Kukuanatayo ti Dios
Prelude
Welcome
Community Sharing
Call to Worship: Psalm 99:9
Itan-okyo ti Apo a Diostayo;
agdaydayawkayo idiay nasantoan a turodna!
Nasantoan ti Apo a Diostayo!
Opening Hymn
496 See What Love We Have Been Given!
Prayer of invitation (invocation)
Sung Response: “Jesus Loves Me”
CCS 251 by Children
Scripture Reading: Matthew
22:15-22
Focus Moment: No Right Answer
Based
on Matthew 22:15-22
Trivia
Time
· Mano nga elepante iti insakay ni Abraham
iti Arka?
· Siasino iti nangted ken Joseph iti
napintas kagay?
· Mano nga balitok iti inawat ni Judas a kas
bayad iti panangliputna ken Jesus?
· Ania a libro iti Biblia iti saan a pulos
nakadakamatan iti Dios?
· Kasano iti kabayag iti kaadda ni Job iti buksit
iti balyena?
Makita
tayo kadi iti pannakaallilaw tayo manipud kadagitoy a saludsud? Ammotayo kadi
nga uray ni Jesus ket pinanggep da nga inallilaw?
Disciples Generous Response
Daytoy
iti maikaddua a dominggo iti Generosity Cycle. Ti focus tayo iti daytoy nga
aldaw ket isu iti Panangbirok (discover) a mainaig unay nu kasano iti
panagbalin tayo a nayaman nga isu met iti mamagbalin kadatayo a naparabur.
Scripture
Reading
Denggenyo
dagiti testimonyo dagiti addaan kinaparaburda. Surutenyo iti panagduyos dagiti
kararruayo a mapan iti grasya ken parabur iti Dios. Palubusan yo nga iti
panagyamanyo ket isu iti mangiturong kadakayo.
– Doctrine and Covenants 165:2b
Statement
Mabalin
a pamilyar wenno kabisado tayo unayen iti taray iti panagbiag tayo, ket mabalin
a saan tayon a madmadlaw nu kasano iti kinaparabur iti Dios kadatayo. Adu
dagiti saan tayon mailasin a parabur ti Dios kadatayo, ket kanayon a dagiti
laengen agkurang kadatayo iti fucus; mas pilpilyen tayon iti mangbilang
kadagiti problema tayo ngem kadagiti parabur ti Dios kadatayo.
Adu
banag dagiti mabalin tayo a pagyamanan kadagiti bibiag tayo – kas koma iti
salun-at, pamilya, dagiti adal, trabaho wenno pagbirukan tayo, sagsagot ken
talento tayo. Amin dagitoy ket parabur a maipapaay kadatayo tapno nalag-lag-an
iti panagbiag tayo, ken tapno naragragsak tayo ken addaan iti kaipapanan iti
panagbiag tayo.
Ita, maikkan
tayo iti gundaway tapno sumungbat kadagitoy a kinaparabur iti Dios kadatayo
babaen iti panangibingay tayo iti mabalin nga agpaay iti trabahona. Sapay koma
ket uray iti inaldaw aramiden tayo iti kankanayon panagyaman, siyayaman tayo
gapu kadagiti sagotna kadatayo iti inaldaw. Daytoy ket mabalin tayo nga
aramiden a kas kadagiti sumaganad:
· Iti ingka panangipauneg iti umuna a taraon
wen inumem iti bigat, gundaway mo a mangpanunut kadagiti banbanag a saan unay
nga maik-ikkan iti atensiyon. Yebkas mo iti sangkabassit a kararag iti
panagyaman.
· Tunggal aleppas iti aldaw mo, panunutem
dagiti banbanag a napasamak kenka iti nagmalem, adda kadi dagiti nasken unay
nga pagyamanam? Mabalin iti lambing iti pamilyam, ti saan mo nga inanamaen a panangkumusta
iti gayyem mo. Mabalin mo pay nga isurat dagitoy a banbanag nu kayat mo.
Ipaay
tayo iti panagyaman tayo iti Dios gapu kadagitoy a paraburna.
Blessing
and Receiving of Mission Tithes
Message
Based on
Matthew 22:15-22
Prayer for Peace
Light
the peace candle.
Prayer
Ikararag
ko daytoy a kararag iti kappia, managayat a Dios:
Kappia kadagiti agbubuteng,
Kappia kadagiti agpegpeggad,
Kappia kadagiti maidaddadanes,
Kappia kadagiti panagsisina gapu iti gubat,
Kappia kadagiti nasugatan.
Ikararag ko daytoy a kararag iti kappia, managayat a Dios:
Kappia kadagiti nalipatanen,
Kappia kadagiti natalawan,
Kappia kadagiti awan pagtaenganda,
Kappia kadagiti mabisin,
Kappia kadagiti nailaksid.
Ikararag ko daytoy a kararag iti kappia, managayat a Dios:
Kappia kadagiti awanan namnama,
Kappia kadagiti saan a maikabkabilangan,
Kappia kadagiti maab-abuso,
Kappia kadagiti naliday,
Kappia kadagiti masaksakit.
Ikararag
ko daytoy a kararag iti kappia, managayat a Dios:
Kappia kadagiti nabileg,
Kappia kadagiti naballigi,
Kappia kadagiti naannad,
Kappia kadagiti naragsak,
Kappia kadagiti naayat.
Ikararag
ko daytoy a kararag iti kappia, managayat a Dios:
Kappia kadagiti ubbing,
Kappia iti lubong,
Ikararag ko daytoy a kararag iti kappia, managayat a Dios:
Amen.
Closing Hymn
Closing Prayer
HYMNS
496 See What
Love We Have Been Given!
See what love we have
been given!
We are baptized as God’s own!
Claimed by Christ and called God’s children,
God’s grand purpose to make known!
Christ has welcomed us and named us,
warmed our hearts and blessed our ways!
Here, God’s mighty love has claimed us
for new life of faith and praise!
Living water offered
to us—
signifies rebirth and grace!
Christ, receive, renew, restore us;
hold our lives in your embrace!
Place your gracious gift within us,
showing we belong to you!
Grant your Holy Spirit to us,
bind us evermore to you!
May the Spirit’s
winsome power
breathe upon us, make us glad!
Come, inspire us and thrill us,
sanctified for what’s ahead!
As we share our gifts together,
God Almighty, make us one,
as we go and as we gather,
till the work of grace is done!
See what love we have
been given!
We are baptized as God’s own!
Claimed by Christ and called God’s children,
God’s grand purpose to make known!
Guide our lives in each endeavor,
making us disciples true!
Bless us now and bless us ever;
Living Lord, we trust in you!
Focus Moment: No Right Answer
(Facilitators Guide)
Based
on Matthew 22:15-22
Trivia
Time
·
Mano
nga elepante iti insakay ni Abraham iti Arka? Awan, gapu ta awan ni Abraham
ijay Arka.
·
Siasino
iti nangted ken Joseph iti napintas kagay? Ni tatangna.
· Mano nga balitok iti inawat ni Judas a kas
bayad iti panangliputna ken Jesus? Awan, gapud ta pirak iti inawatna a
bayad.
·
Ania
a libro iti Biblia iti saan a pulos nakadakamatan iti Dios? Esther
·
Kasano
iti kabayag iti kaadda ni Job iti buksit iti balyena? Saan a pulos a nagyan
ni Job iti buksit iti balyena.
MATTHEW 22:15-22
Exploring the Scripture
Iti daytoy a teksto, naisangsangayan iti panagkaddua dagiti
Fariseo ken Herodiano tapno suotenda ken pilitenda ni Jesus a mangsungbat iti
saludsudda "Maisalungasing kadi iti Linteg wenno saan ti panagbayad iti buis iti
Emperador". Uray ania kadagitoy iti isungbat ni Jesus ammona nga agpeggad
isuna. Ket tapno saan a matnag isuna iti palab-og da kenkuana saanna a
sinungbatan daytoy a saludsud ngem ketdi dimmawat isuna iti pagbuwis a kuwarta
sana impakita kadakuada. Sinaludsudna: “Siasino ti akinladawan ken
akinnagan iti daytoy?” Ket kalpasan a sinungbatanda isuna nga ti Emperador
daytoy, ket kinunana: “Itedyo ngarud iti Emperador ti kukua ti Emperador,
ket itedyo met iti Dios ti kukua ti Dios.”
Iti panangkita iti dayoty a paset iti nasantoan
a surat, napateg iti panangkita ken panangpanunot kadagiti banag nga saan laeng
agpatingga manipud kadagitoy a paset ti nasantoan a surat a maipapan iti
politika ken nu kasano iti panangsango dagiti Kristiano iti gobiyerno. Makita
pay iti daytoy nga istorya nu kasano iti nainsiriban a panangsango ni Jesus
kadagiti Fariseo iti gandat da a panangpalab-ogda kenkuana. Kas ingsungbat ni
Jesus, kayatna a maammoan tayo nu ania iti naggidiyatan ken pagpatinggaan iti
beddeng iti gobiyerno ken ti Dios. Siasino kadi iti akinkukua kadatayo? Iti
panangkita tayo kadagiti bagbagi tayo, sadino iti ayan tayo – polikal, sosiyal,
religious, or economic – kukuanatayo iti Dios. Amin a banag nga adda kadatayo
ket nagtaud amin iti Dios.
Ti insungbat ni Jesus ket saanna a sinulbar iti parikut, ngem
ketdi kayatna a panunuten tayo ken adalen tayo dagiti sabali pay a banbanag
maipapan iti Dios. Tunggal aldaw, adda iti pannakarigat kadatayo nu kasano nga
iti Dios iti sentro iti panagbiag tayo, napatpateg ngem dagiti nainlubungan a
banbanag. Ti ayab kadatayo kas maysa nga adalan ket isu koma iti
panangipangpangruna tayo iti Dios kadagiti bibiag tayo. Narruay iti panangipaay
ti Dios kadagiti paraburna kadatayo. Ket iti panangawat tayo kadagitoy a bendisyun
ket isu met iti intayo panagyaman ken panagserbi kadagiti sabsabali. Panagyaman
kadagiti adda kadatayo, panangbibig iti presensiya iti Dios kadagiti bibiag
tayo ken iti bendisyun ti Dios kadatayo ket tulunganna tayo a maaddaan iti
focus nu ania dagiti kapatgan iti pagarian iti Dios.
Central Ideas
· Kukuanatayo iti Dios.
· Amin a banag nga adda
kadatayo ket naggapu amin iti Dios.
· Iti panangsango tayo kadagiti nainlubungan
a banbanag, kas adalan ni Jesus naayaban tayo tapno isaad ti Dios kas sentro
iti panagbiag tayo – top priority! (kangrunaan)!
· Iti intayo panangkita iti kababalin iti
Dios, ti kinabileg ti Dios ket isu met iti kinapakumbabana tapno mabalin tayo
iti sumungbat babaen iti panagyaman ken panagserbi kadagiti sabsabali.
Question to Consider
· Ania dagiti panagsasaganad dagiti
paspasamak iti panagbiag mo?
· Iti pannakaammo iti kinaparabur ti Dios
kenka, kasano a maimpluwensiyaan dagiti desisyon mo gapu iti daytoy?
· Siasino iti akinkukua kadatayo?
· Ania dagiti banbanag wenno wagas tapno
agbalin napateg kadagiti agtutubo ken ub-ubbing daytoy a paset iti nasantoan a
surat?
