Ministry
of Music
Welcome
Congregational
Singing
“Silent Night! Holy Night!” CCS
421
Invocation
First
Advent Candle Reading
Reader
1: Dagiti tattao a nagna iti kasipngetan nakitada ti lawag a nagpaidumat'
raniagna! Nagnaedda iti daga dagiti anniniwan ngem ita agraniag kadakuada ti
lawag.Naipasngay kadatayo ti maysa nga ubing! Adda ubing a lalaki a naited
kadatayo! Ket isunto ti mangituray kadatayo! Maawaganto iti, “Nakaskasdaw a
Mammagbaga,” “Mannakabalin a Dios,” “Agnanayon nga Ama,” “Prinsipe ti Kappia.”
Reader
2: Iti daytoy dana iti Adbiento, laglagipen tayo dagiti Propeta, a nangisar-sarita
iti yaay iti maysa nga ubing, ubing a saan nga inanamaen a mangisalakan
kadagiti tattao, maysa a mangibag-bagi iti Kinasanto kadagiti amin a sasantos,
ti baro a nagan ti Dios.
People:
Iti dalantayo nga aturong iti Adbiento, agyaman tayo kadagiti Propeta kadatayo,
a nangipaay kadagiti sirmata ken inanama, a mangkarkarit kadatayo iti
panagtultuloy tayo a mangsango kadagiti pannubok iti masangwanan tayo, a
nangipakita kadatayo iti masakbayan a di tay’ pay nakita.
Reader
1: Siggedan tayo iti umuna a kandila a mangisim-simbolo kadatayo kadagiti
propeta tayo a mangpab-pabaro kadagiti pammati tayo, iti kari iti inanama ken
mangipal-palagip kadatayo iti masakbayan.
Call
and Response Hymn
“Hope
Is a Light” CCS 398 Stanza 1 – Hope
Ministry
of Music by Children
Second
Advent Candle Reading
Reader
1: Iti dayta a paset ti pagilian, adda sumagmamano nga agpaspastor nga adda idi
iti away nga agbambantay kadagiti karneroda iti rabii. Nagparang kadakuada ti
maysa nga anghel ti Apo, ket sinilnagan ida ti dayag ti Apo. Napalalo ti
butengda, ngem kinuna ti anghel kadakuada, “Dikay agbuteng! Addaak ditoy a
mangyeg kadakayo iti naimbag a damag a pakaragsakanyo, wen, dakayo ken dagiti
amin a tattao. (Luke 2:8-10)
Reader
2: Iti dalan tayo nga agturong iti Adbiento, laglagipen tayo dagiti manangaywan
kadagiti karnero, dagiti agtrab-trabaho kadagiti katal-talunan tapno agpaay iti
pagsayaatan iti isu-amin, kadagiti katalek nga agmaymaysa, adayo kadagiti
pamilyada, kadagiti agtrab-trabaho kadagiti trabaho nga awan mayat a
mangaramid. Ti Dios makit-kitana amin ida, ay-ayaten ida iti Dios, ket ti Dios itdenna
iti damag ti kinarag-o kadakuada.
People:
Iti dalan tyao nga agturong iti Adbiento, agyaman tayo kadagiti agay-aywan
kadatayo, kadagiti ag-trab-trabaho iti
likudan ti pagillian tayo, kadagiti saan a madakdakamat ken saan tayo
nga am-ammo ken makit-kita, ngem gapu kadakuada addatayo iti nasayaat a kasasaad,
kadagiti adda a mangisur-suro kadatayo iti kaadda iti Dios uray iti kasip-ngitan.
Reader
1: Siggedan tayo iti maikaddua a kandila a mangisim-simbolo kadatayo kadagiti
tattao a kas kadagiti agay-aywan, kadagiti mangibagbagi iti Naimbag a Damag ken
iti maipapan iti manangisalakan iti lubong.
Call
and Response Hymn
“Hope Is a Light” CCS 398 Stanza 3 – Joy
Ministry
of Music by Youth group
Offertory
Statement
Ti pakasaritaan iti
naparabur nga adalan babaen iti kinaparabur ti Dios kenkuana.
Iti intayo panangibingay
kadagiti datontayo, panunutentayo koma iti daytoy a gundaway iti kaipapanan iti
panangipaaytayo. Mangipaaytayo manipud iti pudpudno a kabaelantayo babaen
kadagiti gundawaytayo (time), talento (talent), gamgameng wenno kinabaknang
(treasure) ken kadagiti pammaneknek ken Kristo wenno testimony (testimony).
Offering
Prayer
Receiving
of Offering
Congregational
Hymn
“Canticle of the Turning” CCS 404
How
Far Is It to Bethlehem?
Sharing of Response
· “Kasano
kaadayo iti Betlehem para kenka iti daytoy a panawen iti Christmas?”
· “Iti
daytoy a Christmas, kasano a sika wenno iti kongregasyon mo ket agbalin a Betlehem,
ti lugar a nakaipasngayan ti Mesias?”
Music
Ministry by Young Adult
Third
Advent Candle Reading
Reader
1: Kinuna ni Maria: “Toy pusok idaydayawna ti Apo, Ket agragsak toy kararuak
gapu iti Dios a Mangisalakan kaniak. Ta nalagipnak, siak a nanumo nga adipenna,
Ket manipud ita, awagandakto a nagasat dagiti amin a tattao, Gapu kadagiti
naindaklan a bambanag nga inaramid kaniak ti Mannakabalin a Dios. Nasantoan ti
naganna; (Luke 1:46-49).
Reader
2: Iti dalan tayo nga agturong iti Adbiento laglagipentayo ni Maria, nabileg nu
pay maysa nga inosente, sagrado nupay addaan panagbuteng, sidadanag iti inna
panangur-uray iti panagdakkel iti maysa a mannubbot kenkuana. Agkankanta a
situtured kadagiti gundaway a sidadanag; adda kenkuana iti pammati iti maysa a
mannakigubat iti panangaramidna iti paset iti daytoy a pakasaritaan; isuna iti
nakairuggian iti naisang-sangay a pannakabal-baliw tapno maitandudo ken
maitag-ay dagiti awanan ken adda iti baba.
People:
Iti dalan tayo nga agturong iti Adbiento, agyaman tayo kadagiti kas ken Maria
kadatayo, a situtured tapno rummuar kadagiti adda nga posisyunda tapno maipaay iti
kina-urnos; kadakuada saan nga inanamaen a nangirugi iti panangaramid kadagiti
kalikagum iti Dios; kadakuada a situtured a nagtutuloy iti ayat, ken
nangallukoy kadatayo tapno agbalin tayo met a kas kadakuada.
Reader
1: Siggedan tayo iti maikatlo a kandila a mangisim-simbolo kadagiti nabindisyunan
ken nangitandudo iti ayat.
Call
and Response Hymn
“Hope Is a Light” CCS 398 Stanza 4 –
Love
Responsive
Reading Luke 2:1 – 20
Leader:
Kadagidi nga aldaw, impaulog ni Emperador Augusto ti bilin a mailista ti amin
nga umili iti Imperio ti Roma.
People:
Iti kasta, napan ti tunggal maysa iti ilina tapno agpailistada.
Leader:
Agsipud ta nagtaud ni Jose iti kaputotan ni David, pimmanaw iti ili a Nazaret
idiay Galilea, ket napan iti ili a Betlehem idiay Judea.
People:
Kadua ni Jose ni Maria a naitulag nga asawaenna iti panagdaliasatna. Masikog
idi ni Maria a mangnam-nama iti panagpasngayna.
Leader:
ket idi addada idiay Betlehem, dimteng ti oras a panagpasngayna. Inyanakna ti
inauna nga anakna a lalaki ket binungonna iti lampin sana impaidda iti kulluong
ta awan pagyananda iti pagdagdagusan.
People:
Iti dayta a paset ti pagilian, adda sumagmamano nga agpaspastor nga adda idi
iti away nga agbambantay kadagiti karneroda iti rabii.
Leader:
Nagparang kadakuada ti maysa nga anghel ti Apo, ket sinilnagan ida ti dayag ti
Apo. Napalalo ti butengda, ngem kinuna ti anghel kadakuada, “Dikay agbuteng!
Addaak ditoy a mangyeg kadakayo iti naimbag a damag a pakaragsakanyo, wen,
dakayo ken dagiti amin a tattao. Ita nga aldaw, ditoy ili ni David, naipasngay
ti mangisalakan kadakayo—ni Cristo nga Apo! Daytoy ti pagilasinanyo:
masarakanyonto ti maysa nga ubing a nabungon iti lampin ken nakaidda iti
kulluong.”
People:
Pagammoan, adda dakkel a nailangitan a bunggoy a nagparang iti asideg ti
anghel. Ikankantada dagiti pagdaydayaw iti Dios: “Gloria iti Dios iti kangatoan
a langit! Ket ditoy daga, kappia ken talna kadagiti tattao a pakaragsakanna!”
Leader:
Apaman a nakapanaw dagiti angheles nga agsubli sadi langit, kinuna dagiti
agpaspastor iti maysa ken maysa, “Intayon idiay Betlehem! Intayo kitaen daytoy
napasamak nga impakaammo ti Apo kadatayo!”
People:
Nagdardarasda ngarud a napan. Nasarakanda da Maria ken Jose, ken ti ubing a
nakaidda iti kulluong.
Leader:
Idi makitada ti maladaga, sinaritada kadakuada ti imbaga ti anghel maipapan iti
ubing. Nasdaaw amin a nakangngeg iti impadamagda.
People:
Tinandaanan ken pinampanunot ni Maria amin dagitoy.
All:
Nagsubli dagiti agpaspastor a mangikankanta kadagiti pagdaydayaw iti Dios gapu
kadagiti amin a nangngeg ken nakitada. Napasamak ti amin kas imbaga kadakuada
ti anghel.
Music
Ministry by Adult
Fourth
Advent Candle Reading
Kadagidi nga aldaw,
impaulog ni Emperador Augusto ti bilin a mailista ti amin nga umili iti Imperio
ti Roma. Iti kasta, napan ti tunggal maysa iti ilina tapno agpailistada.
Agsipud ta nagtaud ni Jose iti kaputotan ni David, pimmanaw iti ili a Nazaret
idiay Galilea, ket napan iti ili a Betlehem idiay Judea. Idiay Betlehem ti
nakayanakan ni Ari David.
Iti dalan tayo nga
agturong iti Adbiento, laglagipen tayo ni Jose, nabanbannog iti panagdalyasatna,
a tapno maaramidna iti kasapulan nga aramidenna nga agserbi iti pamilyana, adda
a madagdagasenan iti kinakurapayna ngem addaan naisang-sangayan nga inanama iti
kari ti Dios. Awan lugar a mabalin nga agpaay kenkuana, ngem ammona nu siasino
iti pagtaenganna.
Iti dalan tayo nga
agturong iti Adbiento, agyaman tayo kadagiti Jose kadatayo, nga adda nga agdal-dalyasat
iti adayo manipud kadagiti pagtaenganda a gapu ta awan met mabalinanda, addada
nga naayat kadagiti ay-ayatenda, kadakuada a sitatalek iti inda panamati nga amin
ket addaan paglugaran iti natalna a pagarian ti Dios.
Siggedan tayo iti
maikapat a kandila a mangisim-simbolo iti Jose nga addaan kappia nga agtuktuk
kadagiti ruangan tayo.
Call
and Response Hymn
“Hope Is a Light” CCS 398 Stanza 5 –
Peace
Blessing
and Sending Forth
Congregational
Hymn: “Joy to the World” CCS 408
Postlude
