Prelude
Welcome
Congregational Sharing
Call to Worship: Doctrine and Covenants 157:11-12
Denggenyo dakayo a tattao
iti iglesiak, siak ni Jesu-Kristo nga kankantaanyo ken panpaneknekanyo ken iti
nagan a pagkarkararaganyo. Siak iti Espiritu iti ayat ken kappia ditoy lubong a
saan met a mabigbigbig ditoy lubong.
Nangngegko dagiti
kararagyo a saan nga agressat iti idadanon da kaniak, ket impaay Ko iti
ministeryo iti pannakaagas a kas kalapati iti nagbabaetanyo. Ngarud itag-ay yo
dagiti puspusoyo ket agrag-o kayo gapu iti kari a naipaay kadakayo a namnamayo.
Saan kadi a kunak kadakayo a pagayatan ti Ama iti panangipaayna kadakayo iti
pagarian?
Congregational Hymn
“We Are a
Family of Faith” CCS 350
Prayer of Love and Invitation (invocation)
Scripture Reading : Matthew 22:34-46
Focus Moment
Love God the Most
Iti daytoy nga activity
kasapulan iti dua a dadakkel a pagsuratan (Carotlina/Papel/bondpaper), ken
marker a pagsurat.
Iti umuna a papel,
mangi-drawing iti dekkel a sinan-puso. Kalpasanna, damagen iti kongregasyon
dagiti banag a kayatda wenno ay-ayatenda (mabalin a kuarta, trabaho, apit,
balay ken dadduma pay). Isurat dagitoy iti uneg iti naidrawing a puso agingga a
mapno daytoy. Kalpasan a mapno iti puso kadagiti kayat tayo, saludsuden tayo:
“Adda pay kadi paglugaran ti Dios iti uneg iti puso?”
Iti maikaddua a nalinis a
papel, mangi-drawing met laeng iti dakkel a sinan-puso. Isurat nga umun-una iti
Apo Dios iti uneg iti puso. Kalpasanna mabalin met laeng nga isurat amin dagiti
kayat tayo iti uneg iti puso.
Kakabsat, uray pay nu
ited tayo iti Dios iti kadakkelan a paset iti puso tayo, adda pay latta mabalin
a paglugaran ti dagiti amin a kayat tayo ken ay-ayaten tayo. Naayaban tayo
tapno agpili nga addaan kinaresponsable kadagiti banag a kayat tayo ken
pagserbiyan tayo.
Hymn of Love
“Jesu,
Jesu, Fill Us with Your Love” CCS 367
Prayer for Peace
Light the Peace Candle.
Kararag iti kappia nga
agpaay kadagiti isu amin nga agsagsagaba gapu iti pannakapukaw kadagiti mabalin
pamataudanda iti pagbiagda. Kadagiti agmulmula ken addaan tartaraken a
nadidigra gapu iti kalamidad ken panagraira iti saksakit dagiti dengwen.
Disciples Generous Response
Daytoy iti maikatlo a
dominggo iti Generosity Cycle tayo. Iti daytoy nga aldaw iti focus tayo ket isu
met laeng iti panangammo/panangbirok (Discover) a mainaig met laeng iti
panagbalin tayo a siyayaman kadagiti kongregasyon tayo.
Scripture Reading
Denggenyo dagiti
testimonyo dagiti addaan kinaparaburda. Surutenyo iti panagduyos dagiti kararruayo
a mapan iti grasya ken parabur iti Dios. Palubusan yo nga iti panagyamanyo ket
isu iti mangiturong kadakayo. – Doctrine
and Covenants 165:2b
Statement
Maysa kadagiti
kabaknangan a sagot ti Dios ket isu iti sagot a naayat nga relasyon na kadatayo.
Iti Community of Christ, malasin tayo iti ayab iti Dios kadatayo kas komunidad
nga addaan ayat iti tunggal maysa. Ti iglesia tayo kas maysa a komunidad ket
maysa a lugar a mangiyaw-awis iti panagbibinningay tayo kadagiti rag-o ken concern
tayo iti tunggal maysa. Naayaban tayo tapno addaan ayat iti panagkikinnararag
tayo iti tunggal maysa ken kas maysa a lugar iti pannakapaimbag.
Numan pay saan tayo
a perpekto, naayaban tayo tapno aramiden tayo iti paset tayo iti pannakabuangay
iti naayat a pamilya kas komunidad iti iglesia.
Maawis tayo tapno
ikedem tayo dagiti mata tayo iti sumag-mamano a gundaway.
Agkidem tayo ket
iparabaw tayo laeng dagiti ima tayo kadagiti tumeng tayo.
Riknaen tayo iti panagdisso iti bagi tayo iti tugaw tayo. Riknaen tayo iti kadagsen
iti bagi tayo iti rabaw iti nagtugawan tayo.
Umanges tayo iti nauneg.
Adda kenka iti
naidaklan a sagot, naruay a naipaay kenka, naparang-ay daytoy sagot tapo maited
kenka nga awan iti kasukatna. Daytoy a sagot ket kankanayon nga adda kadatayo, ket
ammo tayo daytoy wenno pamilyar unay daytoy kadatayon ket isu nga ditay’ met
mad-madlawen daytoy.
Sangsangkamaysa tayo kas kongregasyon gapu iti daytoy a sagot, saan laeng a
gapu iti maymaysa ngem ketdi manipud iti sagot iti tunggal maysa.
Ibingay tayo dagiti
sagot tayo a kankanta manipud kadagiti himno ken kadagiti musiko a matukar. Sagot
a maibingay manipud kadagiti tattao a nakasagana iti daytoy nga aldaw. Addada a
naibingay sakbay pay iti kaadda tayo, sakbay iti pannakabangon daytoy a
kongregasyon tayo.
Laglagipem iti
kaaddam iti lugar nga ayan mo ita. Panunutem iti pannakariknam iti maysa a
komunidad ita. Kaano a nariknam iti parabur iti daytoy a lugar?
Pause.
Ania dagiti nakitam
a mangted biag kenka iti daytoy a lugar?
Pause.
Ilukat mo dagiti
matam. Ket ti saludsud kenka: Ania dagiti wagas wenno banag a kas nagbalin a
bendisyun kenka a kas paset iti daytoy naayat a komunidad?
Pause
Iti tungpal biag a
panangaywan ket maysa nga indibidual ken pagkaykaysa a proseso. Ti pamilya, gagayyem
ken dagiti dadduma pay nga adalan ket iturong da tayo iti panagrang-ay tayo. Kas
paset iti daytoy a komunidad dagiti mamati, mapatpatibker tayo nu malasin tayo
nga iti Dios ken dagiti sabsabali ket makatulong dagitoy tapno agabalin tayo a
kas iti kalkalikaguman iti Dios a pagbalinan tayo. Iti panagkaykaysa tayo
mabalin tayo iti agbalin a parabur iti daytoy a lubong babaen iti panangawat
ken panangibingay tayo kadagiti adda iti bibiag tayo.
Ipaay tayo iti
panagyaman tayo iti Dios.
Blessing and
Receiving of Mission Tithes
Message
Based
on Matthew 22:34-46
Pastoral Prayer
Closing Hymn
“I
Have Called You by Your Name” CCS 636
Sending Forth
Iti intayo ipapanaw
manipud iti daytoy nasagradoan a lugar, balunen tayo kadagiti puspuso tayo iti pannakaamo
nga ay-ayatenna tayo iti Dios. Sapay koma a ti ayat ti Dios ket agbalin nga
inspirasyon tayo ken mangipalagip kadatayo iti ayab kadatayo a mangipaay iti
ayat ken panagserbi kadagiti isu-amin babaen iti nagan iti daydiay mangay-ayat
kadatayo amin, ni Jesu-Kristo nga Apo tayo.
Postlude.
Mateo 22:34-46
Exploring the Scripture
Kadagitoy a panawen, masansan a mangmangegan dagiti agduduma a
pannakaipatarus iti kaipapanan iti nu kasano iti agbalin a Kristiano. Adda
dagiti panangpanpanunot kadagitoy a saludsud: Sadino iti papanak ken ania iti
nasken nga aramidek tapno agbiagak nga addaan panangibiag iti naimbag a damag
ni Jesus? Ti texto iti daytoy nga aldaw manipud iti libro iti Mateo, sungbatanna
daytoy awan pannakabalbaliwna a saludsud.
Dagiti Fariseo iti daytoy nga istorya ket nalab-labes ngem kas saksi iti
panangpalab-og dagitoy a Saduceo ken ni Jesus (Mateo 22:23-33) ken iti
follow-up a saludsudna kenduana. Saan a nalawag nu apay a sinaludsud na pay
dagitoy. Mabalin a panggep na a palab-ogan a talaga ni Jesus wenno kayat na a
paunegen pay iti panamati ken relasyon na iti Dios. Ngem ania man pay iti
makagapu kadagiti panagsaludsudna, dagiti insungbat ni Jesus ket nangted
kadakuada iti naun-uneg a panagpanunot a saan nga inanamaen dagiti Fariseo.
Ti sungbat ni Jesus ket deretsaan, napudno kenn naespirituan. Nakaskasdaaw
a babaen iti insungbat ni Jesus ket napaulimek dagiti Fariseo (v.46) a kas iti
pannakapaulimek met laeng dagiti Saduceo ken Herodiano (v.34). Ngem adda pay
napatpateg a banag iti daytoy a pasamak a saan laeng iti pannakaisaad dagiti
Fariseo iti rumbeng nga ayan da. Ti sungbat ni Jesus kadakuada ket naadaw pay
manipud iti tradisyon dagiti Judio; ti pundasyon iti nasantoan a surat dagiti
Hebreo. (Deuteronomy 6:4-5). Maikaddua ket isu panangadaw na iti maipapan pannakainaig
manipud iti sura iti Leviticus 19:18. Dagitoy a dua a paset iti nasantoan a
surat a dinakamat na ket maiparangarang iti pannakaammo na maipapan kadagiti
lin-linteg ken iti naun-uneg a pannakaawatna manipud kadagitoy.
Dinakamat ni Jesus nu kasano nga iti maikaddua a linteg/bilin ket maiyasping;
a nu ayaten tayo iti Dios ket masapul met nga ayaten tayo iti pada tayo wenno
kaarruba tayo. Impakita ni Jesus nga iti pammaneknek ken panangipakita tayo iti
panagayat tayo iti Dios ket babaen iti panagayat tayo iti pada tayo nga tao,
nga isu met lang iti pammaneknek tayo kadagiti sabsabali nu pudno nga ay-ayaten
tayo iti Dios. Maawatan daytoy dagiti Fariseo ket naipaay daytoy kadakuada
tapno pagpanpanunutan da iti insungbat ni Jesus kadakuada.
Iti panagsaludsud ni Jesus iti maikaddua a saludsud, “Ania iti
panagkunayo iti Kristo/Mesias?” Ania iti nagtaudanna? (v.42). Awan iti
naisungbat nagiti Fariseo ken Jesus, ngem dagiti Kristian adda nga maawatanda
iti panangilawlawag ni Jesus nga iti Messias ket maigapu iti panagrigrigat a
mapadpadasan dagiti Judio. Ti Messias ket parehas nga isu iti Anak ni David ken
Apo ni David; natan-ok ken agserbi(napakumbaba). Iti daytoy a panangiladawan ni
Jesus, impakitana ket pannakainaigna manipud kadagiti bilin ken kadagiti isu
amin a pinarsua. Impakita ni Jesus kadagiti mangpalab-og kenkuana nga iti
linteg ket awan kenkuana iti manangisalakan ken Messias. Awan ti Messias
manipud kadagiti lib-libro iti linteg. Kayat na garud a sawen a kadagiti mayat
a sumurot kenni Jesus ket masapul a ballasiwenda iti binallasiw ni Jesus nga
agturong iti kinahustisiya kadagiti amin a pinarsua, ket masapul nga ayatenda
iti kaarrubada, nga isu met iti panagayat iti Dios.
Iti panang-ngeddeng ni Jesus kadagiti Fariseo ket kas met laeng iti
pang-ngeddeng iti iglesia dagitoy a panawen. Ti panagayat tayo iti kaarruba
tayo a kas iti bagi tayo, ket kas iti iglesia a masapul na met garud iti maki-raman
wenno makimaymaysa kadagiti sab-sabali nga iglesia ken uray kadagiti sabali a
relihiyon ken kadagiti adda a kadduada iti lugar a pagnanaedanda. Babaen iti
pannakimaymaysa tayo iti tunggal maysa, pudno a maibiag tayo iti panagayat tayo
iti Dios babaen iti aramid tayo. Ti aramid dagiti pudpudno a kumunidad ket isu
panagayatda iti kaarruba da ken iti panagsebi da iti tunggal maysa. Iti
panagtultuloy iti panagdalyasat ni Jesus nga agturong iti krus, maawatan tayo
nga iti panagi-innayat tayo iti tunggal maysa, panangisuko iti kadagiti bukod
tayo a panggep maigapu iti pagayatan ni Kristo nga isu iti panagsakripisiyo
gapu iti ayatna, masarakantayo met ti pudpudno a kinasiasino tayo.
Central Ideas
· Ti ayat ket isu iti kangrunaan a prinsipiyo iti nakristianuan nga
adalan:
panagayat iti Dios, panagayat iti kaarruba. Ti ayat ket awan iti beddengna.
· Ti maysa nga adalan nga agayat iti Dios ket masapul a sisasagana a mangiyud-udi
kadagiti agpaay iti bagina wenno bukodna nga interes tapno agserbi iti sabali. Napateg
a kankanayon tayo a laglagipen iti panagayat tayo iti kaarruba tayo a kas iti
bagi tayo.
· Ti Misyon ket isu iti sungbat iti ayat iti Dios kadatayo ken isu met iti
pammaneknek tayo iti panagayat tayo iti Dios. Ti Misyon ket isu iti panagyat
tayo iti kaarruba tayo.
