Mabigbig Mo Kadi Isuna?

Lucas 24:13-35

Prelude

Welcome
        Sharing joys and concerns

Call to Worship
based Psalm 116
Reader 1: Ay-ayatek ti Apo, ta ipangagnak; denggenna dagiti kararagko.Yallingagna kaniak dagiti lapayagna tunggal umawagak kenkuana.

Reader 2: Gapu ta inyallingagMo ti lapayagMo kaniak, umawagak Kenka iti tungpal biagko.

 Reader 1: Pinulipolandak dagiti tali ni patay; natnagak kadagiti palab-og ni tanem; napnoak iti buteng ken danag.

Reader 2: Iti kasta, immawagak iti Apo.

Both: O Apo, nga ispalennak!

Reader 1: Ania ti mabalinko a pangsubad iti Apo kadagiti imbag nga impaayna kaniak?

Reader 2: Mangidatagakto iti daton nga inumen a pagyamanko kenkuana iti panangisalakanna kaniak. Iti imatang dagiti amin a tattaona, tungpalekto ti inkarik kenkuana.

Reader 1: O Apo, adtoyak nga adipenMo;

Reader 2: Adipennak, O Apo, ket intedmo kaniak ti wayawaya.

Reader 1: Iruknoykonto kenka ti daton a pagyaman, ket idatagkonto kenka ti kararagko.

Reader 2: Iti taripnong dagiti amin a tattaom, iti paraangan ti balay ti Apo idiay Jerusalem, tungpalekto ti inkarik kenkuana.

Both: Madaydayaw ti Apo!

Gathering Song
“O God beyond All Praising” CCS 90

Invocation

Disciples’ Generous Response
Scripture: Matthew 25:37-40

Ti saludsud agtaltalinaed a kunana, “Mailasin mo kadi ti Apo”?

Adu dagiti wagas iti panagbiag tayo tapno mabalintayo iti mangibingay kadagiti talento, kwarta, gundaway wenno testimonyo a kas sungbat tayo kadagiti adu a blessings ti Dios nga ipapaayna kadatayo.

Laglagipentayo a kanayon nga iti DGR ket gundaway tayo tapno mabalintayo nga iyannatup dagiti aramid ken tarigagay tayo iti pagayatan ti Dios, ken kasta met iti panangiyannatup tayo kadagiti pus-pusotayo iti puso iti Dios.

Hymn of Response: “Take My Gifts and Let Me Love You” CCS 609

Blessing and Receiving of Mission Tithes

Scripture Reading: Lucas 24:13-35

Prayer for Peace
Light the Peace Candle

Hymn of Peace: “When the Darkness Overwhelms Us” CCS 314

Prayer
        Sadino iti pakasarakanmi Kenka O Dios? Kadagiti kadi sabsabong, iti kinapintas kadi iti panaglinnek iti init iti malem, kadagiti kadi agduduma nga maris dagiti billit, kadagiti kadi isem dagiti gagayyem?

        Sadino kadi pakangngeganmi Kenka O Dios? Kadagiti kadi dalluyon iti baybay, iti saniweng kadi iti bigbigat, kadagiti kadi uni dagiti billit, kadagiti kadi arigikgik dagiti ub-ubbing.

        Sadino kadi iti pakasay-upanmi iti ayamuom Mo O Dios? Iti kadi tudo iti kalgaw, iti panagukrad dagiti sabong, iti kadi ayamuom iti maladaga, iti kadi naidasar a pangmalem iti pampamilya.

        Sadino kadi iti mabalinmi a pakaramanan Kenka O Dios? Iti kinaapgad iti danum iti baybay, dagiti makmakan manipud iti bakir, kadagiti kadi agtinnag a niyebe, iti kadi taraon nga maipadigo iti kaarruba.

        Sadino kadi iti pakariknaanmi Kenka O Dios? Iti kadi arimukamok manipud iti daranudor, iti kadi pudot iti agmatuon, iti kadi nalamuyot a kudil dagiti dingwen, iti kadi arakup manipud iti iliw iti nabayagen a gayyem.

        Tulungannakami O Dios a mailasindaka, kadagiti tunggal banag iti inaldaw iti panagbiagmi. Tulungannakami a mangsapul iti kappia kadagiti al-aldaw iti panagbiagmi ken iti pudpudno a pannakisaritami Kenka.

        Amen.

Closing Hymn

Prayer and Benediction

Postlude

Saan Ka Nga Agdudua, Mamati Ka

Prelude

Welcome

Call to Worship
Anian a Dios iti adda kadatayo! Anian a naggasat tayo iti kaadda iti namarsua ken Jesus kadatayo! Gapu iti dakkel a kaasina, naipasngaytayo iti baro a biag babaen iti panagungar ni Jesu-Cristo. Sibibiag a namnama ti impaay kadatayo daytoy baro a biag – ket ti masakbayan adtoy a mangrungin ita! Ket ti Dios adda a mangay-aywan kadatayo iti masakbayan. Ti aldaw umayto inton addan kenka amin dagitoy – pannakaagas iti biag ken pannaka-an-anay.

Uray pay ti balitok a madadael, magugoran iti apuy. Ket ti pammatiyo a napatpateg ngem balitok, masapul met a masuot tapno mataginayon. Iti kasta, awatenyonto ti dayaw, dayag ken tan-ok inton maiparangarang ni Jesu-Cristo.

Ay-ayatenyo nupay diyo nakita. Uray ita, mamatikayo kenkuana nupay saanyo a makita, ket agrag-okayo iti dakkel ken nagloriaan a ragsak a di mayebkas, 9ta gapu iti pammatiyo, magun-odyo ti pannakaisalakan dagiti kararuayo.

Gathering Song

Invocation

Hymn of Praise

Prayer of Peace
Light the Peace Candle

Prayer
Naisang-sangayan a Dios ken Managparabur,
Saanmi a maawatan dagiti wagas iti panagtrabahom ken panaggaraw Mo ditoy lubong.
Ngem uray pay nu kasta, usarennakami koma.
Ummongem iti tunggal maysa kadakami tapno ipasdekmi iti nasay-sayaat a lubong.
Tapno parmekenmi iti kinaawan hustisiya ket itakdermi iti kappia.
Tapno kumita kami iti sipnget ket makitami nu ania iti pudno ken masapul nga aramiden nga isu iti aramidenmi.
Masapulmi iti tured ken pannarabaymo.
Tulungannakami a mariknami koma a saankami nga agmaymaysa. Ti presesiyam ket agnanayon nga adda kadakami, a mabalin iti agtrabaho tapno maiipaay koma iti pannakabalbaliw ditoy lubong a gumawgawawa iti pannakawaya-waya.
Tulungannakami a mangimula iti ayatMo.
Aramidem nga istrumento iti kappiam iti tumunggal maysa kadakami. Iti nagan iti Prinsipe iti kappia.
Amen.

Hymn of Peace

Message
Based on John 20:19-31

Disciples Generous Response
Daytoy iti Gundaway tapno i-focus tayo dagiti bagbagi tayo iti panangiyannatup tayo kadagiti panggeptayo kas iti panggep ti Dios, panangiyannatup tayo iti puspusotayo iti puso iti Dios. Iti kankanayon ken regular a panangibingay tayo kadagiti tithes tayo, alaen tayo koma daytoy a gundaway tapno ‘yebkas tayo dagiti panagyaman tayo iti Dios gapu kadagiti adu a sag-sagotna iti bibiagtayo, ket panunutentayo nu kasano iti isusungbat tayo a sipupudno kadagitoy a bendisyun manipud Kenkuana. Iti pannakaawat tayo a dagiti parabur ken ayat ti Dios ket ipapaayna nga awan katukadna, mabalintayo a subadan dagitoy babaen iti intayo panagyaman ken panangibingay met kadagitoy iti sabali.

Blessing and Receiving of Mission Tithes

Closing Hymn

Prayer and Benediction

Postlude