Third Sunday of Advent (Peace)
Isaiah 61:1-4, 8-11
Prelude
Carol of the Season
“Hard!
The Herald Angels Sings” CCS 423
Welcome
Kablaaw iti nagan iti
Kappia. Natiptipon tayo iti daytoy maikatlo a dominggo iti adbiento kas
maymaysa a kongregasyon manipud iti naduma-duma a paset ti lubong. Agpit-pitik
dagiti puspuso tayo, iti maymaysa apitik iti Shalom. Sapay koma nga agtultuloy
tayo iti intayo panagdalyasat iti daytoy a panawen iti adbiento, saan laeng nga
iti pannakaadda kadatayo iti inanama iti kinakappia gapu iti intayo pannagna
iti nasantoan, ngem ketdi addaan tayo met koma iti inanama nga iti
pannakaiyanak kadatayo iti maysa nga ubing ket agpaay a bendisyun kadagiti isu
amin. Kablaaw kadatayo iti nagan ni Jesu-Kristo.
Songs of Gathering
Call to Worship Responsive Reading
Leader: Ania iti naimbag
a damag?
Congregation: Ti pudno a
silaw a manglawag iti isu-amin ket umayen ditoy lubong!
Leader: Ket mapno dagiti
bibig tayo iti katkatawa!
Congregation: Naindaklan
dagiti aramid ti Apo kadatayo, agrag-o tayo.
Leader: Sapay koma a
dagiti nagapit iti lulua ket agpukkawda iti rag-o da.
Congregation: Naindaklan
dagiti aramid ti Apo kadatayo, agrag-o tayo.
All: Intayo ipaay iti
naimbag a damag!
-
From Psalm 26 and John 1, adapted
Song of Invitation
Invocation
Response
Lighting of the Advent Candle of Peace
Testimony
of Peace
Scripture Reading: Isaiah 61:1-4, 8-11
Song of Anticipation
Message: “Bring Good News”
Based on
Isaiah 61:1-4, 8-11
Song of Reflection
“Hope is
a Light” Stanza 2 CCS 398
Advent Reflection
Congregational Hymn
“Star-Child”
CCS 420
Prayer for Peace
Light the
Peace Candle.
Prayer
Yahweh
Shalom,
Iti inaldaw, adu kadagiti
tattao ditoy lubong iti addaan pannakabannog, pannakariribok ken pannakadadael.
Adu dagiti kasla saan a magawidan a paspasamak. Nu dadduma adda kadakami iti
panagsangsangit kadagiti bagbagimi, “Sadino iti ‘yan Mo kadagiti kakastoy a
gundaway O Dios?” Pagkalmaem kadagiti dagiti panpanunotmi ket mang-ngeganmi
dagiti panagpitik dagiti puspusomi.
Pause.
Iti panagkaykaysa dagiti
panagpitik dagiti puspusomi, palubusam kadi a mangngeganmi iti arasaas Mo a
kunaem, “Adtoyak. Addaa met laeng kadakayo iti sapsapulenyo a kappia.” Sika O
Apo iti Shalom. Tulungannakami a mailasinmi iti presensiyam kadakami.
Idalannakami iti panagsarita, aggaraw iti wagas iti panangipaay iti kinatalged,
mangipaay iti pannakaagas, mangsigged iti inanama ken mangidalan iti kinakappia
ket tapno agbalin a pagsamingan dagiti bibiagmi iti Prinsipe iti Kappia, iti
nagan ti ingkami pagkarkararagan. Amen.
Disciples’ Generous Response
Scripture
Reading: 1 Thessalonians 5:16-18
Statement
Iti daytoy a paset iti
intayo panagdaydayaw nga isu iti Disciples’ Generous Response, ket i-focus tayo
koma iti panangiyannatup tayo kadagiti puspuso ken tarigagay tayo iti puso ken tarigagay
iti Apo. Iti intayo panangipaay kadagiti daton tayo, usaren tayo koma daytoy a
gundaway a panangipakita iti panagyaman iti Dios kadagiti saan a marukod a
paraburna kadatayo.
Babaen iti intayo
pannakaawat nga iti parabur ti Dios ket ipapaayna nga awan iti aniaman
kasukatna, maaddaan tayo koma met iti panangibingay kadagitoy a sibubulos ken
siraragsak.
Song of Sending Forth
Sending Forth: Doctrine and Covenants 158:11a
Postlude
EXPLORING THE SCRIPTURE
Daytoy a paset ti nasantoan a surat ket napno kadagiti
agkakabileg nga imahe kadagiti saan nga umno wenno saan nga nasayaat nga
nagpagbalin a kusto, pannakaagas kadagiti nadadael, ken pannakawaya-waya iti
rag-o. Makatignay dagiti sarita wenno balikas a kas daniw iti pannakaisuratda. Dagiti
sarita manipud iti saan nga am-ammo “ambassador” addaan kadagiti nabileg a
mamagbalbaliw iti maysa a komunidad ken Yahweh – ti Dios Apo.
Ti Lenggwahe ti Espiritu nga aggar-garaw, ti lana ken
iti pannakaipaaruyotna mangipalagip kadagiti nabileg a sakramento ken simbolo
manipud iti nasantoan a surat iti daan a tulag,
nga isu iti agnanaed kadagiti puspuso dagiti tattao ni Yahweh. Daytoy a
komunidad ket isu iti umawat iti naimbag a damag iti pannakaisalakan,
pannakapasubli a maminpinsan iti maysa a komunidad.
Maysa a tema iti pannakaisalakan ken misyon a naiyabel
kadagiti teksto. Iti panangiladawan ni Isaias kadagiti nadumaduma a kasasaad
dagiti agsagsagaba ken maparparigat ket
isu met iti panangipaawatna iti kaipapanan iti misyon dagiti tattao iti Dios.
Ti panggep ti Dios ket isu koma iti pannakaisubli iti kinahustisiya nga isu met
iti pannakaisalakan ket pannakaagas ken pannakaan-anay iti lubong. Daytoy ket
maipanggep iti maysa komunidad saan laeng nga iti maymaysa nga indibiduwal.
Maysa a wagas iti panagbiag nga addaan panangilala kadagiti dadduma,
panangbirok kadagiti napukaw ken panangiyasideg kadagiti addaan kinarigat
babaen iti aramid nga addaan ayat, kinakappia, addaan tured a mangbalbaliw iti kadagiti
kultura ken ugalien nga mangmangted iti pannakadangran ken kinaawan iti
hustisiya.
Iti nabara nga
arakup iti agnanayon a Dios ken ti karina, ti aramid tayo nga addaan kinapudno,
babaen kadagitoy ket isu pagtaudan iti kinalinteg, pannakaagas, pannka-an-anay
ken pannakawaya-waya tapno maiparangarang iti lawag ti Dios babaen kadatayo a
kas maysa a komunidad a mangiparparangarang iti panagsubli ti Dios ken iti panagarina
nga addaan kina-hustisiya ken kappia.
Iti daytoy a panawen iti Adbiento, iti intayo
panagsagsagana iti pannaka-iyanak ni Jesus, kas iti umuna a paset iti Isaias 61
nailanad iti maysa a kapatgan a banag nga mainaig iti misyon ni Jesus a kas met
laeng iti nailanad iti libro iti Lukas 4:18-21. Kas iti pannakaiyanak ni Jesus
ket isu met iti pannakaipaay ti baro a tulag ken pannakabalbaliw dagiti nakasanayan
a sursuro ken adal babaen kadagiti nailanad manipud iti Isaias 61:1-11.
Ti karit ita kadatayo ket nu kasano nga maaddaan tayo
iti responsable a pannakaawat kadagitoy awan panagbalbaliwna a kinapudno a masarakan
kadagitoy a teksto a kas tattao ti Dios a mangibibiag iti misyon na babaen
kadagiti aramid iti pannakaisalakan iti daytoy a gundaway ken iti daytoy a
disso.
CENTRAL IDEAS
1. Ti
naimbag a damag manipud iti sirmata iti Dios ken iti misyon na ket isu iti
pannakaipaay iti maysa a sistema a mamagbabaliw iti narak-raken a lubong nga
awan hustisiya ken napno iti panagsagaba.
2. Ti
ayab ti Dios kadatayo tapno makipaset iti misyon a makita tayo koma ti lubong a
silalawag kadagiti saan a naikalintegan a mapaspasamak ken ar-aramid nangruna
iti pannakaibilang iti tunggal maysa.
3. Ti
naimbag a damag iti pannaka-isalakan ket isu iti kangrunaan iti pannakapasubli a
kas pannakaagas ken pannakasubbot, pannakapasalun-at, ken iti naimbag a relasyon
tayo iti Dios, kadagiti bagbagi tayo, kadagiti sabsabali, iti daga ken kadagiti
isu-amin a parsua.
QUESTION TO CONSIDER
1. Ania
dagiti banbanag a makitam iti komunidad nga ayanmo, iti kaarrubam, iti pagiliam
a kas aramid iti kina-awan hustisiya?
2. Kasano
ngata a dagiti kari iti Dios ket mangipaay iti inspirasyon kadatayo iti
pannakabalbaliw iti congregasyon tayo wenno kadagiti kakabsat tayo iti agduduma
a dinominasyon iti panamati iti Dios?
3. Kasano
nga iti ayab iti Dios kadatayo ket balbaliwannatyo tapno mapalubusan iti
panagtrabaho iti Ispiritu kadatayo ket agbalintayo a kas gubuwayan iti kappia
ditoy lubong?
4. Ania
iti kaipapananna kadatayo iti panagbalin tayo a kas tattao iti Dios iti daytoy
a panawen ken lubong tayo?
