LECTIONARY RESOURCES (Year A)

Year C Lectionary (previous)

January 2026

Panangbaliw ti Kinaleddaang iti Kinarag-o
Second Sunday after Christmas Day
4 January 2026

Jeremiah 31:7-14 

7Kuna ni Yahweh, “Kantaanyo a sirarag-o ti Israel, ti kangrunaan kadagiti nasion. Ikantayo ti  pagdaydayawyo ket kunayo, ‘Insalakan ti Apo dagiti tattaona; inispalna dagiti amin a natda iti Israel.’ 
8Alaekto ida manipud iti amianan; yawidkonto ida manipud iti pungto ti daga. Kumuyogto kadakuada dagiti bulsek ken dagiti pilay, dagiti inna ken dagiti dandani agpasngay. Dakkeldanto a nasion nga agsubli. 9Agsangsangitto dagiti tattaok nga agsubli; agkarkararagdanto bayat ti panangyawidko kadakuada. Iturongkonto ida kadagiti agay-ayus a danum; nasimpa a dalan ti pagnaanda tapno dida maitibkol. Siak ti pannakaama ti Israel, ket ni Efraim ti inauna nga anakko.” 10Kuna ni Yahweh, “Dumngegkayo kaniak, dakayo a nasion, ipakaammoyo ti saok kadagiti adayo a purpuro. Winarawarak dagiti tattaok ngem ummongek ken bantayakto ida a kas iti panangaywan ti agpaspastor iti arbanna.
11Winayawayaak dagiti Israelita, ket inispalko ida iti pannakabalin ti napigsa a nasion. 12Umaydanto agkanta a sirarag-o iti tapaw ti Bantay Sion. Maragsakandanto kadagiti sagsagutko a trigo, arak, ken lana, kadagiti karnero ken kadagiti baka. Kasdanto hardin a nasayaat ti pannakasibogna, addanto aminen a masapulda. 13Agsalanto dagiti babbalasang ket agragsakdanto; dagiti babbaro ken dagiti lallakay agrag-odanto. Liwliwaekto ida ket agbalinto a rag-o ti leddaangda, agbalinto a ragsak ti ladingitda.
14Pennekekto dagiti papadi iti naimas a taraon, ket dagiti tattaok mapnekdanto iti imbag nga ipaayko kadakuada. Daytoy ti sao ni Yahweh.”

Exploring the Scriptures

Ni Jeremias ket maysa a propeta manipud iti ammianan a paset iti pagarian ti Israel (a no maminsan maaw-awagan iti Efraim) idi panawen iti Babilonia. Dagidi tattao a nabalud idi idiay Babilonia ket kailiwda unay iti makaawid ken makasubli idiay Israel. Dagitoy a tattao idi ket ipapan met ni Jeremias a dinusa iti Dios ida gapu iti saanda a panagtulnog iti Kenkuana. 

Iti nabayag a panawen, patien dagiti tattao nga inted ti Dios kadakuada ti daga iti Israel ken Juda kas paset iti pannakitulag ti Dios kadakuada. Mainaig iti daytoy a daga iti pakabigbigan kadakuada. Patienda pay nga paset ti Dios daytoy a daga. Isu a narigat unay kadakuada iti pannakapatalawda manipud ito daytoy a daga. Naisinada iti daga a kas pagtaenganda ken kadagiti ay-ayatenda iti biag. Panagriknada ket awanen kadakuada iti panangiwanwan ken panangikanawa ti Dios, a ti ammoda ket adda laeng daytoy a banag iti beddeng ti daga ti Israel ken Juda. Ngem ti pannakadadael ken pannakaidadanes ken iti pannakapatalawda ket saan met nga isu iti nagpatenggaan iti sao ti Dios. Iti kapitulo 30 - 32 iti Jeremias, masarakan ditoy dagiti sasao maipapan iti inanama. Imbilang dagiti iskolar daytoy a kas Libro iti Pannakaliwliwa wenno Libro iti Konsolasyon. Ti paset iti nasantoan a surat para iti daytoy nga aldaw ket addaan kadagiti makaliwliwa a sasao. Daytoy a naibasa ket naglaon kadagiti pamatalged kadagiti tattao nga urnongento ti Dios dagiti Israelita tapno isublina iti bukodda a daga. Addanto dagiti panagrambak ken panagyamanda.  

Ania ngatan a pannakaliwliwa iti nariknada idi mangngeganda dagiti sasao manipud ken Jeremias! Isubli ti Dios ida iti bukodda a daga! Tarabayanna ida a kas panangtarabay iti maysa a pastor kadagiti aywanna. Aywananto ti Dios ida "dagiti bulsek ken dagiti pilay" dagiti masikog (v.8). Nalabonto ti apitda ken bendisyon ti Dios kadakuada, agbiagdanto a kas iti nadam-eg a daga, adunto ti danom. Anian a kari ti Dios iti katinggaan iti desyerto! Baliwan ti Dios dagiti leddaangda iti panagsasala ken ladingitda iti kinarag-o. Daytoy iti masakbayan a panpanunuten ti Dios para kadakuada. 

Kas mabasa kadagiti adda iti bersikulo 11: ispalen ken isalakan. Dagitoy a sasao idi ket kayatna a sawen maipapan iti panangbayad iti utang tapno mapasubli iti sanikua wenno tapno mawayawayaan dagiti nailako a tagabu gapu ta saanda a kabaelan a bayadan iti utangda. Dagitoy a sasao ket inusar ni Jeremias tapno ipakita kadagitoy nga Israelita nga addada iti biang iti Babilonian. Ket agbayad ti Dios tapno laeng maisublida iti pagtaenganda gapu ta ay-ayatenna ida a kas iti panagayat iti maysa nga ama iti inauna nga anakna (v.9)

Iti intayo panangbasa kadagitoy a bersikulo ita, dagiti imahe iti kinawadwad ken isusubli iti pagtaengan ket isuda dagitoy iti kari iti inanama. Sinno kadi kadatayo saanna pay napadasan iti naiyaw-awan iti dalanna a nagkatang-katang nga immadatayo iti pudpudno a pagtaenganna nga isu iti puso ti Dios? Adda dagiti gundaway a kasla napagtalaw tayo ket addatayo iti daga a saantayo nga am-ammo. Uray dagiti makuna a napudno iti pammatida, adda dagiti gundaway a kasla adayo ti Dios kadakuada, adayoda iti daga a napnoan bendisyun ken kinawadwad. Ngem iti sirmata iti namnama ket pudno! Addanto aldaw iti isusubli iti pagtaengan ken ti daga a naikari ket mapasubli. Napigpigsanto manen iti bileg ti Dios ngem kadagiti pwersa iti pannakasina-sina. Aniaman dagiti adda a kinarigat iti panagbiagtayo, a kas kadagiti Israelita, agrag-o tayo iti kinaimbag ti Dios. Adda iti Nasantoan nga Amatayo a mangay-ayat unay kadatayo (see v.3)

Central Ideas

  1. Ti Dios adda kadatayo sadinoman iti ayantayo, uray no iti panagriknatayo ket pinanawantayo ken inadaywantayo isuna. 
  2. Uray kasano ti kaadayo iti panagkatang-katangtayo wenno iti pannakapukawtayo, isublinatayonto ti Dios iti pagtaengantayo.
  3. Ti panagayat ti Dios kadatayo ket awan pagpatinggaanna, ayatna a saan tayo kabaelan nga ammoen wenno maawatan ken rukuden. 
  4. Ti masakbayan ti Dios ket isu iti panangisublina kadagiti am-amin ket agraksaktayonto iti pagarianna nga insaganana kadatayo. 

Questions for the Speaker

  1. Kaano nga iti panagriknam ket napagtalawka ket addaka iti daga a saanmo nga am-ammo?
  2. Kasano iti pannakaulit-ulit iti panangiyawid kenka iti Dios iti pammati, tulag ken pannakapakawan?
  3. Ania iti mabalintayo nga aramiden tapno mabalintayo iti makipaset iti panangisubli ti Dios ken panangpabaruna kadagiti napagtalaw nga adda iti aglawlawtayo?

December 2025

The Promise of Peace
Ti Kari iti Kappia

Isaiah 11:1-10

Ti Natalna a Pagarian

1Addanto saringit a tumaud iti puon ni Jesse. Manipud iti ramutna, addanto sanga nga agbunga. 2Ti Espiritu ni Yahweh ti mangted kenkuana iti kinasirib, pannakaammo ken kabaelan a mangituray kadagiti tattaona. Maammoannanto ti pagayatan ni Yahweh ket agbuteng kenkuana 3ken maragsakanto iti panagserbina.

Saanna nga ibatay ti panangukomna iti makita wenno mangngegna. 4Nalintegto ti panangukomna kadagiti napanglaw; salaknibannanto ti kalintegan ti awan gawayna. Agbilinto ket madusa ti daga; matayto dagiti managdakdakes a tattao. 5Iturayannanto dagiti tattaona iti kinalinteg ken kinatakneng. 6Aglalangento a sikakappia dagiti lobo ken dagiti karnero. Agkakaiddanto dagiti leopardo ken dagiti urbon a kalding. Dagiti urbon a baka ken urbon a leon agkakapangandanto, ket babassitto nga ubbing ti mangaywan kadakuada. 7Agkakapanganto dagiti baka ken oso: agkaiddanto a sitatalna dagiti urbonda. Manganto dagiti leon iti garami a kas kadagiti baka. 8Ti maladaga awanto ti pakaan-anoanna uray no agay-ayam iti asideg ti karasaen. 9Idiay Sion a nasagradoan a bantay ti Dios, awanto ti agdangran wenno agdadael. Kas iti panagsaknap ti danum iti baybay, agsaknapto iti daga ti pannakaammo ken ni Yahweh.

Agsubli dagiti Tattao a Napagtalaw iti Dagada

10Iti dayta nga aldaw, maibayogto ti ramut ni Jesse ket maibilangto a pagilasinan dagiti nasion. Aguummongdanto iti naarian a siudadna ket ipaaydanto ti pammadayaw kenkuana.

Exploring the Scripture

Daytoy paset iti nasantoan a surat manipud iti daan a tulag para iti daytoy maikaddua a dominggo iti adbiento ket nairugi babaen iti pannakapulot iti maysa nga ari manipud iti kapututan ni David. Naitultuloy babaen iti pannakailatak iti maipapan iti pagarian ti Dios.

Ti kayat a sawen ti Mesias ket “napulotan” iti Hebreo. (Iti Griego, ti “napulotan” ket Christos, ken iti Ingles, ni Kristo.) Iti pakasaritaan iti pagarian iti Israel ken Juda, amin dagiti nagbalin nga ari ket napulotan kas maysa a Mesias. Kadagiti pakaistoryaan, mabigbig ken maidaydayaw ni David nga isuna iti namagkaykaysa kadagiti 12 a tribu tapno agbalin a maymaysa a nasyon. Kas mabasa iti 2 Samuel 7:9-16 naisurat iti panagkari ti Dios kenni David: “Pagbalinenka a nalatak a kas kadagiti katan-okan nga agtuturay ditoy lubong… Pagpautekto ti pagariam…”

Idi insurat ni Isaias dagiti umuna a sarita iti Isaias 11:1-5, mabalin nga insuratna daytoy a kas panangidaydayaw ken pananginanamana iti sibibiag nga ari, a mapulotanto – mabalin a ni Hezekiah. Iti panangsirmatana, daytoy nga ari iti masangwanan ket addaan iti kadagiti talugading iti Espiritu: kinasirib, pannakaawat, pannakaammo, kinapigsa ken addaan panagbuteng iti Apo. Daytoy nga ari ket iyegna iti hustisiya kadagiti marigrigat, pannakapada-pada kadagiti maidaddadanes ken kinapaudno iti Dios. No daytoy nga ket insurat ni Isaias para kenni Hezekiah, daytoy a namnamana wenno sirmatana ket saan a natungpal. Daytoy iti ninamnama dagiti Israelita manipud kadagiti nagbalina pangulo manipud iti kapututan ni David, ngem masansan a mapaayda iti daytoy. Ket idin a natayen iti maudi nga pangoloenda manipud iti kapututan ni David, daytoy a surat ket naipatarus a kas maysa a propesiya a matungpalto iti masakbayan.

Kadagiti Kristiano ni Kristo ket maibilang a pinakasentro iti pakaistoryaanda. Sakbay ti panawen ni Jesus, nagsagsaganan ti lubong iti iyaayna. Kalpasan iti ipapatay ken panagungarna, nagbalin a debotado dagiti pasurotna iti panangipatulpalda iti baro katulagan gapu ken Kristo. Ket maibilang idi a kas propesiya ti daan a tulag a maipapan ken Kristo. Kadatayo mabalin nga adda pannakaklaattayo no apay saan a bigbigen dagiti Judio ni Jesus kas maysa a Messias. Laglagipentayo nga adda dagiti naduma-duma a pannakaipatus ken pannakailadawan idi iti maipapan iti Mesias a nagtaud kadagiti naduma-duma a propeta. Dagitoy a sasao manipud iti Isaias ket makatulong kadagiti nagkauna a judio tapno maawatanda iti maipapan iti iyaay ti Mesias, ngem maymaysa laeng iti imparang ni Isaias nga imahe iti Mesias manipud kadagiti dadduma pay. Nupay ti mannurat iti naimbag a damag ket patpatalgedanna a ni Jesus ket nagtaud iti puon ni David, a saan met a maitutup iti namnamaen dagiti judio a kinasiasino ti Mesias.

Manipud iti bersikulo 6-9 napalawa iti pannakaidaydayaw ti ari kas maysa a namnama iti pagarian ti Dios. Maysa a kabaroan a kappia a mangisubli iti kinabalanse ken kaawan iti kinaranggas kadagiti amin a parsua. Saanen nga agririnnanggas wenno agpipinnatay dagiti ayup. Uray dagiti maladaga wenno ubbing ket awan iti pagpeggadanda. Makitatayo nga iti Leon, ti ubing ken ti karnero ket isu iti nakaibasaran iti seal wenno logo iti Iglesia tayo. Ket iti bersikulo 10, ti sirmata ket maipapan iti natalna a pagarian ti Dios nga ti arina ket agtaud iti puon ni David na manamnama iti panangkaykaysana kadagiti amin a nasyon para iti Zion.

Ti sirmata ti Dios ket maawan iti kaipapananna no daytoy ket maysa laeng a simbolo wenno pangngarig nga awan iti pakaibasaranna iti pudpudno a lubong. Agbalin laeng a napaypaysa iti pagarian ti Dios no agkaykaysatayo kadagiti aramidtayo nga agpaay iti pagayatan ti Dios. Iti panangikagumaantayo a mangibiag kadagiti sursuro ni Kristo ken iti pagayatan ti Dios kadagitoy a panawen ken iti kadagiti luglugartayo, makita iti pagarian ti Dios iti inaldaw. Ti pagarian balbaliwan ken agasannatayo babaen iti kinakappia ken kinahustisiya. Ti sursuro ni Jesus ken iti ministeryona kadagiti marigrigat, ket makita tayo nga isu iti rugi iti pannakatungpal dayta a pagarian. Ti panagari ti Dios ket agtultuloy iti panangipaayna iti inanama ken karina iti tunggal panawen iti Adbiento iti intayo panagpaspasungad iti iyaay ni Kristo.

Cetral Ideas

  1. Ipakpakita ni Isaias iti sirmatana maipapan iti maysa nga ari ti Israel nga addaan kadagiti sagot ti Espiritu: kinasirib, pannakaawat, panangbagbaga, mabalin a kinapigsa, pannakaammo, ken addaan iti panagbuteng ti Apo.
  2. Pagaammo ni Isaias nga ti ari ket mangted iti kinahustisiya kadagiti napanglaw, pannakapada-pada dagiti maidaddadanes, ken kinapudno iti Dios.
  3. Karaman iti sirmata ni Isaias maipapan iti ari iti masangwanan, inladawannapay iti maysa a pagarian nga addaan kinatalna a kas sirmata iti pagarian ti Dios ditoy daga.
  4. Nupay iti pannakaawat tayo iti surat ni Isaias ket maipapan iti idadateng ti Mesias, saan a dagus wenno saan a kinasapulan a makita dagiti Judio a ni Jesus iti nakatungpalan daytoy a propesiya.

 

Question for the Speaker

  1. Kasano iti panangiladawanmo iti kababalin iti maysa nga ari? Kasano iti panangidiligmo daytoy iti ari nga iladladawan ni Isaias?
  2. Kasano iti panangaramidtayo iti pagarian nga addaan kinakappia a kas iti sirsirmataen ni Isaias?
  3. Ania iti pannakaawatmo iti selyo iti Iglesia tayo (leon, karnero ken ti ubing) a kas simbolo? Apay a napateg kenka daytoy ken iti Iglesia?
  4. Ania a panagsagana iti ar-aramidem iti yaay ti Mesias iti biagmo iti daytoy a panawen iti Adbiento?

Popular posts from this blog

Stand Firm in The Lord

Image
  Prelude Share, Care, Announcements, and Bible Sharing Praise: 645 The Trees of the Field Welcome and Lent Reflection Tayong lahat ay nagtipon-tipon sa sa araw na ito bilang isang komunidad ng mga Kristiyano upang magpatuloy sa ating paglalakbay sa panahong ito ng kuwaresma. Sa araw ding ito inaalala natin ang ika-59 taon ng pagkakatatag ng Community of Christ dito sa Pilipinas. Isang pagkakataon upang pasalamatan ang Diyos sa kanyang patuloy na paggabay at pagpapala sa kanyang simbahan sa paghahayag ng Magandang Balita. Ito ay isang anibersaryo sa matagumpay pamamahayag at sa patuloy ng pagtawag ng Diyos sa atin na ang Misyon ni Kristo ay ang Misyon Natin. Ang panahong ito ng kuwaresma ay isang pagkakataon upang tayo ay magnilay, at magsisi sa ating mga kasalanan at pagkukulang sa Panginoon. Ito ay isang pagkakataon na maaari nating sundan ang pag-aayuno ni Hesus sa loob ng apatnapong araw kung saan siya’y tinukso sa disyerto. Sinimulan natin ang ating sama-samang i...
Read more

Love Is…

Image
  Prelude Welcoming Hymn: 142  APO CUCUANAC Welcome, Joys, Concerns and Sharings Call to Worship and Responsive Reflection: 1 Corinthians 13:4-7 Leader : Ang pag-ibig, madaling sabihin pero mahirap isabuhay. Mula sa salita, mahabang lalakbayin para sa gawa. All:   Ang taong may pag-ibig ay mapagtiis, mabait, hindi marunong mainggit, hindi hambog o mapagmataas, Hymn: “Now Sing to Our God”     CCS  108 Invocation Response/Music Ministry PRAYER FOR PEACE Light the peace candle. Peace Prayer Espiritu ng nagmamahalang komunidad, Salamat sa komunidad na biyaya Mo sa amin! Komunidad na makapangyarihan. Isang komunidad na nagsasama-sama upang alamin ang Iyong kalooban at mga salita na maaaring magdulot ng magagandang pagbabago. Isang komunidad na maaari din namang itaboy ang iba, itaboy ang mga naturingang naiiba sa amin, itaboy ang mga nananakit sa amin. Tulad ni Jesus, itinaboy ng mga naturingang nag-aaral ng Iyong mga sal...
Read more

The Promise of Peace

Image
Ti Kari iti Kappia Welcome Ito ang pangalawang linggo ng Adbiento at sa araw na ito ang ating focus ay ang kapayapaan. Ang ating banal na kasulatan ay mula sa aklat ng Isaias na kung inilalarawan nito ang ilang mga hayop na payapang nagsasama-sama kasama isang bata. Ipinapaalala sa atin nito ang ating logo o seal sa Community of Christ na binubuo ng isang imahe ng leon, karnero at ng isang bata na may salitang kapayapaan “peace” isa ibaba nito. Patuloy na ang focus ng Community of Christ ay ang kapayapaan. Ang pagpupursigi para sa kapayapaan (Shalom) ay isa sa mga Enduring Priciples nito. Ipinapaalala nito sa atin na kailangan nating kumilos at magbahaginan sa kapayapaan ng Diyos at sa isat-isa. Ninanais natin ang isang mapayapang mundo para sa lahat ng tao. Pinapaalalahanan tayo sa araw na ito na magpatuloy sa pasusumikap na maging taong mapayapa na ibinabahagi ang kapayapaan ni Jesu-Kristo sa iba. Scripture Reading: Isaiah 11:1-10 The Peaceful Kingdom (Divide the scriptures fo...
Read more