat!

All Readers: Hallelujah! Amen!

Hymn of Invitation: Santo, Santo, Santo

Invocation

Sung Prayer Response: “Praise God from Whom All Blessings Flow” CCS 53 or 54

Scripture Reading: Matthew 28:16-20

Focus Moment: Stop and Go Invitation 

Maghanda ng invitation card para sa susunod na linggo at itanong, “Bakit tayo nagbibigay ng invitation sa mga tao?” Tanggapin ang lahat ng kanilang sagot. Karaniwang nagpapadala ng invitation para ayain ang mga tao sa isang espesyal na okasyon. Ano-ano ang mga salitang ginagamit natin kapag nag-iimbita tayo?

Pagnilayan natin ang sipi mula sa Mateo 28:16–20. Sinabihan ni Jesus ang kaniyang mga alagad na humayo at ayain ang lahat na maging alagad ni Kristo, magpabinyag, at sumunod sa kaniya. Nangako si Jesus na laging nasa kanila ang kaniyang Espiritu. Ngayon, papraktisin natin ang utos ni Jesus na mag-anyaya ng mga tao. Kailangan ko ng ilang volunteers na pumunta rito sa harap at humarap sa grupo.

Ibigay ang mga invitation sa mga volunteer.

Kapag sinabi kong “Go,” pumunta kayo sa kahit sino sa grupo at bigyan sila ng isa sa ating mga special invitation. Pero kapag sinabi kong “Stop,” huminto kayo kung nasaan man kayo hangga’t hindi ko sinasabing “Go” ulit. Tingnan natin kung maibibigay ninyo ang lahat ng ating invitations kay Kristo. Handa na ba kayo?

Ipagpatuloy ang larong “Stop and Go” hanggang ang lahat ay makatanggap ng invitation, pati na ang bawat bata. Sabihan ang mga kalahok na isipin kung kanino nila ibabahagi ang kanilang invitation ngayong linggo.

Hymn of Invitation

Prayer for Peace

Light the peace candle

Prayer

O Prinsipe ng Kapayapaan,

Tinawag Mo kaming itaguyod ang kapayapaan at itatag ang layunin ng Sion. Nauunawaan namin ito bilang tawag upang ibahagi ang Iyong kapayapaan sa lahat ng aspeto—sa aming sarili, sa aming kapwa, sa komunidad, at sa buong mundo. Tulungan Mo kaming anyayahan ang iba sa aming hangarin para sa katarungan at pagkakapantay-pantay. Dinggin Mo ang aming dalangin, O Panginoon. Amen.

Message based on Matthew 28:16-20

Prayer of Confession and Commitment

Panginoon, alam namin na madalas kaming nag-aalinlangan na humayo sa mundo at ibahagi ang Iyong biyaya. Dahil sa aming mga takot at pagiging abala sa buhay, hindi kami nakakausad sa Iyong pangalan. Ngayong araw, nais naming tumugon at buong-pusong ayain ang mga tao kay Kristo. Bigyan Mo po kami ng lakas ng loob at katapangan upang matupad ang pangakong ito. Sa pamamagitan ni Jesus Amen.

Hymn of Commitment : CCS 363 Go, Make of All Disciples

Disciples’ Generous Response

Scripture Reading

Pinapaalalahanan ko kayo… na tandaan ninyo na ang bawat mabuting kaloob ay nagmumula kay Kristo. —Moroni 10:13, adapted

Statement: 
Kung paanong mahalaga ang pag-anyaya sa bawat tao kay Kristo, mahalaga rin sa Diyos at sa ministeryo ng simbahan ang bawat handog. Maaari tayong magdiwang nang may kagalakan sa pamamagitan ng pag-aalay ng ating tugon sa paanyaya at biyaya ng Diyos

Blessing and Receiving of Local and Worldwide Mission Tithes 

Hymn of Sending: CCS 651 Send Me Forth

Benediction

Sending Forth: Doctrine and Covenants 163:2a–b

2 a. Jesus Christ, the embodiment of God’s shalom, invites all people to come and receive divine peace in the midst of the difficult questions and struggles of life. Follow Christ in the way that leads to God’s peace and discover the blessings of all of the dimensions of salvation. b. Generously share the invitation, ministries, and sacraments through which people can encounter the Living Christ who heals and reconciles through redemptive relationships in sacred community. The restoring of persons to healthy or righteous relationships with God, others, themselves, and the earth is at the heart of the purpose of your journey as a people of faith.

Postlude

Amplify All Voices

Prelude

Welcome

Call to Worship: Responsive Reading

Leader: Biglang may narinig na ugong mula sa langit, gaya ng malakas na hanging humahagibis, at napuno nito ang buong bahay kung saan sila nakaupo.

Response: Ito ang Diyos na ating sinasamba, ang tapat at hindi nagbabagong kaibigan.

Leader: May nakita silang parang mga dilang apoy na naghiwa-hiwalay at dumapo sa bawat isa sa kanila.

Response: Ang pag-ibig Niya ay kasinglawak ng Kanyang kapangyarihan, at ito ay walang hanggan.

Leader: Silang lahat ay napuspos ng Espiritu Santo at nagsimulang magsalita sa iba’t ibang wika, ayon sa ipinagkaloob ng Espiritu.

Response: Si Hesus ang una at ang huli, ang Kanyang Espiritu ang papatnubay sa atin sa pagbabalik nang ligtas.

Leader: Namangha sila at naguluhan, kaya’t nagtanungan sila sa isa’t isa, “Ano kaya ang kahulugan nito?”

Response: Pupurihin natin Siya sa lahat ng nakaraan, at magtitiwala tayo sa Kanya sa lahat ng darating.

Hymn of Praise: 165 SARITAEC A SIAYAT NI HESUS A NASLAG

Invocation

Response

Prayer for Peace

Light the peace candle

Peace Hymn

Prayer

Panginoon, kumusta po Kayo?

Mabuti naman po kami, pero marami po sa labas ang hindi. Kung maaari po sana, tulungan Niyo sila. Bigyan Niyo po sila ng kapayapaan—’yung kapayapaang magpapagaling sa kanilang mga sugat.

Magbigay Kayo ng kapayapaan sa mga nasa gitna ng digmaan. Bigyan Niyo rin ng kapayapaan ang mga dumaranas ng matitinding pagsubok, ’yung mga nawasak na ang buhay. Para rin po ito sa mga taong ang mismong tahanan o lungsod ang nagiging labanan—sana po ay makatagpo sila ng katahimikan.

Ipinapanalangin din namin na pagkalooban Niyo ng kapayapaan ang mga hindi pa nakakakilala sa Inyo, para matagpuan Niyo rin sila.

May kapayapaan kami dahil kilala namin Kayo. Sa pangalan ng Inyong Anak, Amen.

Scripture Reading: Acts 2:1- 21

Disciples’ Generous Response

Statement

Ang Alay at Panalangin

Ginawa tayong tagapangalaga ng Diyos sa saganang biyayang ibinigay Niya noong likhain ang mundo—mga biyayang patuloy Niyang ipinagkakaloob araw-araw.

Sa araw na ito, buong puso nating ibinibigay ang ating mga handog at ikapu para sa mga misyon at gawain ng simbahan sa buong mundo. Nagbibigay tayo dahil alam nating ang lahat ng mayroon tayo ay mula sa Kanya, at Siya ang patuloy na magpupuno sa ating mga pangangailangan.

Dahil marami pa tayong dapat gawin upang ipakita ang kabutihan ng Diyos sa bawat sulok ng daigdig, nawa’y maging bukas-palad tayo sa ating pagbibigay.

Manalangin tayo.

Banal na Diyos, salamat sa pagpapadala ng Iyong Espiritu—ang Espiritu ng muling nabuhay na si Kristo—mula sa langit.

Tulungan Mo kaming maging katulad ng mga unang alagad, na may tiyagang nanalangin habang naghihintay sa Iyong gabay at kapangyarihan.

Punuin Mo ang aming puso at isipan ng Iyong mga kaloob na pananampalataya, pag-asa, at pag-ibig. Nawa ang aming pakikipag-usap sa mga tao mula sa iba’t ibang wika at kultura ay maging saksi ng Iyong biyaya at habag.

Iniaalay namin ang aming sarili at ang aming mga handog para sa Iyong mabubuting layunin sa mundo, sa pamamagitan ng mga gawain ng aming simbahan at sa kapangyarihan ng Iyong Espiritu.

Dalangin namin ito sa pangalan ni Hesus. Amen.

Blessing and Receiving of Local and Worldwide Mission Tithes

Hymn of Generosity “Take My Gifts and Let Me Love You” CCS 609

Message based on Acts 2:1- 21

Scripture Meditation:

Gabay sa Meditasyon

Tayo po ay umupo sa komportableng posisyon, mag-relax, huminga ng malalim, at ipikit ang ating mga mata.

Bilang isang komunidad at bilang indibiduwa, minamahal tayo ng Diyos sa pamamagitan ng Kanyang walang hanggan na pag-ibig – isang pag-ibig na natutuwa sa bawat hakbang ng pananampalataya na ating ginagawa.

Ramdamin natin ang walang hanggang na pagmamahal ng Diyos para sa atin.

Pause.

Nanabik ang Diyos sa Iyong pag-lapit sa Kanyang presensiya – upang ang iyong sugat ay magamot at maghilom, ang iyong kakulangan ay mapunan, at ang iyong pag-asa ay mapatibay.

Sabihin mo sa Diyos ang Iyong mga pangangailangan.

Pause.

Huwag kang tumalikod sa Kanya dahil sa iyong pride, takot, o guilt. Dahil Siya lamang ang tanging nagnanais ng pinakamabuti para sa iyo sa iyong mga mahal sa buhay.

Ano nga ba ang hinahangad ng Diyos para sa iyo at iyong mga mahal sa buhay?

Pause.

Lumapit ka sa iyong Walang Hanggang Manlilikha na may bukas na isip at puso, at muli mong tuklasin ang mga biyaya ng Magandang Balita.

Hingin mo sa Diyos ang paglago ng iyong espiritu sa panahong pakiramdam mo ay malayo o sarado sa ka Banal na Espiritu.

Pause.

Maging handa ka sa pagtanggap sa biyaya ng Diyos.

Sambitin mo sa iyong mga bibig ang iyong pagtanggap sa biyaya ng Diyos.

Pause.

Ipagpatuloy ang iyong paglalakbay sa pananampalataya nang may bagong lakas at sigla. Amen

Closing Hymn: “Now Sing to Our God” CCS 108

Prayer and Benediction

Sending Forth

Postlude

Living Blessing

Prelude

Welcome

Call to Worship: Psalm 47:1, 6

¹Agtipatkayo gapu iti rag-o, dakay amin a tattao! Idir-iyo ti naragsak a kankanta a pagdaydayaw iti Dios! ⁶Kantaenyo ti pagdaydayaw iti Dios; wen, kantaanyo iti pagdaydayaw ti aritayo!

Hymn of Praise: 6 UMAYCA TA TAENGANNAC

Invocation

Response

Prayer for Peace

Light the peace candle

Peace Hymn

Prayer

Panginoon, gawin Mo akong instrumento ng Iyong kapayapaan.
Sa gitna ng poot, hayaan Mong ibahagi ko ang pag-ibig;
Sa gitna ng sakit, hayaan Mong ibahagi ko ang pagpapatawad;
Sa gitna ng pagdududa, hayaan Mong ibahagi ko ang pananampalataya;
Sa gitna ng kawalan ng pag-asa, hayaan Mong ibahagi ko ang pag-asa;
Sa gitna ng kadiliman, hayaan Mong ibahagi ko ang liwanag;
At sa gitna ng kalungkutan, hayaan Mong ibahagi ko ang kagalakan.

O, Banal na Guro, hayaan Mong hindi kasing tindi paghahangad ko na ako’y aliwin, sa halip nawa ay mas hahangarin ko ang mang-aliw ng iba;
Na ako’y unawain, kundi ang ako ang maunang umunawa;
Na ako’y mahalin, kundi ang ako ang magmamahal.

Sapagkat sa pagbibigay lamang kami’y tumatanggap;
Sa pagpapatawad kami’y pinatatawad;
At sa pagkamatay kami ay muling isisilang tungo sa buhay na walang hanggan.

Amen.

Scripture Reading: Luke 24:44-55

Message based on Luke 24:44-53

Disciples’ Generous Response

Discussion

“Magkano ang kailangan mong pera para masabi mong mayaman ka na?”

“Sa tingin mo ba, ang definition ng pagiging mayaman dito sa lugar natin ay katulad din sa ibang lugar sa mundo?”

·         Ano ba talaga ang ibig sabihin ng pagiging mayaman?

·         Magkano ba dapat ang pera mo para maramdaman mong mayaman ka?

·         Bukod sa pera, ano pa ang mga bagay sa buhay na nagpapayaman sa atin?

Tandaan natin na marami tayong aspeto sa buhay kung saan tayo ay sadyang mayaman; kaya naman, maging bukas-palad tayo sa pagbibigay.

Blessing and Receiving of Local and Worldwide Mission Tithes

Hymn of Generosity  “Take My Gifts and Let Me Love You” CCS 609

Commitment Reading:

Leader: Ngayon, masdan ninyo, isang kamangha-manghang gawa ang malapit nang magsimula.

All: Panginoon, buksan Mo ang aming mga puso sa Iyong mga salita.

Leader: Kung nagnanais kayong maglingkod sa Diyos, tinatawag kayo sa gawaing ito.

All: Panginoon, buksan Mo ang aming lakas sa Iyong mga salita.

Leader: Pananampalataya, pag-asa, pagkakawanggawa, at pag-ibig—na may layuning parangalan lamang ang Diyos—ang maghahanda sa inyo para sa gawaing ito.

All: Panginoon, buksan Mo ang aming isipan sa Iyong mga salita.

Leader: Tandaan ninyo: pananampalataya, kabutihang-asal, kaalaman, pagpipigil sa sarili, pagtitiyaga, kabaitan, kabanalan, pagkakawanggawa, pagpapakumbaba, at pagsisikap.

All: Panginoon, buksan Mo ang aming buong lakas sa Iyong mga salita.

Leader: Siguraduhin ninyong paglingkuran ang Diyos nang buong puso, lakas, at isipan.

All: Panginoon, buksan Mo ang aming buong lakas sa Iyong mga salita.

All: Amen.

—Adapted from Doctrine and Covenants 4 

Closing Hymn: “Send Me Forth” CCS 651 

Benediction

Sending Forth: Luke 24:46-48

Go and share your testimony!

Postlude

Living Anticipation

 

"Agbiag nga Addaan Namnama"

Prelude

Centering Hymn: 105  ADDA MET LA  NALAGDA NGA ANCLAM

Welcome, Joys, and Concerns

Call to Worship

Leader: "May hawak akong bola ng sinulid. Ihahagis ko ito sa inyo. Pagkasalo ninyo, humawak kayo sa isang bahagi tapos ihagis niyo naman sa iba. Huwag ninyong bibitawan ang hawak ninyong sinulid. Maya-maya, magkakaroon na tayo ng parang sapot ng sinulid na nag-uugnay sa ating lahat."

Scripture Reading: Doctrine and Covenants 161:3a

"Buksan ninyo ang inyong mga puso at damhin ang pangungulila ng inyong mga kapatid na nag-iisa, hinahamak, natatakot, napababayaan, at hindi minamahal. Unawain ninyo sila, hawakan ang kanilang mga kamay, at imbitahan ang lahat na makibahagi sa mga biyaya ng isang komunidad na binuo sa pangalan ng Isang nagpakasakit para sa ating lahat." 

Hymn of Community : “Weave” CCS 327

Invocation

Response

Scripture Reading: 1 Peter 3:13-22

Ministry of Music

Sharing in the Spoken Word based on 1 Peter 3:13-22

Hymn of Reflection: Jesus is Calling

Reflection: “Nakatali”

“Nakatali”

Isang summer, kailangan kong gumawa ng ilang trabaho sa kulungan ng mga aso ko na medyo delikado para sa kanila. Para siguradong ligtas sila, itinali ko muna sila sa magkakaibang puno ng mansanas sa aking orchard. Hinding-hindi nila gustong nakatali sila! Pero, magkaiba ang naging reaksyon nila sa sitwasyon.

Si Frodo, iyak nang iyak at halatang sawang-sawa na. Malapit na akong matapos nang mapansin kong paikot-ikot na pala siya sa puno kaya lalong humigpit ang tali niya—sobrang miserable niya tignan. Ang ending, halos hindi na siya makagalaw. Si Pippin naman, kabaligtaran; hindi siya umiyak. Naglaro pa nga siya sa mga mansanas at mga sangang nakalaylay. Ang saya niyang panoorin na parang pusa na tinatabig ang sanga tapos susubukang kagatin ang gumagalaw na mansanas! Pagkatapos, humiga lang siya sa ilalim ng araw at natulog.

Nung pinakawalan ko na sila, pagod at bad trip si Frodo. Pero si Pippin, nakapag-relax at punong-puno ng energy para maglaro uli!

Minsan, napupunta tayo sa mga sitwasyong hindi natin gusto. Pero ang nagdadala talaga ay kung paano natin ito hinaharap. Pwede tayong maging malungkot, ma-frustrate, at magreklamo nang magreklamo. Pwede nating lunurin ang sarili natin sa lungkot hanggang sa hindi na tayo makakilos. O kaya naman, pwede nating hanapan ng saya ang sitwasyon kahit limitado lang ang galaw natin. Pwede tayong tumingin sa mga positibong bagay para makaraos. Para pag tapos na ang problema, handa na tayong sumabak uli!

Sa totoo lang, kapag sobrang lakas ng reklamo natin sa gitna ng problema, hindi na natin marinig ang Diyos na sumusubok tumulong sa atin.

Makinig ka! Baka sinasabi na sa’yo ng Diyos na ngatngatin mo na ang lubid para makawala ka!

Disciples’ Generous Response  

Hymn of Generosity 

Statement

Mga kapatid, ang ating pag-aalay ay simbolo ng ating buhay na pag-asa sa ating Panginoong Hesu-Kristo. Ayon sa 1 Pedro 1:3, binuhay tayong muli ng Diyos para sa isang pag-asang buhay dahil sa pagkabuhay na muli ni Hesus.

Hindi tayo nagbibigay dahil sa obligasyon, kundi dahil sa pananabik sa mga pangako ng Diyos na hindi pa natin nakikita ngunit ating pinaniniwalaan. Ang bawat halaga at bawat oras na ating iniaalay ay pagtatanim para sa Kanyang kaharian, habang buong tiwala nating hinihintay ang katuparan ng kanyang mga pangako.

Blessing and Receiving of Local and Worldwide Mission Tithes  

Prayer for Peace  

Light the peace candle 

Prayer 

Panginoon,
Iniaalay namin ang aming mga kamay sa panalangin
Mga kamay na nangangalaga sa mundo, Sa mga ibon, At sa agos ng mga buhay na bukal.

Mga kamay na humahabi ng mga tela, Ng mga puso, At ng mga wasak na pangarap

Mga kamay na naninindigan Para sa katotohanan, Para sa biyaya, At para sa mga layuning hindi nakikita

Patatagin Mo ang aming mga kamay Na pinagsama-sama ng mga gawain, Sa kapayapaan. Amen.

Closing Hymn:

Prayer

Sending Forth

Leader: Ang Diyos ang Dakilang Humahabi ng Buhay.

People: Si Hesus ang ating pag-asa.

Leader: Kumikilos sa atin ang Espiritu Santo.

People: Narito tayo para sa isa’t isa.

All: Samahan Mo kami, Panginoon, habang ipinahahayag namin ang pag-asa sa mundong nangangailangan. Amen.

Postlude

 

Living the Way

Panangibiag ti Dalan

Prelude

Welcome and Sharing

Prayer for Peace

Light the peace candle

Panginoon, lumalapit kami sa Iyo sa gitna ng aming mabilis at madalas na nakakapagod na mundo. Dalangin namin ang Iyong kapayapaan upang maghari sa bawat aspeto ng aming buhay:

Kapayapaang Pisikal (Physical)

Gabayan Mo ang aming mga katawan na madalas ay hapo sa trabaho at puyat. Ibigay Mo sa amin ang pahingang kailangan namin. Pakalmahin Mo ang aming mga ugat, patatagin ang aming kalusugan, at ilayo kami sa anumang karamdaman. Nawa’y maging templo ang aming katawan ng Iyong Espiritu at katahimikan.

Kapayapaang Intelektwal (Intellectual)

Sa gitna ng napakaraming impormasyon at kalituhan, bigyan Mo kami ng malinaw na isipan. Alisin Mo ang ingay ng mga pag-aalinlangan at ang bigat ng labis na pag-iisip (overthinking). Tulungan Mo kaming maging matalino sa aming mga desisyon at manatiling payapa kahit hindi namin alam ang lahat ng kasagutan sa hinaharap.

Kapayapaang Emosyonal (Emotional)

Pawiin Mo ang anumang kaba, takot, o galit na nananahan sa aming puso. Sa mga panahong kami ay nasasaktan o nabibigatan, ipadama Mo ang Iyong yakap. Turuan Mo kaming magpatawad sa aming sarili at sa iba, upang ang aming kalooban ay maging magaan at puno ng pag-asa.

Kapayapaang Espiritwal (Spiritual)

Higit sa lahat, Panginoon, pagkalooban Mo kami ng lalim ng pananampalataya. Nawa’y manatili kaming nakakonekta sa Iyo, ang Daan ng Buhay. Sa kabila ng anumang unos, nawa’y ang aming kaluluwa ay manatiling payapa dahil alam naming Ikaw ang may kontrol at hinding-hindi Mo kami iiwan.

Sana ay manatili sa aming mga ala-ala na ang "Ang kapayapaan ay hindi ang kawalan ng gulo, kundi ito ay ang Iyong presensya na nananatili sa gitna nito."

Sa pangalan ni Jesus, Amen.

Hymn: 185  ALA NGARUDEN

Invocation

Response/Music Ministry

Scripture Reading: John 14:1-14

Focus moment:
Sagutin ang katanungang nasa loob ng na-cutout na footprint at ibahagi ito. Pagkatapos mai-share ang sagot, maaaring idikit ang footprint patungo sa altar o sa nakahandang boad.

Tanong: Sa Iyong paglalakbay sa bilang isang disipulo na minsan madali, masaya, tahimik at minsa’y mahirap, magulo at nakakapagod, Ano ang nagiging papel ni Jesus sa buhay mo?

Hymn of Calling: “I Have Decided to follow Jesus” CCS 499

Sermon based on John 14:1-14

Sacrament of the Lord’s Supper

Hymn of Preparation: 141  ITI DAYDI A RABII

Invitation to Communion

Ang lahat ay inaanyayahan sa lamesang ito ni Kristo. Ang banal na hapunan ng Panginoon o Komunyon, ay isang sakramento kung saan ating inaalala ang buhay, kamatayan, muling pagkabuhay at ang patuloy na presensiya ng Hesu-Kristo. Sa Community of Christ, isa rin itong pagkakataon upang mapanibago ang ating bautismo at pakikipagtipan na siyang nabuo sa atin bilang mga tagasunod ni Kristo na ipinamumuhay ang kanyang misyon. Tayong lahat ay inaanyaya na gawin ito sa pamamagitan ng pag-ibig at kapayapaan ni Hesu-Kristo.

Blessings and Serving of the Bread and Wine

Disciples’ Generous Response

Scripture Reading: – Alama 16:238, adapted.

…Mamuhay tayo araw-araw na may pasasalamat sa Diyos, dahil sa napakaraming blessings at napakadakilang awa Niya sa atin.               

Confession Prayer

Panginoon, maraming salamat po sa lahat ng biyayang natatanggap namin. Salamat sa Iyong pagmamahal, pang-unawa, at sa pagkakataong maging bahagi kami ng buhay ng aming kapuwa.

Inaamin po naming may mga pagkakataong kinikimkim namin ang mga pagpapalang malaya Mo namang ibinibigay, sa halip na ibahagi ito sa mas nangangailangan. Alam naming tumatawag Ka, pero madalas ay hindi kami nakikinig.

Bigyan Mo po kami ng lakas ng loob at katatagan na pakinggan Ka, at humanap ng mga paraan para maipadama ang Iyong pag-ibig at kapayapaan sa iba. Tulungan mo kaming maging bukas-palad – maging sa aming pinansiyal, oras, o pag-aalaga.

Naririto kami ngayon, handang maglingkod at sumunod sa Iyo, dahil ikaw ang daan, ang katotohanan, at ang buhay na walang hanggan, In Jesus name. Amen.

Receiving of Local and Worldwide Mission Tithes

Hymn of Commitment: “Go, Make of All Disciples” CCS 363 

Mission Prayer (All)

Panginoon, saan kaya ako dadalhin ng ‘Yong Espiritu ngayong araw? Tulungan Mo po akong maging laging handa at gising upang tumugon sa Iyo. Bigyan Mo po ako ng lakas ng loob na sumubok ng mga bagong bagay, at maging biyaya sa pagpapadama ng Iyong pag-ibig at kapayapaan sa iba. Amen.

Benediction

Postlude