Join the Humble Procession

 

Written on Our Hearts

WORSHIP RESOURCES: ILOCANO

Naisurat Kadagiti Pusotayo
Written on Our Hearts

Jeremiah 31:31-34

Preparation

Mangisagana kadagiti sinanpuso a papel ket ited iti tunggal maysa kabayatan iti isi-sirrekda iti simbaan.

Prelude

Gathering Hymns: 31 NI JESUS TI CAIMBAGAN

Welcome

Call to Worship: Psalm 51:10-12

¹⁰Parsuaem kaniak, O Dios, ti nadalus a puso, ket ikkannak iti baro ken napudno nga espiritu; 11dinak pagtalawen iti imatangmo; dimo ipanaw kaniak ti Espiritu Santo. ¹²Isublim kaniak ti rag-o ti panangisalakanmo, ket ikkannak iti natulnog nga espiritu.

Hymn of Rejoicing: “Wind Upon the Waters”   CCS 49

Invocation

Lenten Reflection

Iti iyaasideg iti panagleppas iti intayo panagdalyasat iti daytoy a kuaresma a kadduatayo ni Hesus, panunutentayo dagiti naduma-duma nga intayo sinango iti intayo panagdalyasat, kas kadagiti palikko-likko a dalan ken kadagiti naduma-duma a pagilasinan. Ania dagiti ingka inaramid? Ania dagiti ingka nakita? Nasulisugka kadi tapno lisiyam iti pagpagnaam tapno piliem laengen iti nalaklaka a dalan? Adda kadi gundaway a napukaw iti interesmo iti ingka panagdalyasat? Sapaykoma a nailasinmo nga dagiti paliko-liko ken pagilasinan a nakitam ket maysa nga imbitasyon kenka tapno mabalinmo iti kumita babaen kadagiti baro a mata ken dumngeg iti baro babaen ken Jesus. Ania ngata dagiti baro a nalukatan iti panagkitam iti panagtultuloy iti panagdalyasatmo? Ania ngata dagiti sarita iti inanama ken ayat a mabalin nga insurat ni Jesus iti pusom?

Reading: “The Peace of Jesus Christ”

Reader 1: Nangegko ni Jesus a nagsao…

Reader 2: “Umayka kanyak ket aginanaka… ‘yegko iti naimbag a damag ken waya-waya dagiti amin a maparparigat.”

Reader 1: Sidadanagak, nabanbannog ken sililiday idi napanak ken Jesus. Kenkuana nasarakak iti inana ken kinaragsak.

Reader 2: Nangngegko ni Jesus a nagsao…

Reader 3: Adda ditoy iti danom iti biag nga ipaayko kadagiti mawaw! Umayka ket uminom ket agbiagka.”

Reader 2: Immasidegag ngarud ken Jesus… ket imminumak iti bubon iti biag! Naep-ep ti pannakawawko, nabiag ti kararuak ket ita agbibiagak kenkuana.

Reader 3: Nagngegko ni Hesus a nagsao… “Siak ti silaw ti nasipnget a lubong… kumitaka kanyak! Sumingisingka manipud iti kinalidaymo, ket agbalin a nalawag dagiti al-aldawmo.”

ALL Reader: Kumitatayo amin ken Jesus ket makitatayo kenkuana iti bituintayo, iti init tayo, ken ti nabiag a lawagna, ket magnanatayo… agingga a malpas iti al-aldaw iti panagdalyasat tayo.

—Horatius N. Bonar, CCS 31, “I Heard the Voice of Jesus Say,” adapted

Hymn of Humility: “Searcher of Hearts” CCS 178

Prayer for Peace

            Light the Peace Candle.

Prayer

Dios iti Baro a Biag,

Iti panagdalyasatmi iti daytoy a kuaresma ket umas-asidegen iti patenggana, malagipmi iti panangikarim iti maysa a dalan iti ay-ayatem ng Israel idi addada iti let-ang.

Ket ita dinalyasatmo iti ipapatay ngem babaen met laeng iti ayat. Gapu met laeng kadagiti tattaom. Kasano kadi iti panangkitam iti masakbayan a napnoan iti inanama?

Iti panagdalyasatmi iti let-ang ket agturong iti kappia a masansam iti panagriknami ket kasla kami lang agrik-rikus. Adda iti panagbisin, depresyon, awan iti panagpapada, awan iti kinahustisiya, adda iti saksakit ken agalla-allakami iti desyerto nga awanan iti inanama.

Ti pagnaanmi iti masangwanan ket kasla nakasipsipnget, ket kayatmi unay iti kinatalna manipud kadagiti napalabas. Ngem nupay kasta adda maysa a karayan iti let-ang – maysa a karayan nga impaaymo.

Ikkannakami koma iti tured tapno agabalinkami a kas tattaom nga impadtom, a sarsaritaenmi iti inanama kadagiti sililiday, mangibingay iti ayat kadagiti agkapsut iti nakemna, ken adda kadagiti sibay dagiti nadadael iti masakbayanna.

Rumbeng laeng a kumitakami iti silaw, ket umannurot no kayatmi a maisayangkat iti kinakappia.

Papigsaennakami tapno saankami nga agtar-taray laeng iti let-ang, ngem ketdi parang-ayenmi iti biagmi ken addaan kappia babaen iti karayan nga ayanmi. Iti nagan ni Jesus a namnamami. Amen.

Scripture Reading: Jeremiah 31:31-34

Sermon Based on Jeremiah 31:31-34

Reflection

Mabalin nga isurat iti sinanpuso a papel dagiti riknatayo kabaytan iti panagdalyasat tayo iti kuaresma. Ma-post to iti bulletin dagitoy kalpasan iti serbisyo.

Disciples’ Generous Response

Statement

Kayat ti Dios, a datayo a Kristiyano ket agbiagtayo a kadduatayo ni Jesu-Kristo ken kadduatayo dagiti adalan nga agserserbi ditoy lubong. Ti Iglesia ni Kristo ket bukbuklen dagiti sumungbat iti ayab ni Hesus. Ti Community of Christ ket paset iti buo a bagi ni Kristo.

Naawagantayo kas naipadtu a tattao ni Jesu-Kristo a mangbukbukel iti maysa a komunidad a sisasagana nga umawat kadagiti amin a tattao tapno maiyasidegda iti baro a relasyon iti Dios, nga awanen dagiti marigrigat. Ti parabur ti Dios a maiwarwaragawag a nangnangruna babaen kenni Jesu-Kristo ket maysa a kinaparabur nga awan kondisyonna. Iti intayo panangawat iti awan patinggana a parabur, idatontayo amin nga adda kadatayo nga agserbi iti pagayatan ti Dios a maiwar-waragawag babaen kenni Jesu-Kristo.

Iti daytoy a paset iti Disciples’ Generous Response, ikkantayo koma iti focus iti intayo panangiyannatup kadagiti puspusotayo iti puso ti Dios. Dagiti daton tayo ket saan laeng a napateg tapno magun-od iti budget iti iglesia nga agpaay iti misyonna, dagitoy ket maysa a simbolo iti intayo panagyaman iti Dios nga isu iti pagtataudan dagiti amin nga adda kadatayo.

Dagiti puspusotayo ket rumangrang-ayda a maiyannatup iti Dios no naan-anay iti panagyaman tayo kenkuana kadagiti amin a bendisyunna ken no ibibiagtayo iti misyon ni Kristo.

Blessing and Receiving of Local and Worldwide Mission Tithes

Hymn of Mission

Benediction

Sending Forth

Alaentayo dagiti sinanpuso a papel ket i-post tayo iti bulletin. Alaentayo dagiti insurat tayo iti sinanpuso a papel tayo iti intayo panagsagsagana iti Nasantoan a Dominggo. Intayo a kadduatayo koma iti Dios.

Postlude