God Is at Work

Additional Scriptures :

Exodus 17:1-7; Psalm 78:1-4, 12-16; Matthew 21:23-32; Doctrine and Covenants 164:4b-c

Prelude

Welcome

Ita nga aldaw, iti intayo panagdadayaw a sangsangkamaysa iti daytoy a lamisaan ti Apo, maawis tayo…

…tapno panunutentayo koma dagiti pakasaritaan ti panagpammati dagiti dadduma.

…tapno laglagipentayo iti panagtrabaho ti Dios kadakuada.

…tapno agbabawi tayo babaen kadagiti karkararagtayo, ket sapulentayo tayo koma iti kinakappia.

… tapno masarakantayo koma iti pannakapabaro babaen iti Sakramento iti komunyon.

…tapno agrag-o tayo ditoy lubong.

…tapno mapabaro ti karitayo, ket mabendisyunantayo koma a mapan mangiwaragawag iti naimbag a damag.

Call to Worship: Psalm 78:1-4

¹Dakayo a tattaok, dumngegkay iti daytoy pannursurok, ket ipamaysayo nga allingagen ti innak isao. ²Pangngarig ti innak aramaten; ilawlawagko dagiti palimed idi ugma, ³dagiti nangngeg ken naammoantayo

nga imbaga dagidi ammatayo. ⁴Ditay ilimlimed ida kadagiti annaktayo, no di ket isaritatayo kadagiti kaputotan a sumarsaruno ti pannakabalin ken naindaklan a gapuanan ti Apo,

agraman dagiti nakaskasdaaw nga aramidna.

Hymn of Faith Story: “God of the Ages” CCS 7

Invocation

Response

A Moment of Story: Maawistayo a mangibingay iti pakasaritaantayo no kasano a nariknatayo iti bendisyon ti Apo iti naglabas a dominggo.

Share Story through Singing: 165  SARITAEC A SIAYAT NI HESUS A NASLAG

Prayer for Peace

            Light the Peace Candle.

            Prayer

O Dios nga agtultuloy iti panagtrabahona kadagiti sangaparsuaan,

agkaykaysa dagiti puspusomi iti daytoy a kararagmi para iti hustisiya ken kappia kadagiti bibiagmi ken iti daytoy a lubong. Napnapno dagiti damdamag wenno pagiwarnak kadagiti banbanag nga awan man laeng pakainaiganna iti sirmatam maipapan iti Shalom.

Wen, no dadduma mariribuk kami kadagitoy nga istorya. Ken no dadduma sikami mismo ket makatubeng kadagiti kayatmo a maaramid ditoy lubong. Ket ita, idadawatmi iti pamawakan ken paraburmo kadakami bayat iti ingkami pannakipaset iti sakramento iti komunyon.

Diyos to amin a kaputotan, Ikkannakami koma iti tured a mangibagi iti kappia, ken mangitrabaho kadagiti aramidmo kadagiti pampamilyami, kadagiti siyud-siyudad ken iti sangalubungan. Idalannakami kadi iti nasantoan no kasano iti panangammomi no kasano ken no sadino iti mabalinmi a pakaaramidan iti positibo a pannabalbaliw ti panagbiag ken panagserbimi.

Palubusam kadi a babaen kadagiti sasaomi ket maipaduyakyakmi ti anakmo ken maiwaragawagmi ti komunidad iti rag-o, namnama, ayat ken kappia. Sapay koma nga dagiti aramidmi ket isu iti pakakitaan iti pannakaam-ammomi iti kinasiasinom a kas met laeng iti panagtrabahomi iti hustisiya ken panangibingaymi iti kappia ni Jesu-Kristo. Itdem kadi kadakami iti kinatured ken inanama no mariknami iti panagbuteng ken pannakaupay.

Iti nagan ni Jesus a napnoan kappia daytoy iti kararagmi, Amen.

Communion

Communion Scripture Reading: Matthew 26:26-29

²⁶Idi mangmanganda, nangala ni Jesus iti tinapay, nagyaman iti Dios, ket pinisina sana inted kadagiti adalanna. “Alaenyo daytoy ket kanenyo,” kinunana. “Daytoy ti bagik.”

²⁷Kalpasanna, nangala iti kopa, nagyaman iti Dios, sana inyawat kadakuada. Kinunana, “Uminumkayo amin iti daytoy; ²⁸daytoy ti darak a mamatalged iti tulag ti Dios, ti darak a naibuyat nga agpaay iti adu a tao, tapno mapakawan dagiti basbasol. ²⁹Ibagak kadakayo: Diakto uminumen iti arak ti ubas agingga iti dayta nga aldaw a pannakiinumko kadakayo iti baro nga arak ti ubas idiay Pagarian ni Amak.” 

Scripture Reading: Philippians 2:1-13

Communion Message:

Hymn of Preparation: 140  ITDEM TI TINAPAY TI BIAG

Invitation to Communion  

Amin ket maawis iti lamisaan ni Kristo. Ti panangrabii ti Apo wenno Komunyon ket maysa a sakramento ti pananglaglagip ti biag, ipapatay, panagungar ken agtultuloy a presensiya ni Jesu-Kristo. Iti Community of Christ, daytoy ket maysa nga oportunidad iti panangpabaro iti bautismo ken pannakitulag tayo kas maysa nga adalan a mangibiag iti misyon ni Kristo. Maawis tayo ngarud amin tapno aramiden tayo babaen iti ayat ken kappia ni Jesu-Kristo.

Blessing and Serving of the Bread and Wine 

Ministry of Music or Congregational Hymn

Disciples’ Generous Response

            Statement 

Iti daytoy a gundaway ket isu manen iti inatyo panangipaay kadagiti daton tayo a kas panagyaman tayo iti Dios gapu kadagiti paraburna kadatayo. Maawis tayo tapno iyannatup tayo koma dagiti puspusotayo iti puso ti Apo.

Ti Local tithes nga ipapaay tayo ket pagaammotayo a daytoy ket agpaay kadagiti pakasapulan iti local wenno kongregasyon tayo, ket ti Worldwide ken Mission Center Mission Tithes tayo ket isu met iti agpaay a suportatayo iti misyon ti iglesia iti sangalubungan ken ti pakabuklan ti iglesia tayo ditoy Pilipinas. Kasta met a babaen iti nabukel a panggep manipud iti field tayo ditoy Pasifikasia a kadduatayo dagiti dadduma pay a mission center, maawis tayo koma mangibingay iti kontribusyon tayo nga agpaay para iti Seeds of Hope nga isunto iti mabalin a paggapoan iti maipaay tayo a supporta para iti Bridge of Hope nga obligasyon tayo iti sangalubungan nga iglesia tayo. Kasta met nga iti tunggal umuna a dominggo iti kada bulan ket isu met iti panangipaay tayo iti focus tayo kadagiti daton tayo tapno agpaay koma iti Oblation Fund iti iglesia tayo a nairanta tapno mausar iti pannakaisayangkat iti maysa kadagiti Mission Initiatives iti iglesia tayo nga “Abolish Poverty, End Suffering”. Amin dagitoy ket maymaysa a simbolo iti intayo panagyaman iti Dios gapu iti kinaimbagna kadatayo iti inaldaw. Sapay koma nga usarentayo daytoy a gundaway tapno agyaman iti Dios nga isu iti pagtataudan iti isu-amin nga adda kadatayo.

Blessing and Receiving of Local and Worldwide Mission Tithes 

Closing Hymn: 32 NI JESUS NAIMBAG A GAYYEM

Prayer of Blessing

Response

Sending Forth

Remember “…it is God who is at work in you, enabling you both to will and to work for his good pleasure” (Philippians 2:13). Go and join wherever you find God at work!

Postlude

 

32 NI JESUS NAIMBAG A GAYYEM
(Oh, The Best Friend)

 Ni Jesus naimbag a gayyem,
Rigat dinacanto baybay-an.
Ladingit punasenna,
Gracia, pigsa itdenna,
Caimbagan a gayyem ni Jesus.

Coro:
Ti caimbagan a gayyem,
Ni Jesus awan sabalin,
Tumulong no matuangca,
Dumngeg no umawagca,
Caimbagan a gayyem ni Jesus.

Nagsam-it a gayyem ni Jesus,
Liwliwa ken talna itdenna,
Agsanggirac Kencuana,
Ni buteng dinto cumna,
Caimbagan a gayyem ni Jesus.

Uray ladingit iti umay,
Ken dalluyon a casta unay,
Diacto pulos umamac,
Mannubbot adda caniac,
Caimbagan a gayyem ni Jesus.

No dumtengtayton idiay gloria,
Matalec cadduatayto ida,
Agcantatayto idiay,
Canta a pagdaydayaw,
Caimbagan a gayyem ni Jesus.

140  ITDEM TI TINAPAY TI BIAG
(Break Though The Bread Of Life) Here at Thy Table, Lord CCS 517

 Apo itdem ti tinapay ti biag,
A mangtaraon itoy cararuac,
Cas pannaraon mo idi ugma,
Cadagiti tao immay kenca.

Bendicionam nasantoan a saom,
Tapno itdenna caniac taraon,
Tapno kinadakescot’ maikkat,
Ket talna ken ragsac maisucat.

Agtaengac cadi ita dennam,
Cas maysa cadagiti adalam,
Tapno ti sulisog pagballigiac,
Ta sicat’ mangisalacan caniac.

165  SARITAEC A SIAYAT NI HESUS A NASLAG

Saritaec siaayat, ni Jesus a naslag,
Glorianat’ ingget imnas awan ti umartap,
Sawec a siraragsac ta kinayawannac,
Ayatna di agrissat macapadpad.

Coro:
Amangan nagsayaat,
A maibunbunannag,
Nadalus a panagbiag,
Ni Jesus naayat.

Ingget sam-it Ayatna, natay gapu caniac,
Darana naibuyat, tapno naisalpac,
Ket itan mabalinac, kencuana mayarpad.
Gapuna diac mauma a mangicancanta.

Saanac a mamingga a mangibagbaga,
Nagdaccel nga ayatna, nagbasol a parsua,
Ta gaput’ panagbiagna damca inabacna,|
Ket itan awan duadua salacan nawaya.

Ragsakec a dengdenggen no masarsarita,
Ta uray nabayagen, isut’ pumatpateg,
Ta biagnat’ impatlina tapno masubbotnac,
Gapuna pagragsacac nga ibunbunannag.

 

7 God of the Ages

God of the ages, whose almighty hand
leads forth in beauty all the starry band
of shining worlds in splendor through the skies,
our grateful songs before thy throne arise.

Thy love divine hath led us in the past;
in every land by thee our lot is cast;
be thou our Ruler, Guardian, Guide, and Stay,
thy word our law, thy path our chosen way.

Refresh thy people on their toilsome way;
lead us from night to never-ending day;
fill all our lives with love and grace divine,
and glory, laud, and praise be ever thine.